ਯਾਤਰੀ ਨੇ ਆਰੋਪ ਲਾਇਆ ਕਿ ਏਅਰ ਇੰਡੀਆ ਨੇ ਉਸ ਨੂੰ ਮੁਆਵਜ਼ੇ ਵਜੋਂ ਦੁਨੀਆ ਵਿਚ ਕਿਤੇ ਵੀ 'ਮੁਫ਼ਤ ਬਿਜ਼ਨਸ ਕਲਾਸ ਯਾਤਰਾ' ਦੀ ਪੇਸ਼ਕਸ਼ ਕੀਤੀ ਸੀ ਪਰ ਉਸ ਨੇ ਇਸ ਨੂੰ ਠੁਕਰਾ ਦਿੱਤਾ
Air India : ਹਾਲ ਹੀ ਵਿੱਚ ਏਅਰ ਇੰਡੀਆ ਦੇ ਇੱਕ ਯਾਤਰੀ ਨੂੰ ਪਰੋਸੇ ਗਏ ਖਾਣੇ ਵਿੱਚ ਇੱਕ ਧਾਤ ਦਾ ਬਲੇਡ ਮਿਲਿਆ ਹੈ। ਸੋਸ਼ਲ ਮੀਡੀਆ 'ਤੇ ਆਪਣਾ ਦੁਖਦ ਅਨੁਭਵ ਸ਼ੇਅਰ ਕਰਦੇ ਹੋਏ ਪੱਤਰਕਾਰ ਮੈਥਿਊਰੇਸ ਪਾਲ ਨੇ ਕਿਹਾ ਸੀ ਕਿ ਇਹ ਘਟਨਾ 9 ਜੂਨ ਦੀ ਹੈ, ਜਦੋਂ ਉਹ ਫਲਾਈਟ ਏਆਈ 175 'ਚ ਸਵਾਰ ਸੀ। ਇਸ ਦੌਰਾਨ ਉਨ੍ਹਾਂ ਨੂੰ ਦਿੱਤੇ ਗਏ ਖਾਣੇ 'ਚ ਲੋਹੇ ਦੇ ਬਲੇਡ ਵਰਗੀ ਕੋਈ ਚੀਜ਼ ਮਿਲੀ ਸੀ।
ਇਸ ਦੀ ਸ਼ਿਕਾਇਤ ਕਰਨ ਤੋਂ ਬਾਅਦ ਏਅਰ ਹੋਸਟੈੱਸ ਨੇ ਉਨ੍ਹਾਂ ਤੋਂ ਮੁਆਫੀ ਮੰਗੀ ਅਤੇ ਛੋਲਿਆਂ ਦਾ ਇੱਕ ਕਟੋਰਾ ਲੈ ਕੇ ਵਾਪਸ ਆ ਗਈ। ਪਾਲ ਦਾ ਕਹਿਣਾ ਹੈ ਕਿ ਕਿਸੇ ਵੀ ਫਲਾਈਟ 'ਚ ਬਲੇਡ ਲੈ ਕੇ ਜਾਣਾ ਖਤਰਨਾਕ ਹੁੰਦਾ ਹੈ। ਦੂਸਰੀ ਗੱਲ ਇਹ ਹੈ ਕਿ ਇਹ ਬਲੇਡ ਮੇਰੀ ਜੀਭ ਕੱਟ ਸਕਦਾ ਸੀ ਅਤੇ ਜੇਕਰ ਕੋਈ ਬੱਚਾ ਇਹ ਖਾਣਾ ਖਾ ਰਿਹਾ ਹੁੰਦਾ ਤਾਂ ਕੀ ਹੁੰਦਾ।
ਯਾਤਰੀ ਨੇ ਆਰੋਪ ਲਾਇਆ ਕਿ ਕੁਝ ਦਿਨਾਂ ਬਾਅਦ ਏਅਰ ਇੰਡੀਆ ਨੇ ਉਸ ਨੂੰ ਪੱਤਰ ਲਿਖਿਆ ਅਤੇ ਮੁਆਵਜ਼ੇ ਵਜੋਂ ਦੁਨੀਆ ਵਿਚ ਕਿਤੇ ਵੀ 'ਮੁਫ਼ਤ ਬਿਜ਼ਨਸ ਕਲਾਸ ਯਾਤਰਾ' ਦੀ ਪੇਸ਼ਕਸ਼ ਕੀਤੀ ਸੀ ਪਰ ਉਸ ਨੇ ਇਸ ਨੂੰ ਠੁਕਰਾ ਦਿੱਤਾ। ਉਸਨੇ ਕਿਹਾ ਕਿ ਇਹ ਰਿਸ਼ਵਤ ਹੈ ਅਤੇ ਮੈਂ ਇਸਨੂੰ ਸਵੀਕਾਰ ਨਹੀਂ ਕਰ ਸਕਦਾ।
ਏਅਰਲਾਈਨ ਨੇ ਮੰਨੀ ਆਪਣੀ ਗਲਤੀ
ਹਾਲਾਂਕਿ ਏਅਰ ਇੰਡੀਆ ਨੇ ਇਸ ਘਟਨਾ ਨੂੰ ਸਵੀਕਾਰ ਕਰ ਲਿਆ ਹੈ ਅਤੇ ਗਾਹਕ ਤੋਂ ਮੁਆਫੀ ਮੰਗੀ ਹੈ। ਏਅਰ ਇੰਡੀਆ ਦੇ ਮੁੱਖ ਗਾਹਕ ਅਨੁਭਵ ਅਧਿਕਾਰੀ ਰਾਜੇਸ਼ ਡੋਗਰਾ ਨੇ ਵੀ ਇਸ ਸਬੰਧ ਵਿੱਚ ਆਪਣਾ ਜਵਾਬ ਜਾਰੀ ਕੀਤਾ ਹੈ। ਰਾਜੇਸ਼ ਡੋਗਰਾ ਨੇ ਕਿਹਾ ਕਿ ਏਅਰ ਇੰਡੀਆ ਇਸ ਗੱਲ ਦੀ ਪੁਸ਼ਟੀ ਕਰਦੀ ਹੈ ਕਿ ਸਾਡੀ ਇਕ ਫਲਾਈਟ 'ਚ ਮਹਿਮਾਨ ਦੇ ਖਾਣੇ 'ਚ ਕੋਈ ਵਿਦੇਸ਼ੀ ਵਸਤੂ ਮਿਲੀ ਸੀ।
ਜਾਂਚ ਤੋਂ ਬਾਅਦ ਇਹ ਪਤਾ ਲੱਗਾ ਕਿ ਇਹ ਸਾਡੇ ਕੇਟਰਿੰਗ ਪਾਰਟਨਰ ਦੀਆਂ ਸਹੂਲਤਾਂ ਵਿੱਚ ਵਰਤੀ ਜਾਂਦੀ ਸਬਜ਼ੀਆਂ ਦੀ ਪ੍ਰੋਸੈਸਿੰਗ ਮਸ਼ੀਨ ਤੋਂ ਆਈ ਸੀ। ਅਸੀਂ ਆਪਣੇ ਕੇਟਰਿੰਗ ਭਾਈਵਾਲਾਂ ਨਾਲ ਮਿਲ ਕੇ ਅਜਿਹੇ ਕਿਸੇ ਵੀ ਘਟਨਾ ਨੂੰ ਰੋਕਣ ਲਈ ਉਪਾਅ ਮਜ਼ਬੂਤ ਕੀਤੇ ਹਨ, ਜਿਸ ਵਿੱਚ ਪ੍ਰੋਸੈਸਰਾਂ ਦੀ ਵਾਰ-ਵਾਰ ਜਾਂਚ ਕਰਨਾ ਅਤੇ ਖਾਸ ਕਰਕੇ ਕਿਸੇ ਵੀ ਸਖ਼ਤ ਸਬਜ਼ੀ ਨੂੰ ਕੱਟਣ ਤੋਂ ਬਾਅਦ।
