ਦਿੱਲੀ 'ਚ ਵਾਤਾਵਰਣ ਦੇ ਡਿੱਗਦੇ ਪੱਧਰ ਨੂੰ ਰੋਕਣ ਅਤੇ ਆਬੋ ਹਵਾ ਨੂੰ ਦਰੁਸਤ ਕਰਨ ਦੀਆਂ ਕੋਸ਼ਿਸ਼ਾਂ ਲਗਾਤਾਰ ਕੀਤੀਆਂ ਜਾ ਰਹੀ ਹਨ ..
ਨਵੀਂ ਦਿੱਲੀ: ਦਿੱਲੀ 'ਚ ਵਾਤਾਵਰਣ ਦੇ ਡਿੱਗਦੇ ਪੱਧਰ ਨੂੰ ਰੋਕਣ ਅਤੇ ਆਬੋ ਹਵਾ ਨੂੰ ਦਰੁਸਤ ਕਰਨ ਦੀਆਂ ਕੋਸ਼ਿਸ਼ਾਂ ਲਗਾਤਾਰ ਕੀਤੀਆਂ ਜਾ ਰਹੀ ਹਨ ਪਰ ਕਾਮਯਾਬੀ ਨਹੀਂ ਮਿਲ ਰਹੀ। ਹਾਲਾਂਕਿ ਹੁਣ ਇਸ ਦਿਸ਼ਾ ਵਿੱਚ ਇੱਕ ਹੋਰ ਵੱਡੀ ਕੋਸ਼ਿਸ਼ ਕੀਤੇ ਜਾਣ ਦੀ ਤਿਆਰੀ ਚੱਲ ਰਹੀ ਹੈ। ਦੱਸ ਦਈਏ ਕਿ ਹੁਣ ਪਾਰਕਿੰਗ ਦਿੱਲੀ ਵਾਸੀਆਂ ਦੇ ਲਈ ਹੋਰ ਵੀ ਵੱਡੀ ਸਮੱਸਿਆ ਬਣ ਸਕਦੀ ਹੈ। ਅਸਲ 'ਚ ਕੇਂਦਰ ਸਰਕਾਰ ਅਤੇ ਨਾਗਰਿਕ ਸੰਸਥਾ ਦੀ ਕਮੇਟੀ ਇੱਕ ਫਾਰਮੂਲਾ ਲੈ ਕੇ ਆਈ ਹੈ।
Charge for parking
ਇਸ ਫਾਰਮੂਲੇ ਮੁਤਾਬਕ ਦਿੱਲੀ ਦੇ ਹਾਈਪ੍ਰੋਫਾਈਲ ਇਲਾਕਿਆਂ 'ਚ 10 ਘੰਟੇ ਗੱਡੀ ਪਾਰਕ ਕਰਨ ਦਾ ਚਾਰਜ ਇੱਕ ਹਜ਼ਾਰ ਰੁਪਏ ਤੱਕ ਹੋ ਸਕਦਾ ਹੈ। ਇਹ ਫਾਰਮੂਲਾ ਅਜਿਹੇ ਸਮੇਂ ਪੇਸ਼ ਕੀਤਾ ਗਿਆ ਹੈ ਜਦੋਂ ਰਾਜਧਾਨੀ ਦਿੱਲੀ 'ਚ ਪ੍ਰਦੂਸ਼ਣ ਦਾ ਪੱਧਰ ਇੱਕ ਵਾਰ ਫੇਰ ਬੇਹੱਦ ਖ਼ਰਾਬ ਸ਼੍ਰੇਣੀ 'ਚ ਆ ਗਿਆ ਹੈ। ਅਜਿਹੇ ਹਾਲਾਤ 'ਚ ਨਿਜੀ ਵਾਹਨਾਂ ਦੇ ਇਸਤੇਮਾਲ ਨੂੰ ਘੱਟ ਕਰਨ ਨੂੰ ਲੈ ਕੇ ਮੰਗ ਉੱਠ ਰਹੀ ਹੈ।
Charge for parking
ਰਾਸ਼ਟਰੀ ਰਾਜਧਾਨੀ 'ਚ 3.3 ਮਿਲੀਅਨ ਚਾਰ-ਪਹੀਆ ਅਤੇ 7.3 ਮਿਲੀਅਨ ਦੋ-ਪਹੀਆ ਗੱਡੀਆਂ ਹਨ। ਇੱਕ ਰਿਪੋਰਟ ਮੁਤਾਬਕ ਕਮੇਟੀ ਨੇ ਕਿਹਾ ਹੈ ਕਿ ਇਸ ਸਮੇਂ ਚਾਰ-ਪਹੀਆ ਗੱਡੀਆਂ ਦੇ ਲਈ ਪਾਰਕਿੰਗ ਦਾ ਬੇਸ ਪ੍ਰਾਈਜ਼ 20 ਰੁਪਏ ਅਤੇ ਦੋ ਪਹੀਆ ਗੱਡੀਆਂ ਦੇ ਲਈ 10 ਰੁਪਏ ਹੈ। ਹੁਣ ਬੇਸ ਪ੍ਰਾਈਜ਼ ਚਾਰ ਭਾਗਾਂ ਦੇ ਆਧਾਰ 'ਚ ਵਧਾਇਆ ਜਾਵੇਗਾ- ਪਾਰਕਿੰਗ ਦੀ ਥਾਂ, ਸਮਾਂ, ਦਿਨ ਅਤੇ ਕਿੰਨੇ ਸਮੇਂ ਲਈ 'ਤੇ ਤੈਅ ਹੋਵੇਗਾ।
Charge for parking
ਕਮੇਟੀ ਦੀ ਸਿਫਾਰਿਸ਼ਾਂ ਨੂੰ ਦੇਖ ਕਨਾਟ ਪਲੇਸ, ਲਾਜਪਤ ਨਗਰ ਅਤੇ ਕਰੋਲ ਬਾਰਗ ਇਲਾਕਿਆਂ 'ਚ ਪਾਰਕਿੰਗ ਚਾਰਜ ਵਧੇਗਾ। ਕਮੇਟੀ ਨੇ ਰਿਪੋਰਟ ਦਿੱਲੀ ਆਵਾਜਾਈ ਮੰਤਰੀ ਕੈਲਾਸ਼ ਗਹਿਲੋਤ ਨੂੰ ਭੇਜ ਦਿੱਤੀ ਹੈ। ਜੇਕਰ ਉਨ੍ਹਾਂ ਨੇ ਸਿਫਾਰਿਸ਼ਾਂ ਨੂੰ ਮੰਨ ਲਿਆ ਤਾਂ ਇਨ੍ਹਾਂ ਇਲਾਕਿਆਂ 'ਚ ਪਾਰਕਿੰਗ ਮਹਿੰਗੀ ਹੋ ਜਾਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
