ਉਹਨਾਂ ਕਿਹਾ ਕਿ ਹਰ ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਇਹ ਟ੍ਰੇਨ ਸੁਲਤਾਨਪੁਰ...
ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਵਾਰਾਣਸੀ ਤੋਂ ਕਾਸ਼ੀ ਮਹਾਕਾਲ ਐਕਸਪ੍ਰੈਸ ਨੂੰ ਰਵਾਨਾ ਕੀਤਾ। ਇਸ ਵਿਚ ਇਕ ਸੀਟ ਭਗਵਾਨ ਸ਼ਿਵ ਨੂੰ ਵੀ ਦਿੱਤੀ ਗਈ ਹੈ। ਟ੍ਰੇਨ ਦੇ ਬੀ5 ਡੱਬੇ ਵਿਚ ਸੀਟ ਨੰਬਰ 64 ਕੋਲ ਭਗਵਾਨ ਸ਼ਿਵ ਦਾ ਇਕ ਛੋਟਾ ਜਿਹਾ ਮੰਦਿਰ ਬਣਾਇਆ ਗਿਆ ਹੈ। ਇਸ ਮੰਦਿਰ ਨੂੰ ਰੰਗੀਨ ਪੇਪਰ ਅਤੇ ਫੁੱਲ ਮਾਲਾਵਾਂ ਨਾਲ ਸਜਾਇਆ ਗਿਆ ਹੈ। ਕਈ ਸ਼ਰਧਾਲੂ ਇਸ ਮੰਦਿਰ ਦੇ ਸਾਹਮਣੇ ਹੱਥ ਜੋੜ ਕੇ ਮੱਥਾ ਟੇਕਦੇ ਦੇਖਿਆ ਗਿਆ।
ਟ੍ਰੇਨ ਵਿਚ ਸ਼ਿਵ ਲਈ ਸੀਟ ਰਾਖਵੀਂ ਕੀਤੇ ਜਾਣ ਦੇ ਨਵੇਂ ਵਿਚਾਰ ਤੋਂ ਬਾਅਦ ਰੇਲਵੇ ਪ੍ਰਸ਼ਾਸਨ ਇਸ ਤੇ ਵਿਚਾਰ ਕਰ ਰਿਹਾ ਹੈ ਕਿ ਟ੍ਰੇਨ ਵਿਚ ਸਥਾਈ ਤੌਰ ਤੇ ਸ਼ਿਵਜੀ ਲਈ ਇਕ ਸੀਟ ਰਾਖਵੀਂ ਕੀਤੀ ਜਾਵੇ। ਇਹ ਟ੍ਰੇਨ ਇੰਦੌਰ ਦੇ ਨੇੜੇ ਓਂਕਾਰੇਸ਼ਵਰ, ਉਜੈਨ ਵਿਚ ਮਹਾਕਾਲੇਸ਼ਵਰ ਅਤੇ ਵਾਰਾਣਸੀ ਵਿਚ ਕਾਸ਼ੀ ਵਿਸ਼ਵਨਾਥ ਨੂੰ ਜੋੜੇਗੀ। ਉੱਤਰੀ ਰੇਲਵੇ ਲਈ ਬੁਲਾਰੇ ਦੀਪਕ ਕੁਮਾਰ ਨੇ ਦਸਿਆ ਕਿ ਕੋਚ ਗਿਣਤੀ ਬੀ5 ਦੀ ਸੀਟ ਗਿਣਤੀ 64 ਭਗਵਾਨ ਲਈ ਖਾਲੀ ਕੀਤੀ ਗਈ ਹੈ।
ਰੇਲਵੇ ਨੇ ਆਈਆਰਸੀਟੀਸੀ ਦੀ ਤੀਜੀ ਸੇਵਾ ਸ਼ੁਰੂ ਕੀਤੀ ਹੈ। ਇਹ ਟ੍ਰੇਨ ਉੱਤਰ ਪ੍ਰਦੇਸ਼ ਦੇ ਵਾਰਣਾਸੀ ਦੇ ਮੱਧ ਪ੍ਰਦੇਸ਼ ਦੇ ਇੰਦੌਰ ਤਕ ਜਾਵੇਗੀ। ਉਹਨਾਂ ਦਸਿਆ ਕਿ ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਕਿ ਜਦੋਂ ਇਕ ਸੀਟ ਭਗਵਾਨ ਸ਼ਿਵ ਲਈ ਖਾਲੀ ਸੀਟ ਰੱਖੀ ਗਈ ਹੈ। ਸੀਟ ਤੇ ਇਕ ਮੰਦਿਰ ਬਣਾਇਆ ਗਿਆ ਹੈ ਤਾਂ ਕਿ ਲੋਕਾਂ ਨੂੰ ਪਤਾ ਲੱਗੇ ਕਿ ਇਹ ਸੀਟ ਮੱਧ ਪ੍ਰਦੇਸ਼ ਦੇ ਉਜੈਨ ਦੇ ਮਹਾਕਾਲ ਲਈ ਹੈ।
ਇਸ ਟ੍ਰੇਨ ਵਿਚ ਸੰਗੀਤ ਵੀ ਵਜਾਇਆ ਜਾਵੇਗਾ ਅਤੇ ਹਰ ਕੋਚ ਵਿਚ ਦੋ ਨਿਜੀ ਗਾਰਡ ਵੀ ਮੌਜੂਦ ਰਹਿਣਗੇ ਤੇ ਯਾਤਰੀਆਂ ਨੂੰ ਸ਼ਾਕਾਹਾਰੀ ਭੋਜਨ ਪਰੋਸਿਆ ਜਾਵੇਗਾ। ਇਸ ਟ੍ਰੇਨ ਦਾ ਪ੍ਰਯਾਗਰਾਜ ਆਮਦ ਤੇ ਸਵਾਗਤ ਕੀਤਾ ਗਿਆ ਹੈ। ਇਲਾਹਾਬਾਦ ਜੰਕਸ਼ਨ ਤੇ ਇਸ ਟ੍ਰੇਨ ਦੇ ਸਵਾਗਤ ਤੇ ਪ੍ਰਯਾਗਰਾਜ ਦੀ ਸੰਸਦ ਮੈਂਬਰ ਰੀਤਾ ਬਹੁਗੁਣਾ ਜੋਸ਼ੀ, ਕੌਸ਼ਾਂਬੀ ਦੇ ਸੰਸਦ ਮੈਂਬਰ ਵਿਨੋਦ ਸੋਨਕਰ ਅਤੇ ਪ੍ਰਤਾਪਗੜ੍ਹ ਦੇ ਸੰਸਦ ਸੰਗਮ ਲਾਲ ਗੁਪਤਾ ਨੇ ਇਸ ਦਾ ਸਵਾਗਤ ਕੀਤਾ ਅਤੇ ਟ੍ਰੇਨ ਨੂੰ ਹਰੀ ਝੰਡੀ ਦਿਖਾ ਕੇ ਕਾਨਪੁਰ ਲਈ ਰਵਾਨਾ ਕੀਤਾ।
ਕਾਸ਼ੀ ਮਹਾਕਾਲ ਐਕਸਪ੍ਰੈਸ ਟ੍ਰੇਨ ਵਾਰਾਣਸੀ ਅਤੇ ਇੰਦੌਰ ਵਿਚ ਹਫ਼ਤੇ ਵਿਚ ਦੋ ਦਿਨ ਲਖਨਊ ਅਤੇ ਕਾਨਪੁਰ ਹੋ ਕੇ ਜਾਵੇਗੀ ਜਦਕਿ ਇਕ ਦਿਨ ਇਲਾਹਾਬਾਦ ਅਤੇ ਕਾਨਪੁਰ ਹੋ ਕੇ ਜਾਵੇਗੀ। ਉੱਤਰ ਮੱਧ ਰੇਲਵੇ ਦੇ ਜਨਸੰਪਰਕ ਅਧਿਕਾਰੀ ਸੁਨੀਲ ਕੁਮਾਰ ਗੁਪਤਾ ਨੇ ਦਸਿਆ ਕਿ ਇਸ ਟ੍ਰੇਨ ਦਾ ਨਿਯਮਿਤ ਸੰਚਾਲਨ ਵਾਰਾਣਸੀ ਤੋਂ 20 ਫਰਵਰੀ 2020 ਤੋਂ ਸ਼ੁਰੂ ਕੀਤੀ ਜਾਵੇਗੀ। ਟ੍ਰੇਨ ਨੰਬਰ 82401 ਵਾਰਾਣਸੀ ਤੋਂ ਦੁਪਹਿਰ 2 ਵਜ ਕੇ 45 ਮਿੰਟ ਤੇ ਰਵਾਨਾ ਹੋਵੇਗੀ।
ਉਹਨਾਂ ਕਿਹਾ ਕਿ ਹਰ ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਇਹ ਟ੍ਰੇਨ ਸੁਲਤਾਨਪੁਰ, ਲਖਨਊ, ਕਾਨਪੁਰ ਹੁੰਦੇ ਹੋਏ ਇੰਦੌਰ ਪਹੁੰਚੇਗੀ। 23 ਫਰਵਰੀ 2020 ਤੋਂ ਟ੍ਰੇਨਾਂ ਨੰਬਰ 82403 ਹਰ ਐਤਵਾਰ ਨੂੰ ਵਾਰਾਣਸੀ ਤੋਂ ਦੁਪਹਿਰ 3 ਵਜ ਕੇ 15 ਮਿੰਟ ਤੇ ਰਵਾਨਾ ਹੋਵੇਗੀ ਅਤੇ ਜੰਘਈ, ਇਲਾਹਾਬਾਦ, ਕਾਨਪੁਰ ਹੁੰਦੇ ਹੋਏ ਇੰਦੌਰ ਪਹੁੰਚੇਗੀ। ਗੁਪਤਾ ਨੇ ਦਸਿਆ ਕਿ ਇਸ ਟ੍ਰੇਨ ਵਿਚ 9 ਥਰਡ ਕਲਾਸ ਦੇ ਏਅਰ ਕੰਡੀਸ਼ਨਰ, ਦੋ ਜੈਨਰੇਟਰ ਕਾਰ ਅਤੇ ਇਕ ਪੈਂਟ੍ਰੀ ਕਾਰ ਸਮੇਤ ਕੁੱਲ 12 ਡੱਬੇ ਲਗਾਏ ਗਏ ਹਨ।
ਅਧੁਨਿਕ ਸੁਵਿਧਾਵਾਂ ਨਾਲ ਲੈਸ ਸਾਰੇ ਡੱਬਿਆਂ ਵਿਚ ਸੀਸੀਟੀਵੀ ਕੈਮਰੇ ਲਗਾਏ ਗਏ ਹਨ ਅਤੇ ਸਾਰੇ ਬਰਥ ਤੇ ਮੋਬਾਇਲ ਚਾਰਜਿੰਗ ਪੁਆਇੰਟ ਦੀ ਵਿਵਸਥਾ ਵੀ ਕੀਤੀ ਗਈ ਹੈ। ਨਾਲ ਹੀ ਹਰ ਯਾਤਰੀ ਲਈ ਯਾਤਰਾ ਦੌਰਾਨ 10 ਲੱਖ ਰੁਪਏ ਦਾ ਕੰਪਲੀਮੈਂਟਰੀ ਯਾਤਰਾ ਬੀਮਾ ਦੀ ਸੁਵਿਧਾ ਵੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਟ੍ਰੇਨ ਵਿੱਚ 120 ਦਿਨਾਂ ਦੀ ਐਡਵਾਂਸ ਰਿਜ਼ਰਵੇਸ਼ਨ ਦੀ ਸਹੂਲਤ ਹੈ ਅਤੇ ਰਿਜ਼ਰਵੇਸ਼ਨ ਚਾਰਟ ਤਿਆਰ ਕਰਨ ਤੋਂ ਬਾਅਦ ਅਤੇ ਰੇਲਗੱਡੀ ਦੇ ਰਵਾਨਗੀ ਸਮੇਂ ਤੋਂ ਪੰਜ ਮਿੰਟ ਪਹਿਲਾਂ, ਰਿਜ਼ਰਵੇਸ਼ਨ ਦੀ ਸਹੂਲਤ ਮਿਲੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।