ਕਠੂਆ ਅਤੇ ਉਨਾਵ ਸਮੇਤ ਬੱਚੀਆਂ ਨਾਲ ਬਲਾਤਕਾਰ ਦੀਆਂ ਹੋਰ ਘਟਨਾਵਾਂ ਦੇ ਵਿਰੋਧ ਵਿਚ ਪੂਰੇ ਦੇਸ਼ ਦਾ ਗੁੱਸਾ ਸ਼ਿਖ਼ਰਾਂ 'ਤੇ ਹੈ। ਇਨਸਾਫ਼ ਲਈ ...
ਨਵੀਂ ਦਿੱਲੀ : ਕਠੂਆ ਅਤੇ ਉਨਾਵ ਸਮੇਤ ਬੱਚੀਆਂ ਨਾਲ ਬਲਾਤਕਾਰ ਦੀਆਂ ਹੋਰ ਘਟਨਾਵਾਂ ਦੇ ਵਿਰੋਧ ਵਿਚ ਪੂਰੇ ਦੇਸ਼ ਦਾ ਗੁੱਸਾ ਸ਼ਿਖ਼ਰਾਂ 'ਤੇ ਹੈ। ਇਨਸਾਫ਼ ਲਈ ਦੇਸ਼ ਵਿਚ ਲੋਕ ਜਗ੍ਹਾ-ਜਗ੍ਹਾ ਵਿਰੋਧ ਪ੍ਰਦਰਸ਼ਨ ਕਰ ਰਹੇ ਹਨ। ਇਨ੍ਹਾਂ ਸਾਰਿਆਂ ਦੇ ਵਿਚਕਾਰ ਗੁਜਰਾਤ ਦੇ ਸੂਰਤ ਵਿਚ ਇਕ 9 ਸਾਲ ਦੀ ਬੱਚੀ ਦੀ ਲਾਸ਼ ਬਰਾਮਦ ਹੋਈ ਸੀ, ਜਿਸ ਦੇ ਸਰੀਰ 'ਤੇ 80 ਤੋਂ ਜ਼ਿਆਦਾ ਜ਼਼ਖਮਾਂ ਦੇ ਨਿਸ਼ਾਨ ਸਨ।
Ready to be hanged for hanging rapists: Anand Mahindra
ਇਕ ਦਿਨ ਬਾਅਦ ਪੋਸਟਮਾਰਟਮ ਦੀ ਰਿਪੋਰਟ ਵਿਚ ਬੱਚੀ ਦੇ ਨਾਲ ਬਲਾਤਕਾਰ ਦੀ ਪੁਸ਼ਟੀ ਹੋਈ। ਬੱਚੀ ਦੇ ਸਰੀਰ 'ਤੇ ਮਿਲੇ ਜ਼ਖਮਾਂ ਨੂੰ ਦੇਖ ਕੇ ਡਾਕਟਰਾਂ ਨੇ ਦਸਿਆ ਕਿ ਸੀ ਕਿ ਉਸ ਦਾ 7 ਦਿਨ ਤੋਂ ਜ਼ਿਆਦਾ ਸਮੇਂ ਤਕ ਸੋਸ਼ਣ ਕੀਤਾ ਗਿਆ ਹੈ। ਇਨ੍ਹਾਂ ਸਾਰੀਆਂ ਘਟਨਾਵਾਂ ਦੇ ਵਿਚਕਾਰ ਸੋਸ਼ਲ ਮੀਡੀਆ 'ਤੇ ਅਪਣੇ ਸ਼ਾਂਤ ਸੁਭਾਅ ਲਈ ਜਾਣੇ ਜਾਣ ਵਾਲੇ ਉਦਯੋਗਪਤੀ ਆਨੰਦ ਮਹਿੰਦਰਾ ਦਾ ਗੁੱਸਾ ਵੀ ਟਵਿੱਟਰ 'ਤੇ ਦੇਖਣ ਨੂੰ ਮਿਲਿਆ।
Ready to be hanged for hanging rapists: Anand Mahindra
ਆਨੰਦ ਮਹਿੰਦਰਾ ਨੇ ਅਪਣੇ ਟਵੀਟ ਵਿਚ ਲਿਖਿਆ ਕਿ ''ਵੈਸੇ ਤਾਂ ਜਲਾਦ ਦਾ ਕੰਮ ਕੋਈ ਨਹੀਂ ਕਰਨਾ ਚਾਹੁੰਦਾ, ਪਰ ਬੱਚੀਆਂ ਦੇ ਬਲਾਤਕਾਰੀਆਂ ਅਤੇ ਕਾਤਲਾਂ ਨੂੰ ਸਜ਼ਾ-ਏ-ਮੌਤ ਦੇ ਲਈ ਮੈਂ ਇਹ ਕੰਮ ਕਰਨ ਲਈ ਤਿਆਰ ਹਾਂ, ਮੈਂ ਸ਼ਾਂਤ ਰਹਿਣ ਦੀ ਬਹੁਤ ਕੋਸ਼ਿਸ਼ ਕਰਦਾ ਹਾਂ ਪਰ ਜਦੋਂ ਦੇਸ਼ ਵਿਚ ਅਜਿਹੀਆਂ ਘਟਨਾਵਾਂ ਹੁੰਦੀਆਂ ਹਨ ਤਾਂ ਮੇਰਾ ਖ਼ੂਨ ਖੌਲ ਉਠਦਾ ਹੈ।''
