ਸੋਮਵਾਰ ਨੂੰ ਦੇਸ਼ ਵਿਚ ਲੌਕਡਾਊਨ ਦਾ ਚੋਥਾ ਪੜਾਅ ਸ਼ੁਰੂ ਕਰ ਦਿੱਤਾ ਹੈ। ਜਿਸ ਵਿਚ ਕੁਝ ਛੋਟਾਂ ਵੀ ਦਿੱਤੀਆਂ ਗਈਆਂ ਹਨ।
ਨਵੀਂ ਦਿੱਲੀ : ਸੋਮਵਾਰ ਨੂੰ ਦੇਸ਼ ਵਿਚ ਲੌਕਡਾਊਨ ਦਾ ਚੋਥਾ ਪੜਾਅ ਸ਼ੁਰੂ ਕਰ ਦਿੱਤਾ ਹੈ। ਜਿਸ ਵਿਚ ਕੁਝ ਛੋਟਾਂ ਵੀ ਦਿੱਤੀਆਂ ਗਈਆਂ ਹਨ। ਇਨ੍ਹਾਂ ਛੂਟਾਂ ਦਾ ਮਕਸਦ ਹੈ ਕਿ ਦੇਸ਼ ਵਿਚ ਅਰਥਵਿਵਸਥਾ ਨੂੰ ਦੁਬਾਰਾ ਪਟੜੀ ਤੇ ਲਿਆਂਦਾ ਜਾਵੇ। ਹੁਣ ਇਹ ਰਾਜਾਂ ਤੇ ਨਿਰਭਰ ਕਰਦਾ ਹੈ ਕਿ ਕਿਸ ਤਰ੍ਹਾਂ ਉਪਾਅ ਕਰਨੇ ਚਾਹੀਦੇ ਹਨ। ਜ਼ਿਕਰਯੋਗ ਹੈ ਕਿ ਹੁਣ ਸਰਕਾਰ ਵੀ ਕਹਿ ਰਹੀ ਹੈ ਕਿ ਲੋਕਾਂ ਨੂੰ ਕਰੋਨਾ ਵਾਇਰਸ ਦੇ ਨਾਲ ਹੀ ਜਿਉਂਣਾ ਪਵੇਗਾ। ਹੁਣ ਸਵਾਲ ਇਹ ਹੈ ਕਿ ਸਾਡੇ ਵਿਚ ਵਾਇਰਸ ਪਹਿਲਾ ਹੀ ਕਿੰਨਾ ਫੈਲ ਚੁੱਕਿਆ ਹੈ। ਦੁਨੀਆਂ ਵਿਚ ਵੱਧ ਪ੍ਰਭਾਵਿਤ ਦੇਸ਼ਾਂ ਵਿਚ ਟੈਸਟ ਕੀਤੇ 1000 ਲੋਕਾਂ ਵਿਚੋਂ 1 ਤੋਂ ਲੈ ਕੇ 6 ਦਾ ਟੈਸਟ ਪੌਜਟਿਵ ਆਇਆ ਹੈ। ਅਮਰੀਕਾ ਅਤੇ ਸਪੇਨ ਸਭ ਤੋਂ ਉਚੇ ਫੈਲਾਅ ਵਾਲੇ ਦੇਸ਼ ਹਨ।
Test
ਦੁਨੀਆਂ ਵਿਚ ਘੱਟ ਤੋਂ ਘੱਟ 10,000 ਹਜ਼ਾਰ ਕੇਸ ਵਾਲੇ 46 ਦੇਸ਼ਾਂ ਵਿਚ ਭਾਰਤ ਵੀ ਸ਼ਾਮਿਲ ਹੈ। ਇੱਥੇ ਸਿਰਫ ਚੀਨ ਅਤੇ ਇੰਡੋਨੇਸ਼ੀਆਂ ਹੀ ਘੱਟ ਫੈਲਾਅ ਵਾਲੇ ਦੇਸ਼ ਹਨ। ਉੱਥੇ ਹੀ ਇੰਡਿਆ ਵਿਚ ਹਰ ਇਕ ਲੱਖ ਕਰੋਨਾ ਕੇਸਾਂ ਤੇ 7 ਲੋਕ ਪੌਜਟਿਵ ਪਾਏ ਹਨ। ਚੀਨ ਅਤੇ ਇੰਡੋਨੇਸ਼ੀਆਂ ਵਿਚ ਇਹ ਸੰਖਿਆ ਛੇ ਹੈ। ਉੱਥੇ ਹੀ ਸਪੇਨ ਨੇ ਇੱਕ ਲੱਖ ਟੈਸਟਿੰਗ ਤੇ 591 ਕੇਸ ਦਰਜ਼ ਕੀਤੇ ਹਨ ਅਤੇ ਅਮਰੀਕਾ ਨੇ ਇੱਕ ਲੱਖ ਟੈਸਟਿੰਗ ਤੇ 456 ਕੇਸ ਦਰਜ਼ ਹੋਏ ਹਨ। ਸਿਰਫ ਚਾਰ ਦੇਸ਼ਾਂ- ਮੈਕਸੀਕੋ, ਬੰਗਲਾਦੇਸ਼, ਇੰਡੋਨੇਸ਼ੀਆ ਅਤੇ ਮਿਸਰ ਨੇ ਆਪਣੀ ਆਬਾਦੀ ਦੇ ਅਨੁਪਾਤ ਵਿੱਚ ਭਾਰਤ ਨਾਲੋਂ ਘੱਟ ਟੈਸਟ ਕੀਤੇ। ਭਾਰਤ ਨੇ ਆਪਣੀ ਆਬਾਦੀ ਦਾ ਸਿਰਫ 0.15% ਟੈਸਟ ਕੀਤਾ ਹੈ। ਸ਼ਹਿਰਾਂ ਵਿਚੋਂ, ਮੁੰਬਈ ਸ਼ਹਿਰ ਸਭ ਤੋਂ ਵੱਧ ਕਰੋਨਾ ਨਾਲ ਪ੍ਰਭਾਵਿਤ ਹੈ। ਜਿੱਥੇ ਹੁਣ ਤੱਕ 0.1 ਫ਼ੀਸਦੀ ਸ਼ਹਿਰ ਦੀ ਅਬਾਦੀ ਕਰੋਨਾ ਤੋਂ ਪ੍ਰਭਾਵਿਤ ਹੈ।
Covid 19
ਇਹ ਹੋਰ ਸ਼ਹਿਰਾਂ ਦੇ ਮੁਕਾਬਲੇ ਹਾਲੇ ਵੀ ਘੱਟ ਹੈ। ਜਿਵੇਂ ਨਿਊਯਾਰਕ ਸ਼ਹਿਰ ਜਿੱਥੇ 2.3 ਸ਼ਹਿਰ ਦੀ ਅਬਾਦੀ ਦਾ ਕਰੋਨਾ ਟੈਸਟ ਪੌਜਟਿਵ ਆਇਆ ਹੈ, ਪਰ ਘੱਟ ਫੈਲਾਅ ਰੇਟ ਵੀ ਘੱਟ ਟੈਸਟਿੰਗ ਦਾ ਇਕ ਕਾਰਨ ਹੋ ਸਕਦਾ ਹੈ। ਸਿਰਫ ਵਧੇਰੇ ਗੰਭੀਰ ਮਾਮਲਿਆਂ ਵਿਚ ਜਾਂਚ ਕਰਨ ਦੇ ਬਾਵਜੂਦ, ਨਿਊਯਾਰਕ ਸਿਟੀ ਨੇ ਆਪਣੀ ਆਬਾਦੀ ਦਾ ਸਿਰਫ 7 ਪ੍ਰਤੀਸ਼ਤ ਹੀ ਟੈਸਟ ਕੀਤਾ। ਮੁੰਬਈ ਲਈ ਅਨੁਸਾਰੀ ਨੰਬਰ ਪਤਾ ਨਹੀਂ ਹੈ, ਪਰ ਇਹ ਘੱਟੋ ਘੱਟ 10 ਗੁਣਾ ਘੱਟ ਹੋਣ ਦੀ ਸੰਭਾਵਨਾ ਹੈ। ਦੱਸ ਦੱਈਏ ਕਿ ਪੰਜ ਸਭ ਤੋਂ ਵੱਧ ਪ੍ਰਭਾਵਿਤ ਰਾਜਾਂ ਵਿਚ ਟੈਸਟ ਪੋਜ਼ੀਟਿਵਿਟੀ ਰੇਟ (TPR) ਮਹਾਂਰਾਸ਼ਟਰ ਅਤੇ ਗੁਜਰਾਤ ਵਿਚ ਤੇਜ਼ ਹੋਇਆ ਹੈ। ਇੱਥੇ ਜਾਂ ਤਾਂ ਫੈਲਾਵ ਜਿਆਦਾ ਹੈ ਜਾਂ ਫਿਰ ਟੈਸਟਿੰਗ ਰੇਟ ਵੱਧ ਹੈ।
Test
ਉਧਰ ਦਿੱਲੀ ਦਾ TPR ਰੇਟ ਲਗਾਤਾਰ ਉੱਚਾ ਹੋ ਰਿਹਾ ਹੈ ਅਤੇ ਰਾਜਸਥਾਨ ਵਿਚ ਘੱਟ ਰਿਹਾ ਹੈ। ਤਾਮਿਲਨਾਡ ਨੇ ਵੀ ਉਚੇ TPR ਨਾਲ ਸ਼ੁਰੂਆਤ ਕੀਤੀ ਸੀ, ਪਰ ਬਾਅਦ ਵਿਚ ਗਿਰਾਵਟ ਆ ਗਈ। ਇਹ ਇਸ ਲਈ ਹੋਇਆ ਕਿਉਂਕਿ ਰਾਜ ਨੇ ਟੈਸਟਿੰਗ ਨੂੰ ਦੇਸ਼ ਵਿਚ ਸਰਭ ਉਚ ਪੱਧਰ ਤੇ ਪਹੁੰਚਾਇਆ। ਹਾਲਾਂਕਿ ਇਹ ਸੰਖਿਆ ਕੇਵਲ ਉਨ੍ਹਾਂ ਕੇਸਾਂ ਦੇ ਅਧਾਰ ਤੇ "ਫੈਲਣ" ਨੂੰ ਦਰਸਾਉਂਦੀ ਹੈ ਜਿਨ੍ਹਾਂ ਨੇ ਸਕਾਰਾਤਮਕ ਟੈਸਟ ਦਿੱਤੇ ਹਨ। ਇਹ ਕੁੱਲ ਆਬਾਦੀ ਵਿਚ ਫੈਲਾਅ ਦਾ ਸੰਕੇਤ ਨਹੀਂ ਦਿੰਦੀ। ਹੁਣ ਦੋ ਨੈਸ਼ਨਲ ਸੈਂਪਲ ਸਰਵੇ ਬੜੇ ਪੱਧਰ ਤੇ ਫੈਲਾਵ ਦੀ ਅਸਲ ਸਥਿਤੀ ਦਾ ਪਤਾ ਲਗਾਉਂਣ ਲਈ ਸ਼ੁਰੂ ਕੀਤੇ ਜਾਣਗੇ। ਪਰ ਦੁਨੀਆਂ ਭਰ ਦੀ ਸਟੱਡੀ ਇਸ਼ਾਰਾ ਕਰ ਰਹੀ ਹੈ ਕਿ ਅਬਾਦੀ ਦਾ ਵੱਡਾ ਹਿੱਸਾ ਪਹਿਲਾਂ ਤੋਂ ਹੀ ਕਰੋਨਾ ਤੋਂ ਪ੍ਰਭਾਵਿਤ ਹੋ ਚੁੱਕਾ ਹੈ। ਇਸ ਲਈ ਜੇਕਰ ਭਾਰਤ ਨੂੰ ਕਰੋਨਾ ਵਾਇਰਸ ਨਾਲ ਰਹਿਣਾ ਸਿਖਣਾ ਹੈ ਤਾਂ ਇਸ ਨੂੰ ਪਹਿਲਾਂ ਇੰਨੇ ਵੱਡੇ ਸਤਰ ਤੇ ਹੀ ਤਿਆਰ ਹੋਣਾ ਪਵੇਗਾ।
Corona Virus Test
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
