ਸਾਝੀਵਾਲਤਾ ਦੇ ਸੁਨੇਹਾ ਦਿੰਦਾ 'ਕਿਸਾਨ ਹਵੇਲੀ' ਵਿਚ ਕੋਈ ਵੀ ਰਹਿ ਸਕਦਾ ਹੈ
ਨਵੀਂ ਦਿੱਲੀ : ਦਿੱਲੀ ਦੀਆਂ ਬਰੂਹਾਂ 'ਤੇ ਚੱਲ ਰਹੇ ਕਿਸਾਨੀ ਅੰਦੋਲਨ ਨੇ ਅਨੇਕਾਂ ਮਿਸਾਲਾਂ ਕਾਇਮ ਕੀਤੀਆਂ ਹਨ। ਇੱਥੇ ਵਸੇ ਨਵੇਂ ਪਿੰਡ ਦੇ ਪਿੰਡਾਂ ਦਾ ਭੁਲੇਖਾ ਪਾਉਂਦੇ ਹਨ। ਇੱਥੇ ਘੁੰਮਦਿਆਂ ਇਉਂ ਮਹਿਸੂਸ ਹੁੰਦੇ ਹੈ, ਜਿਵੇਂ ਤੁਸੀਂ ਪੰਜਾਬ ਦੇ ਕਿਸੇ ਪਿੰਡ ਵਿਚ ਹੀ ਘੁੰਮ ਰਹੇ ਹੋਵੋ। ਕਿਸਾਨਾਂ ਵਲੋਂ ਇਥੇ ਟਰਾਲੀਆਂ ਤੋਂ ਇਲਾਵਾ ਖੂਬਸੂਰਤ ਝੋਬੜੀਨੁਮਾ ਟੈਂਟਾਂ ਨੂੰ ਆਪਣਾ ਰੈਣ-ਬਸੇਰਾ ਬਣਾਇਆ ਹੋਇਆ ਹੈ।
Kisan Haveli
ਟੀਕਰੀ ਬਾਰਡਰ 'ਤੇ ਕਿਸਾਨਾਂ ਨੇ ਕਿਸਾਨ ਹਵੇਲੀ ਬਣਾਈ ਹੈ ਜੋ ਸਭ ਦਾ ਧਿਆਨ ਖਿੱਚ ਰਹੀ ਹੈ। ਇਹ ਖੂਬਸੂਰਤ ਹਲੇਵੀ ਪਿੰਡ ਘੋਲੀਆ ਦੇ ਸਰਪੰਚ ਗੁਰਸੇਵਕ ਸਿੰਘ ਦੀ ਕੋਸ਼ਿਸ਼ ਸਦਕਾ ਹੋਂਦ ਵਿਚ ਆਈ ਹੈ। ਇਸ ਬਨਾਉਣ ਵਿਚ ਵੱਖ-ਵੱਖ ਜ਼ਿਲ੍ਹਿਆਂ ਦੇ ਨੌਜਵਾਨਾਂ ਨੇ ਸਾਥ ਦਿੱਤਾ ਹੈ। ਇਸ ਥਾਂ 'ਤੇ ਪਹਿਲਾਂ ਕਾਫੀ ਗੰਦਗੀ ਸੀ ਜਿਸ ਨੂੰ ਸਾਫ ਕਰ ਕੇ ਇੱਥੇ ਇਹ ਹਵੇਲੀ ਬਣਾਈ ਗਈ ਹੈ।
Kisan Haveli
ਹਵੇਲੀ 'ਚ ਹਰ ਤਰ੍ਹਾਂ ਦੀ ਸੁਵਿਧਾ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਇਹ ਹਵੇਲੀ ਮਾਡਲ ਕਿਸਾਨਾਂ ਵਿਚ ਇਕ ਉਦਾਹਰਣ ਬਣ ਕੇ ਉਭਰਿਆ ਹੈ। ਖੂਬਸੂਰਤ ਤਰੀਕੇ ਨਾਲ ਸਜਾਈ ਗਈ ਇਹ ਹਵੇਲੀ ਆਮ ਲੋਕਾਂ ਵਿਚ ਖਿੱਚ ਦਾ ਕੇਂਦਰ ਬਣੀ ਹੋਈ ਹੈ।
Kisan Haveli
ਹਵਾਲੀ ਨਿਰਮਾਤਾ ਗੁਰਸੇਵਕ ਸਿੰਘ ਕਹਿੰਦੇ ਹਨ ਕਿ ਕੇਂਦਰ ਦੇ ਵਤੀਰੇ ਤੋਂ ਲੜਾਈ ਦੇ ਲੰਬੀ ਚੱਲਣ ਦੇ ਸੰਕੇਤ ਮਿਲ ਰਹੇ ਹਨ, ਅਜਿਹੇ ਵਿਚ ਰਹਿਣ ਦੀ ਥਾਂ ਦਾ ਚੰਗੀ ਹੋਣਾ ਬਹੁਤ ਜ਼ਰੂਰੀ ਹੈ। ਗੁਰਸੇਵਕ ਮੁਤਾਬਕ ਉਨ੍ਹਾਂ ਨੇ ਹਵੇਲੀ ਜ਼ਰੀਏ ਇਕ ਮਾਡਲ ਪੇਸ਼ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਮੋਦੀ ਨੇ ਗੁਜਰਾਤ ਮਾਡਲ ਦੇਸ਼ 'ਚ ਲਾਗੂ ਕੀਤਾ ਹੈ ਜਦਕਿ ਅਸੀਂ ਪੰਜਾਬ ਮਾਡਲ ਦੀ ਝਲਕ ਦਿਖਾਈ ਹੈ ਜੋ ਦੇਸ਼ ਲਈ ਰਾਹ ਦਸੇਰਾ ਹੈ।
Kisan Haveli
ਵਾਤਾਵਰਣ ਦੀ ਸਵੱਛਤਾ ਨੂੰ ਧਿਆਨ ਵਿਚ ਰਖਦਿਆਂ ਹਵੇਲੀ ਵਿਚ ਪਾਰਕ ਵੀ ਬਣਾਇਆ ਗਿਆ ਅਤੇ ਬੂਟੇ ਵੀ ਲਗਾਏ ਗਏ ਹਨ। ਭੀੜ-ਭੜੱਕੇ ਤੋਂ ਬਚਾਅ ਲਈ ਇੱਥੇ ਵੱਖਰੀ ਪਾਰਕਿੰਗ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਇਸ ਹਵੇਲੀ 'ਚ ਇਕ ਸਮੇਂ ਦੌਰਾਨ 200 ਲੋਕ ਰਹਿ ਸਕਦੇ ਹਨ।
Kisan Haveli
ਕਿਸਾਨਾਂ ਮੁਤਾਬਕ ਉਹ ਇਸ ਹਵੇਲੀ ਨੂੰ ਕਿਸਾਨਾਂ ਦੇ ਵਿਸਟਰ ਪੁਆਇੰਟ ਵਜੋਂ ਸਥਾਪਤ ਕਰਨਾ ਚਾਹੁੰਦੇ ਹਨ। ਇਹ ਹਵੇਲੀ ਸਾਂਝੀਵਾਲਤਾ ਦਾ ਸੰਦੇਸ਼ ਵੀ ਦਿੰਦੀ ਹੈ, ਕਿਉਂਕਿ ਇਸ ਦੇ ਦਰਵਾਜ਼ੇ ਹਰ ਕਿਸੇ ਲਈ ਖੁਲ੍ਹੇ ਰੱਖੇ ਗਏ ਹਨ ਅਤੇ ਇੱਥੇ ਆ ਕੇ ਕੋਈ ਵੀ ਰਹਿ ਸਕਦਾ ਹੈ।
