ਕਰਨਾਟਕ ਵਿਚ ਭਾਜਪਾ ਨੇਤਾ ਬੀਐਸ ਯੇਦੀਯੁਰੱਪਾ ਦੇ ਸਹੁੰ ਲੈਣ ਤੋਂ ਬਾਅਦ ਦੇਸ਼ ਵਿਚ ਉਥੋਂ ਦੇ ਦੇਸ਼ ਰਾਜਪਾਲ ਦੇ ਫ਼ੈਸਲੇ 'ਤੇ ਦੇਸ਼ਵਿਆਪੀ ਬਹਿਸ ...
ਨਵੀਂ ਦਿੱਲੀ : ਕਰਨਾਟਕ ਵਿਚ ਭਾਜਪਾ ਨੇਤਾ ਬੀਐਸ ਯੇਦੀਯੁਰੱਪਾ ਦੇ ਸਹੁੰ ਲੈਣ ਤੋਂ ਬਾਅਦ ਦੇਸ਼ ਵਿਚ ਉਥੋਂ ਦੇ ਦੇਸ਼ ਰਾਜਪਾਲ ਦੇ ਫ਼ੈਸਲੇ 'ਤੇ ਦੇਸ਼ਵਿਆਪੀ ਬਹਿਸ ਸ਼ੁਰੂ ਹੋ ਗਈ ਹੈ। ਕਾਂਗਰਸ ਅੱਜ ਪੂਰੇ ਦੇਸ਼ ਵਿਚ 'ਲੋਕਤੰਤਰ ਬਚਾਓ' ਦਿਵਸ ਮਨਾਏਗੀ। ਉਥੇ ਬਿਹਾਰ ਤੋਂ ਲੈ ਕੇ ਗੋਆ ਤਕ ਨੇਤਾ ਕਹਿ ਰਹੇ ਹਨ ਕਿ ਇਸੇ ਪੈਮਾਨੇ 'ਤੇ ਉਨ੍ਹਾਂ ਦੇ ਸੂਬਿਆਂ ਵਿਚ ਫ਼ੈਸਲਾ ਹੋਵੇ।
congress planning to claim to form government in goa
ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਭ ਤੋਂ ਵੱਡੀ ਪਾਰਟੀ ਨੂੰ ਵਿਸ਼ਵਾਸ਼ ਮੱਤ ਹਾਸਲ ਕਰਨ ਦਾ ਮੌਕਾ ਦਿਤਾ ਜਾਵੇ। ਕਾਂਗਰਸ ਇਸ ਨੂੰ ਇਕ ਵੱਡੀ ਮੁਹਿੰਮ ਵਿਚ ਬਦਲਣ ਦੀ ਤਿਆਰੀ ਵਿਚ ਹੈ। ਕਾਂਗਰਸ ਬੁਲਾਰੇ ਰਣਦੀਪ ਸੁਰਜੇਵਾਲਾ ਦਾ ਕਹਿਣਾਹ ੈ ਕਿ ਜੇਕਰ ਕਰਨਾਟਕ ਵਿਚ ਸਭ ਤੋਂ ਵੱਡੀ ਪਾਰਟੀ ਨੂੰ ਸਰਕਾਰ ਬਣਾਉਣ ਦਾ ਮੌਕਾ ਮਿਲਦਾ ਹੈ ਤਾਂ ਫਿਰ ਗੋਆ, ਬਿਹਾਰ, ਮਨੀਪੁਰ ਅਤੇ ਮੇਘਾਲਿਆ ਵਿਚ ਸਰਕਾਰਾਂ ਨੂੰ ਅਸਤੀਫ਼ਾ ਦੇਣਾ ਚਾਹੀਦਾ ਹੈ।
congress planning to claim to form government in goa
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਰਾਜਾਂ ਵਿਚ ਵੀ ਸਭ ਤੋਂ ਵੱਡੀਆਂ ਪਾਰਟੀਆਂ ਨੂੰ ਸਰਕਾਰ ਬਣਾਉਣ ਦਾ ਮੌਕਾ ਮਿਲਣਾ ਚਾਹੀਦਾ ਹੈ। ਕਾਂਗਰਸ ਦਾ ਕਹਿਣਾ ਹੈ ਕਿ ਜੋ ਕਰਨਾਟਕ ਵਿਚ ਸਰਕਾਰ ਬਣਾਉਣ ਦਾ ਪੈਮਾਨਾ ਬਣਿਆ, ਉਸ ਨੂੰ ਦੂਜੇ ਸੂਬਿਆਂ ਵਿਚ ਵੀ ਲਾਗੂ ਕੀਤਾ ਜਾਵੇ। ਕਰਨਾਟਕ ਦੀ ਲੜਾਈ ਨੂੰ ਕਾਂਗਰਸ ਸਭ ਤੋਂ ਪਹਿਲਾਂ ਗੋਆ ਲਿਜਾ ਰਹੀ ਹੈ। ਪਿਛਲੇ ਸਾਲ ਸਭ ਤੋਂ ਵੱਡੀ ਪਾਰਟੀ ਹੋਣ ਦੇ ਬਾਵਜੂਦ ਵਿਰੋਧੀ ਧਿਰ ਵਿਚ ਬੈਠਣ ਨੂੰ ਮਜਬੂਰ ਕਾਂਗਰਸ ਨੇ ਹੁਣ ਉਥੇ ਫਿਰ ਤੋਂ ਸਰਕਾਰ ਬਣਾਉਣ ਦਾ ਦਾਅਵਾ ਪੇਸ਼ ਕਰਨ ਦਾ ਫ਼ੈਸਲਾ ਕੀਤਾ ਹੈ।
congress planning to claim to form government in goa
ਉਥੇ ਰਾਜਦ ਯਾਦ ਦਿਵਾ ਰਹੀ ਹੈ ਕਿ ਜੇਕਰ ਇਹੀ ਪੈਮਾਨਾ ਹੈ ਤਾਂ ਬਿਹਾਰ ਵਿਚ ਜੇਡੀਯੂ-ਭਾਜਪਾ ਦੀ ਨਹੀਂ, ਰਾਜਦ ਦੀ ਸਰਕਾਰ ਹੋਣੀ ਚਾਹੀਦੀ ਹੈ। ਹੁਣ ਸਾਰਿਆਂ ਦੀ ਨਜ਼ਰ ਸੁਪਰੀਮ ਕੋਰਟ 'ਤੇ ਟਿਕੀ ਹੋਈ ਹੈ, ਜਿੱਥੇ ਭਾਜਪਾ ਦੇ ਬਹੁਮਤ ਦੇ ਦਾਅਵੇ ਦੀ ਜਾਂਚ ਹੋਣੀ ਹੋਣੀ ਹੈ। ਕਰਨਾਟਕ ਦੇ ਮੁੱਖ ਮੰਤਰੀ ਬੀਐਸ ਯੇਦੀਯੁਰੱਪਾ ਵਿਧਾਇਕਾਂ ਦੇ ਸਮਰਥਨ ਦੀ ਚਿੱਠੀ ਕਾਂਗਰਸ ਨੂੰ ਸੌਪਣਗੇ। ਉਥੇ ਤੋੜਫੋੜ ਦੇ ਸ਼ੱਕ ਤੋਂ ਡਰੀ ਕਾਂਗਰਸ ਅਤੇ ਜੇਡੀਐਸ ਨੇ ਅਪਣੇ ਵਿਧਾਇਕਾਂ ਨੂੰ ਹੈਦਰਾਬਾਦ ਭੇਜ ਦਿਤਾ ਹੈ।
