Hisar News : ਸੁਸਾਇਟੀ ਦੇ ਪਲਾਟ 'ਤੇ ਕਬਜ਼ਾ ਕਰਨ ਦਾ ਮਾਮਲਾ
Hisar News : ਦਿ ਵਿਕਾਸ ਮਾਰਗ ਵੈਲਫੇਅਰ ਕੈਂਸਲ ਸੁਸਾਇਟੀ ਕੇਸ ਦੇ ਮੁੱਖ ਦੋਸ਼ੀ DSP ਪ੍ਰਦੀਪ ਕੁਮਾਰ ਨੂੰ SIT ਨੇ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਨੇ ਮੁਲਜ਼ਮ ਨੂੰ ਅਦਾਲਤ ਵਿਚ ਪੇਸ਼ ਕਰਕੇ ਚਾਰ ਦਿਨ ਦਾ ਰਿਮਾਂਡ ਹਾਸਲ ਕੀਤਾ ਹੈ। DSP 'ਤੇ ਸੁਸਾਇਟੀ ਦੇ ਪਲਾਟਾਂ 'ਤੇ ਕਬਜ਼ਾ ਕਰਨ ਵਾਲੇ ਲੈਂਡ ਮਾਫੀਆ ਗਰੋਹ ਨੂੰ ਸੁਰੱਖਿਆ ਦੇਣ ਦਾ ਦੋਸ਼ ਹੈ।
ਇਸੇ ਦੌਰਾਨ ਇੱਕ ਹੋਰ ਲੋੜੀਂਦੇ ਮੁਲਜ਼ਮ ਢਾਣੀ ਜੈ ਸਿੰਘ ਗੁੱਜਰ ਵਾਸੀ ਕੁਤੁਬਪੁਰ ਦੀ ਅਗਾਊਂ ਜ਼ਮਾਨਤ ਦੀ ਅਰਜ਼ੀ ਰੱਦ ਕਰ ਦਿੱਤੀ ਗਈ ਹੈ। ਐਫਆਈਆਰ ਦਰਜ ਕਰਨ ਤੋਂ ਬਾਅਦ ਸਬੂਤਾਂ ਨੂੰ ਨਸ਼ਟ ਕਰਨ ਲਈ ਕਬਜ਼ੇ ਵਾਲੇ ਪਲਾਟ 'ਤੇ ਬਣੀ ਇਮਾਰਤ ਦੀ ਕੰਧ ਨੂੰ ਜੇਸੀਬੀ ਨਾਲ ਢਾਹੁਣ ਦਾ ਦੋਸ਼ ਹੈ।
ਮਾਮਲੇ ਵਿਚ ਤਿੰਨ ਮੁਲਜ਼ਮ ਮੁਕੇਸ਼ ਗੁੱਜਰ, ਜੈ ਸਿੰਘ ਗੁੱਜਰ ਅਤੇ ਸੰਜੀਵ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ ਹੈ। ਮੁਲਜ਼ਮ ਰਾਮ ਅਵਤਾਰ ਗੁੱਜਰ, ਸੁਰਜੀਤ ਗੁੱਜਰ ਅਤੇ ਸੁਨੀਲ ਕੁਮਾਰ ਨੂੰ ਪਹਿਲਾਂ ਹੀ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ। ਹਾਲ ਹੀ ਵਿਚ ਮੁੱਖ ਮੁਲਜ਼ਮ ਰਾਜਕੁਮਾਰ ਉਰਫ਼ ਰਾਜਾ ਗੁੱਜਰ ਨੂੰ ਹਾਈ ਕੋਰਟ ਤੋਂ ਸ਼ਰਤੀਆ ਅੰਤਰਿਮ ਜ਼ਮਾਨਤ ਮਿਲੀ ਸੀ।
ਇਹ ਵੀ ਪੜੋ:Malerkotla News : ਡਾ.ਓਬਰਾਏ ਦੇ ਯਤਨਾਂ ਸਦਕਾ ਮਾਲੇਰਕੋਟਲਾ ਦੇ ਮੁਹੰਮਦ ਰਫ਼ੀਕ ਦਾ ਮ੍ਰਿਤਕ ਸਰੀਰ ਭਾਰਤ ਪੁੱਜਾ
ਇਸ ਦੇ ਨਾਲ ਹੀ ਜ਼ਿਲ੍ਹਾ ਅਦਾਲਤ ਵੱਲੋਂ ਡੀਐਸਪੀ ਦੀ ਅਗਾਊਂ ਜ਼ਮਾਨਤ ਪਟੀਸ਼ਨ ਰੱਦ ਕਰ ਦਿੱਤੀ ਗਈ ਹੈ। ਮੁਲਜ਼ਮ ਡੀਐਸਪੀ ਦੇ ਰਿਮਾਂਡ ਦੌਰਾਨ ਵੱਖ-ਵੱਖ ਵਿਭਾਗਾਂ ਦੇ ਅਧਿਕਾਰੀਆਂ ਤੇ ਕਰਮਚਾਰੀਆਂ ਦੇ ਨਾਲ-ਨਾਲ ਪਲਾਟ/ਜਾਇਦਾਦ ਹਥਿਆਉਣ ਦੇ ਗੱਠਜੋੜ ਵਿਚ ਸ਼ਾਮਲ ਹੋਰ ਅਪਰਾਧੀਆਂ ਦਾ ਪਰਦਾਫਾਸ਼ ਹੋ ਸਕਦਾ ਹੈ।
(For more news apart from DSP arrested on charges of giving security to land mafia News in Punjabi, stay tuned to Rozana Spokesman)
