ਇਨਸਾਨਾਂ ਲਈ ਬਣੀ ਅਦਾਲਤ 'ਚ ਬੁੱਧਵਾਰ ਨੂੰ 13 ਤੋਤਿਆਂ ਨੂੰ ਪੇਸ਼ ਕੀਤਾ ਗਿਆ, ਜਿਸਨੂੰ ਦੇਖਕੇ ਸਭ ਹੈਰਾਨ ਹੋ ਗਏ।
ਨਵੀਂ ਦਿੱਲੀ : ਇਨਸਾਨਾਂ ਲਈ ਬਣੀ ਅਦਾਲਤ 'ਚ ਬੁੱਧਵਾਰ ਨੂੰ 13 ਤੋਤਿਆਂ ਨੂੰ ਪੇਸ਼ ਕੀਤਾ ਗਿਆ, ਜਿਸਨੂੰ ਦੇਖਕੇ ਸਭ ਹੈਰਾਨ ਹੋ ਗਏ। ਇਨ੍ਹਾਂ ਤੋਤਿਆਂ ਨੂੰ ਇੱਕ ਵਿਦੇਸ਼ੀ ਨਾਗਰਿਕ ਕਥਿਤ ਤੌਰ 'ਤੇ ਗੈਰਕਾਨੂਨੀ ਤਰੀਕੇ ਨਾਲ ਦੇਸ਼ ਤੋਂ ਬਾਹਰ ਲੈ ਕੇ ਜਾਣ ਦੀ ਫਿਰਾਕ ਵਿੱਚ ਸੀ। ਕੋਰਟ ਨੇ ਸਾਰੇ ਤੋਤਿਆਂ ਨੂੰ ਬਰਡ ਸੈਂਚੁਅਰੀ ਭੇਜ ਦਿੱਤਾ। ਦਰਅਸਲ ਅਨਵਾਰਜੋਂ ਰਖਮਤਜੋਨੋਵ ਨਾਮ ਦੇ ਉਜਬੇਕ ਨਾਗਰਿਕ ਨੂੰ ਸੀਆਈਐਸਐਫ ਦੀ ਟੀਮ ਨੇ ਇੰਦਰਾ ਗਾਂਧੀ ਏਅਰਪੋਰਟ ਤੋਂ ਉਸ ਸਮੇਂ ਗ੍ਰਿਫ਼ਤਾਰ ਕੀਤਾ, ਜਦੋਂ ਉਹ ਇਨ੍ਹਾਂ ਤੋਤਿਆਂ ਨੂੰ ਦੇਸ਼ ਤੋਂ ਬਾਹਰ ਲੈ ਕੇ ਜਾਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
13 parrots
ਜਾਂਚ ਦੇ ਦੌਰਾਨ ਉਸਦੇ ਕੋਲੋਂ ਮਿਲੇ ਵੱਖ - ਵੱਖ ਤਰ੍ਹਾਂ ਦੇ ਜੁੱਤਿਆਂ ਦੇ ਡੋਬਿਆਂ ਵਿੱਚੋਂ ਇਹ ਤੋਤੇ ਬਰਾਮਦ ਹੋਏ। ਕਾਨੂੰਨਨ ਕਿਸੇ ਅਪਰਾਧਕ ਮਾਮਲੇ ਨਾਲ ਜੁੜੀ ਜਾਇਦਾਦ ਨੂੰ ਕੇਸ ਪ੍ਰਾਪਰਟੀ ਮੰਨਿਆ ਜਾਂਦਾ ਹੈ ਅਤੇ ਉਸ ਨੂੰ ਲੋੜ ਪੈਣ 'ਤੇ ਕੋਰਟ ਦੇ ਸਾਹਮਣੇ ਪੇਸ਼ ਕਰਨਾ ਜ਼ਰੂਰੀ ਹੁੰਦਾ ਹੈ। ਕਸਟਮ ਦੇ ਵਕੀਲ ਪੀ.ਸੀ. ਸ਼ਰਮਾ ਨੇ ਦੱਸਿਆ ਕਿ ਤੋਤੇ ਜੰਗਲੀ ਜੀਵ ਅਧਿਕਾਰੀਆਂ ਨੂੰ ਸੌਂਪੇ ਜਾਣ ਲਈ ਪਟਿਆਲਾ ਹਾਊਸ ਕੋਰਟ 'ਚ ਪੇਸ਼ ਕੀਤੇ ਗਏ, ਕਿਉਂਕਿ ਉਹ ਜਿਉਂਦੇ ਪੰਛੀ ਹਨ। ਦੋਸ਼ੀ ਉਨ੍ਹਾਂ ਨੂੰ ਤਸਕਰੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਵਾਈਲਡ ਲਾਈਫ਼ ਐਕਟ ਅਨੁਸਾਰ, ਤੋਤਿਆਂ ਨੂੰ ਐਕਸਪੋਰਟ ਕੀਤਾ ਜਾਣਾ ਪਾਬੰਦੀਸ਼ੁਦਾ ਹੈ।
13 parrots
30 ਅਕਤੂਬਰਤੱਕ ਜ਼ੇਲ੍ਹ 'ਚ ਆਰੋਪੀ
ਦੋਸ਼ੀ ਨੂੰ ਵੀ ਕੋਰਟ 'ਚ ਪੇਸ਼ ਕੀਤਾ ਗਿਆ ਸੀ। ਉਸ ਨੇ ਜ਼ਮਾਨਤ ਲਈ ਅਰਜ਼ੀ ਦਿੱਤੀ ਹੈ। ਉਸ ਨੂੰ 30 ਅਕਤੂਬਰ ਤੱਕ ਲਈ ਨਿਆਇਕ ਹਿਰਾਸਤ 'ਚ ਜੇਲ੍ਹ ਭੇਜ ਦਿੱਤਾ ਹੈ। ਪਟਿਆਲਾ ਹਾਊਸ ਕੋਰਟ ਨੇ ਦਿੱਤਾ ਕਿ ਤੋਤੇ ਓਖਲਾ ਬਰਡ ਸੈਂਚੁਅਰੀ 'ਚ ਰੱਖੇ ਜਾਣੇ ਚਾਹੀਦੇ ਹਨ।
13 parrots
ਫੇਰੀਵਾਲੇ ਨੇ ਖਰੀਦੇ ਸਨ ਤੋਤੇ
ਪੁੱਛ-ਗਿੱਛ ਦੌਰਾਨ ਦੋਸ਼ੀ ਨੇ ਜਾਂਚ ਏਜੰਸੀ ਨੂੰ ਦੱਸਿਆ ਕਿ ਉਸ ਨੇ ਪੁਰਾਣੀ ਦਿੱਲੀ 'ਚ ਇਕ ਫੇਰੀਵਾਲੇ ਤੋਂ ਤੋਤੇ ਖਰੀਦੇ। ਸੀ.ਆਈ.ਐੱਸ.ਐੱਫ. ਅਨੁਸਾਰ ਦੋਸ਼ੀ ਦਾ ਕਹਿਣਾ ਸੀ ਕਿ ਉਹ ਉਨ੍ਹਾਂ ਨੂੰ ਆਪਣੇ ਦੇਸ਼ ਉਜਬੇਕਿਸਤਾਨ ਲਿਜਾ ਰਿਹਾ ਸੀ, ਜਿੱਥੇ ਉਨ੍ਹਾਂ ਦੀ ਬਹੁਤ ਮੰਗ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
