ਇਹ ਨੁਕਸਾਨਦੇਹ ਗੈਸਾਂ ਨੂੰ ਵੀ ਬਾਹਰ ਨਹੀਂ ਕੱਢੇਗੀ, ਜਿਹਾ ਕਿ ਹੁਣ ਵਰਤੀ ਜਾਣ ਵਾਲੀ ਬੁਖਾਰੀ ਵਿਚ ਹੁੰਦਾ ਹੈ। ਨਵੀਂ ਬੁਖਾਰੀ ਰੂਮ ਹੀਟਰ ਦੀ ਤਰ੍ਹਾਂ ਕੰਮ ਕਰੇਗੀ।
ਨਵੀਂ ਦਿੱਲੀ : ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ ਨੇ ਇਕ ਅਜਿਹੀ ਬੁਖਾਰੀ ਤਿਆਰ ਕੀਤੀ ਹੈ ਜਿਸ ਨਾਲ ਸਲਾਨਾ 3650 ਕਰੋੜ ਰੁਪਏ ਦੀ ਬਚਤ ਹੋਵੇਗੀ। ਇਹ ਬੁਖਾਰੀ ਵਿਸ਼ੇਸ਼ ਤੌਰ 'ਤੇ ਸਿਆਚਿਨ ਜਿਹੇ ਠੰਡੇ ਇਲਾਕੇ ਵਿਚ ਫ਼ੌਜੀਆਂ ਲਈ ਤਿਆਰ ਕੀਤੀ ਗਈ ਹੈ। ਇਸ ਨਾਲ ਰੋਜ਼ਾਨਾ 10 ਲੀਟਰ ਬਾਲਣ ਦੀ ਬਚਤ ਹੋਵੇਗੀ। ਇਹ ਬੁਖਾਰੀ ਮਿੱਟੀ ਦੇ ਤੇਲ ਨਾਲ ਚਲਦੀ ਹੈ।
Defence Research and Development Organisation
ਇਸ ਤੋਂ ਇਲਾਵਾ ਇਹ ਪ੍ਰਦੂਸ਼ਣ ਨੂੰ ਘਟਾਉਣ ਵਿਚ ਵੀ ਲਾਹੇਵੰਦ ਸਾਬਤ ਹੋਵੇਗੀ। ਇਹ ਨੁਕਸਾਨਦੇਹ ਗੈਸਾਂ ਨੂੰ ਵੀ ਬਾਹਰ ਨਹੀਂ ਕੱਢੇਗੀ, ਜਿਹਾ ਕਿ ਹੁਣ ਵਰਤੀ ਜਾਣ ਵਾਲੀ ਬੁਖਾਰੀ ਵਿਚ ਹੁੰਦਾ ਹੈ। ਨਵੀਂ ਬੁਖਾਰੀ ਰੂਮ ਹੀਟਰ ਦੀ ਤਰ੍ਹਾਂ ਕੰਮ ਕਰੇਗੀ। ਇਹ ਫ਼ੌਜੀਆਂ ਨੂੰ ਠੰਡੇ ਇਲਾਕਿਆਂ ਵਿਚ ਰਾਹਤ ਦੇਵੇਗੀ। ਇਹਨਾਂ ਠੰਡੇ ਇਲਾਕਿਆਂ ਵਿਚ ਬਿਨਾਂ ਹੀਟਰ ਦੇ ਰਹਿਣਾ ਬਹੁਤ ਮੁਸ਼ਕਲ ਹੈ।
Indian army
ਇਸ ਬੁਖਾਰੀ ਨੂੰ ਡੀਆਰਡੀਓ ਦੇ ਡਿਫੈਂਸ ਇੰਸਟੀਚਿਊਟ ਆਫ਼ ਫਿਜ਼ਿਓਲੋਜ਼ੀ ਐਂਡ ਅਲਾਈਡ ਸਾਇੰਸਜ਼ ਦੇ ਵਿਗਿਆਨੀਆਂ ਨੇ ਤਿਆਰ ਕੀਤਾ ਹੈ। ਫ਼ੌਜ ਕੋਲ ਇਸ ਵੇਲ੍ਹੇ 20 ਹਜ਼ਾਰ ਬੁਖਾਰੀ ਹਨ। ਰਵਾਇਤੀ ਬੁਖਾਰੀ ਦੀ ਥਾਂ 'ਤੇ ਨਵੀਂ ਬੁਖਾਰੀ ਲਗਾਉਣ ਨਾਲ ਰੋਜ਼ਾਨਾ 10 ਕਰੋੜ ਰੁਪਏ ਭਾਵ ਕਿ ਸਲਾਨਾ 3650 ਕੋਰੜ ਰੁਪਏ ਦੀ ਬਚਤ ਹੋਵੇਗੀ।
