ਇੰਗਲਿਸ਼ ਲਿਟਰੇਚਰ 'ਚ ਮਾਸਟਰਜ਼ ਕਰ ਚੁੱਕੀ ਇਹ ਕੁੜੀ ਅੱਜ ਆਪਣੀ ਨੌਕਰੀ ਛੱਡ ਕੇ ਸੜਕ 'ਤੇ ਚਾਹ ਦਾ ਸਟਾਲ ਲਗਾ ਰਹੀ ਹੈ।
ਨਵੀਂ ਦਿੱਲੀ: ਸਿੱਖਿਆ ਜੀਵਨ ਵਿਚ ਬਹੁਤ ਜ਼ਰੂਰੀ ਹੈ, ਹਰ ਕੋਈ ਚੰਗੀ ਪੜ੍ਹਾਈ ਕਰਕੇ ਆਪਣੇ ਸੁਪਨਿਆਂ ਨੂੰ ਸਾਕਾਰ ਕਰਨਾ ਚਾਹੁੰਦਾ ਹੈ। ਕਈ ਵਾਰ ਲੋਕ ਆਪਣੇ ਕਰੀਅਰ ਨੂੰ ਬਿਹਤਰ ਬਣਾਉਣ ਲਈ ਦਿਨ-ਰਾਤ ਮਿਹਨਤ ਕਰਦੇ ਹਨ। ਦੂਜੇ ਪਾਸੇ ਕੁਝ ਲੋਕ ਆਪਣੇ ਕੈਰੀਅਰ ਨੂੰ ਨਜ਼ਰਅੰਦਾਜ਼ ਕਰਦੇ ਹਨ ਅਤੇ ਆਪਣੇ ਜਨੂੰਨ ਨੂੰ ਫੋਲੋ ਕਰਨਾ ਸ਼ੁਰੂ ਕਰ ਦਿੰਦੇ ਹਨ। ਅਜਿਹਾ ਹੀ ਦਿੱਲੀ ਦੀ ਇਕ ਲੜਕੀ ਨੇ ਕੀਤਾ, ਜਿਸ ਨੇ ਆਪਣੇ ਸੁਪਨਿਆਂ ਨੂੰ ਸਾਕਾਰ ਕਰਨ ਲਈ ਕੁਝ ਅਜਿਹਾ ਕੀਤਾ, ਜਿਸ ਨੂੰ ਦੇਖ ਕੇ ਅੱਜ ਬਹੁਤ ਸਾਰੇ ਲੋਕ ਪ੍ਰੇਰਿਤ ਹੋ ਰਹੇ ਹਨ।
ਇਹ ਵੀ ਪੜ੍ਹੋ: ਕਾਂਗੋ ਗਣਰਾਜ ਦੀ ਚਰਚ 'ਚ ਧਮਾਕਾ: ਹੁਣ ਤੱਕ 17 ਦੀ ਮੌਤ ਤੇ 20 ਗੰਭੀਰ ਜ਼ਖ਼ਮੀ
ਇੰਗਲਿਸ਼ ਲਿਟਰੇਚਰ 'ਚ ਮਾਸਟਰਜ਼ ਕਰ ਚੁੱਕੀ ਇਹ ਕੁੜੀ ਅੱਜ ਆਪਣੀ ਨੌਕਰੀ ਛੱਡ ਕੇ ਸੜਕ 'ਤੇ ਚਾਹ ਦਾ ਸਟਾਲ ਲਗਾ ਰਹੀ ਹੈ। ਇਸ ‘ਐਮਏ ਇੰਗਲਿਸ਼ ਚਾਏਵਾਲੀ’ ਦੀ ਕਹਾਣੀ ਭਾਰਤੀ ਫੌਜ ਦੇ ਰਿਟਾਇਰਡ ਬ੍ਰਿਗੇਡੀਅਰ ਸੰਜੇ ਖੰਨਾ ਨੇ ਲਿੰਕਡਇਨ 'ਤੇ ਸਾਂਝੀ ਕੀਤੀ ਹੈ। ਇਸ ਐਮਏ ਇੰਗਲਿਸ਼ ਚਾਏਵਾਲੀ ਦਾ ਨਾਂਅ ਸ਼ਰਮਿਸ਼ਠਾ ਘੋਸ਼ ਦੱਸਿਆ ਜਾ ਰਿਹਾ ਹੈ, ਜੋ ਚਾਹ-ਕੈਫੇ ਚੇਨ ਦੇ ਆਪਣੇ ਸੁਪਨੇ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਇਹ ਵੀ ਪੜ੍ਹੋ: ਖ਼ੂਨ ਦੀ ਕਮੀ ਨੂੰ ਦੂਰ ਕਰਦੈ ਖੁਰਮਾਣੀ ਦਾ ਜੂਸ, ਜਾਣੋ ਹੋਰ ਫਾਇਦੇ
ਸ਼ਰਮਿਸ਼ਠਾ ਘੋਸ਼ ਅੰਗਰੇਜ਼ੀ ਸਾਹਿਤ ਵਿਚ ਪੋਸਟ-ਗ੍ਰੈਜੂਏਟ ਹੈ, ਜੋ ਦਿੱਲੀ ਕੈਂਟ ਦੇ ਗੋਪੀਨਾਥ ਬਾਜ਼ਾਰ ਵਿਚ ਚਾਹ ਦਾ ਸਟਾਲ ਚਲਾਉਂਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਪਹਿਲਾਂ ਬ੍ਰਿਟਿਸ਼ ਕਾਉਂਸਿਲ ਨਾਲ ਜੁੜੀ ਹੋਈ ਸੀ ਪਰ ਆਪਣੇ ਸਟਾਰਟਅੱਪ ਲਈ ਉਸ ਨੇ ਨੌਕਰੀ ਛੱਡਣ ਦਾ ਫੈਸਲਾ ਕੀਤਾ। ਸ਼ਰਮਿਸ਼ਠਾ ਘੋਸ਼ ਦਾ ਸੁਪਨਾ ਹੈ ਕਿ ਇਕ ਦਿਨ ਉਹ ਵੀ ਚਾਯੋਸ ਵਰਗਾ ਵੱਡਾ ਬ੍ਰਾਂਡ ਬਣਾ ਕੇ ਆਪਣਾ ਸੁਪਨਾ ਪੂਰਾ ਕਰੇਗੀ।
