ਟਰੈਕਟਰ ਨਾਲ ਟਕਰਾਉਣ ਤੋਂ ਬਾਅਦ ਬੱਸ ਵੈਨ ਨਾਲ ਟਕਰਾਈ, 4 ਮੌਤਾਂ ਤੇ 15 ਜ਼ਖਮੀ
ਤਾਮਿਲਨਾਡੂ ਦੇ ਕਰੂਰ ਜ਼ਿਲ੍ਹੇ ਦੇ ਸੇਮਾਦਾਈ ਵਿਖੇ ਕਰੂਰ-ਸਲੇਮ ਹਾਈਵੇਅ ’ਤੇ ਇਕ ਸੜਕ ਹਾਦਸਾ ਹੋਇਆ ਹੋਣ ਦੀ ਜਾਣਕਾਰੀ ਮਿਲੀ ਹੈ। ਇਕ ਓਮਨੀ ਬੱਸ ਅਤੇ ਇਕ ਟਰੈਕਟਰ ਵਿਚਕਾਰ ਟੱਕਰ ਤੋਂ ਬਾਅਦ, ਬੱਸ ਉਲਟੀ ਦਿਸ਼ਾ ਵਿਚ ਜਾ ਰਹੀ ਇਕ ਵੈਨ ਨਾਲ ਟਕਰਾ ਗਈ। ਇਸ ਘਟਨਾ ਵਿਚ ਚਾਰ ਲੋਕਾਂ ਦੀ ਮੌਤ ਹੋ ਗਈ ਅਤੇ 15 ਜ਼ਖ਼ਮੀ ਹੋ ਗਏ। ਪੁਲਿਸ ਨੇ ਦਸਿਆ ਕਿ ਇਸ ਘਟਨਾ ਵਿਚ ਵੈਨ ਡਰਾਈਵਰ ਦੀ ਵੀ ਮੌਤ ਹੋ ਗਈ।
ਕਰੂਰ ਜ਼ਿਲ੍ਹੇ ਦੇ ਸੇਮਾਦਾਈ ਨੇੜੇ ਇਕ ਓਮਨੀ ਬੱਸ ਇਕ ਟਰੈਕਟਰ ਨਾਲ ਟਕਰਾ ਗਈ, ਜਿਸ ਤੋਂ ਬਾਅਦ ਇਹ ਉਲਟ ਦਿਸ਼ਾ ਵਿਚ ਜਾ ਰਹੀ ਇਕ ਟੂਰਿਸਟ ਵੈਨ ਨਾਲ ਟਕਰਾ ਗਈ। ਇਸ ਘਟਨਾ ਵਿਚ ਚਾਰ ਲੋਕਾਂ ਦੀ ਮੌਤ ਹੋ ਗਈ ਅਤੇ 15 ਜ਼ਖ਼ਮੀ ਹੋ ਗਏ। ਹਾਦਸੇ ਵਿਚ ਵੈਨ ਡਰਾਈਵਰ ਦੀ ਵੀ ਮੌਤ ਹੋ ਗਈ। ਪੁਲਿਸ ਨੇ ਦਸਿਆ ਕਿ ਮ੍ਰਿਤਕਾਂ ਵਿਚ ਵੈਨ ਡਰਾਈਵਰ ਵੀ ਸ਼ਾਮਲ ਹੈ ਅਤੇ ਜ਼ਖ਼ਮੀਆਂ ਨੂੰ ਇਲਾਜ ਲਈ ਨੇੜਲੇ ਸਰਕਾਰੀ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਹੈ।
ਪੁਲਿਸ ਅਨੁਸਾਰ, ਓਮਨੀ ਬੱਸ ਬੰਗਲੁਰੂ ਤੋਂ ਨਾਗਰਕੋਇਲ ਜਾ ਰਹੀ ਸੀ। ਪੁਲਿਸ ਨੇ ਦਸਿਆ ਕਿ ਓਮਨੀ ਬੱਸ ਕਰੂਰ-ਸਲੇਮ ਹਾਈਵੇਅ ’ਤੇ ਇਕ ਟਰੈਕਟਰ ਨਾਲ ਟਕਰਾ ਗਈ ਤੇ ਟੱਕਰ ਕਾਰਨ, ਬੱਸ ਸੱਜੇ ਪਾਸੇ ਮੁੜ ਗਈ, ਡਿਵਾਈਡਰ ਤੋੜ ਦਿਤਾ ਅਤੇ ਥੂਥੂਕੁੜੀ ਤੋਂ ਉਲਟ ਦਿਸ਼ਾ ਤੋਂ ਆ ਰਹੀ ਇਕ ਟੂਰਿਸਟ ਵੈਨ ਨਾਲ ਟਕਰਾ ਗਈ। ਇਸ ਜ਼ਬਰਦਸਤ ਟੱਕਰ ਕਾਰਨ ਓਮਨੀ ਬੱਸ, ਟਰੈਕਟਰ ਅਤੇ ਵੈਨ ਦੇ ਅਗਲੇ ਹਿੱਸੇ ਬੁਰੀ ਤਰ੍ਹਾਂ ਨੁਕਸਾਨੇ ਗਏ। ਫਿਲਹਾਲ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਘਟਨਾ ਦੀ ਜਾਂਚ ਜਾਰੀ ਹੈ।
photo
