ਮੱਧ ਪ੍ਰਦੇਸ਼ 'ਚ ਮੀਂਹ ਦਾ ਕਹਿਰ ਜਾਰੀ ਹੈ ਆਗਰਾ - ਮਾਲਵਾ ਜਿਲ੍ਹੇ 'ਚ ਪਿਛਲੇ 24 ਘੰਟਿਆਂ ਤੋਂ ਤੇਜ ਵਾਰਿਸ਼ ਦੇ ਕਾਰਨ ਜਨਜੀਵਨ ਪ੍ਰਭਾਵਿਤ ਹੋ ਗਿਆ ਹੈ।
ਮੱਧ ਪ੍ਰਦੇਸ਼ : ਮੱਧ ਪ੍ਰਦੇਸ਼ 'ਚ ਮੀਂਹ ਦਾ ਕਹਿਰ ਜਾਰੀ ਹੈ ਆਗਰਾ - ਮਾਲਵਾ ਜਿਲ੍ਹੇ 'ਚ ਪਿਛਲੇ 24 ਘੰਟਿਆਂ ਤੋਂ ਤੇਜ ਵਾਰਿਸ਼ ਦੇ ਕਾਰਨ ਜਨਜੀਵਨ ਪ੍ਰਭਾਵਿਤ ਹੋ ਗਿਆ ਹੈ। ਮੀਂਹ ਦੀ ਵਜ੍ਹਾ ਨਾਲ ਇੱਥੇ ਇੱਕ ਸਰਪੰਚ ਕਾਰ 'ਚ ਹੀ ਫਸੇ ਰਹਿ ਗਏ। ਉਹ ਹੁਣ ਵੀਡੀਓ ਬਣਾ ਕੇ ਮਦਦ ਦੀ ਗੁਹਾਰ ਲਗਾ ਰਹੇ ਹਨ। ਆਗਰਾ - ਮਾਲਵਾ 'ਚ ਪਿਛਲੇ 24 ਘੰਟੇ ਤੋਂ ਲਗਾਤਾਰ ਤੇਜ ਬਾਰਿਸ਼ ਹੋ ਰਹੀ ਹੈ ਇਸ ਨਾਲ ਆਮ ਜਨਜੀਵਨ ਪ੍ਰਭਾਵਿਤ ਹੋ ਗਿਆ ਹੈ।ਜਿਲ੍ਹੇ ਦੇ ਸਾਰੇ ਹਿੱਸਿਆਂ 'ਚ ਪਾਣੀ ਭਰ ਗਿਆ ਹੈ।
ਉਥੇ ਹੀ ਦੂਜੇ ਪਾਸੇ ਇੱਕ ਪਿੰਡ ਦੇ ਹਾਈਵੇਅ ਤੋਂ ਨਜ਼ਦੀਕ ਹੀ ਹੈ, ਉੱਥੇ ਸਰਪੰਚ ਆਪਣੀ ਜਾਨ ਹਥੇਲੀ 'ਤੇ ਰੱਖ ਕਾਰ ਦੇ ਅੰਦਰ ਬੈਠੇ ਮਦਦ ਦੀ ਗੁਹਾਰ ਲਗਾ ਰਹੇ ਹਨ। ਦਰਅਸਲ ਆਗਰਾ - ਮਾਲਵਾ ਜ਼ਿਲ੍ਹੇ ਦੇ ਇੱਕ ਪਿੰਡ ਦੇ ਸਰਪੰਚ ਕਾਰ 'ਚ ਜਾ ਰਹੇ ਸਨ। ਰਸਤੇ ਵਿੱਚ ਉਨ੍ਹਾਂ ਨੂੰ ਮੀਂਹ ਅਤੇ ਨਾਲੇ ਨੇ ਇਸ ਤਰ੍ਹਾਂ ਘੇਰ ਲਿਆ ਕਿ ਉਹ ਹੁਣ ਮਦਦ ਦਾ ਇੰਤਜ਼ਾਰ ਕਰ ਰਹੇ ਹਨ। ਨਾਲੇ ਵਿੱਚ ਕਾਰ ਬੰਦ ਹੋ ਜਾਣ ਦੇ ਚਲਦੇ ਉਹ ਜਿਵੇਂ - ਤਿਵੇਂ ਨਜ਼ਦੀਕ ਹੀ ਇੱਟ ਦੇ ਭੱਠੇ 'ਤੇ ਪੁੱਜੇ ਪਰ ਪਾਣੀ ਵਧਦਾ ਜਾ ਰਿਹਾ ਸੀ। ਅਜਿਹੀ ਹਾਲਤ ਵਿੱਚ ਦੋਵੇਂ ਨੌਜਵਾਨ ਕਾਰ ਦੇ ਅੰਦਰ ਹੀ ਬੈਠ ਗਏ।
ਉੱਥੇ ਤੋਂ ਉਨ੍ਹਾਂ ਨੇ ਮੋਬਾਇਲ ਦੁਆਰਾ ਆਪਣੀ ਹਾਲਤ ਦਾ ਵੀਡੀਓ ਬਣਾ ਕੇ ਭੇਜਿਆ ਤਾਂ ਕਿ ਉਨ੍ਹਾਂ ਦੀ ਮਦਦ ਕੀਤੀ ਜਾ ਸਕੇ। 15 ਅਗਸਤ ਨੂੰ ਬੱਚਿਆਂ ਨੂੰ ਵੰਡੀ ਜਾਣ ਵਾਲੀ ਮਠਿਆਈ ਵੀ ਕਾਰ ਵਿੱਚ ਹੀ ਵਿਖਾਈ ਦੇ ਰਹੀ ਹੈ ਜੋ ਸਰਪੰਚ ਲੈ ਕੇ ਜਾ ਰਹੇ ਸਨ। ਹਾਲਾਂਕਿ ਪੁਲਿਸ ਅਤੇ ਐਨਡੀਆਰਐਫ ਦੀ ਟੀਮ ਵੀ ਮੌਕੇ 'ਤੇ ਪਹੁੰਚਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਪਰ ਰਸਤੇ 'ਚ ਨਦੀਆਂ - ਨਾਲੇ ਹੋਣ ਨਾਲ ਉਨ੍ਹਾਂ ਤੱਕ ਮਦਦ ਨਹੀਂ ਪਹੁੰਚ ਪਾ ਰਹੀ।
ਜਿਲ੍ਹੇ 'ਚ ਮੀਂਹ ਦਾ ਇੰਨਾ ਭਿਆਨਕ ਰੂਪ ਹੈ ਕਿ ਚਾਰੋਂ ਪਾਸੇ ਪਾਣੀ ਹੀ ਪਾਣੀ ਹੈ। ਹਾਈਵੇਅ ਸਾਰੇ ਬੰਦ ਹਨ ਅਜਿਹੇ ਵਿੱਚ ਜਾਨ ਜੋਖਮ 'ਚ ਪਾ ਕੇ ਲੋਕ ਪੁੱਲ ਪਾਰ ਕਰ ਰਹੇ ਹਨ। ਸੜਕਾਂ 'ਤੇ ਵੀ ਦੋ ਫੁੱਟ ਤੱਕ ਪਾਣੀ ਭਰ ਗਿਆ ਹੈ ਜਾਂ ਇਵੇਂ ਕਹੋ ਕਿ ਚਾਰੋਂ ਪਾਸੇ ਭਾਰੀ ਮੀਂਹ ਨਾਲ ਹਾਹਾਕਾਰ ਮਚਿਆ ਹੋਇਆ ਹੈ।