ਗੌਤਮ ਨੇ ਕੈਪਸ਼ਨ ਵਿਚ ਲਿਖੀ ਕਵਿਤਾ
ਨਵੀਂ ਦਿੱਲੀ: ਪੀਐਮ ਨਰਿੰਦਰ ਮੋਦੀ ਸਮੇਤ ਨਵੇਂ ਚੁਣੇ ਗਏ ਮੈਂਬਰਾਂ ਨੇ 17ਵੀਂ ਲੋਕ ਸਭਾ ਦੇ ਪਹਿਲੇ ਸੈਸ਼ਨ ਵਿਚ ਹੇਠਲੇ ਸਦਨ ਦੀ ਮੈਂਬਰਸ਼ਿਪ ਦੀ ਸਹੁੰ ਚੁੱਕੀ। ਨਵੇਂ ਚੁਣੇ ਗਏ ਮੈਂਬਰਾਂ ਨੂੰ ਸੂਬੇ ਅਨੁਸਾਰ ਸਹੁੰ ਚੁਕਾਈ ਗਈ। ਇਸ ਦੌਰਾਨ ਕ੍ਰਿਕੇਟਰ ਤੋਂ ਆਗੂ ਬਣੇ ਗੌਤਮ ਗੰਭੀਰ ਨੇ ਅਪਣੀ ਸਹੁੰ ਚੁੱਕਣ ਦੀ ਵੀਡੀਉ ਸ਼ੇਅਰ ਕਰਨ ਦੇ ਨਾਲ ਨਾਲ ਇਕ ਕਵਿਤਾ ਵੀ ਲਿਖੀ। ਗੌਤਮ ਗੰਭੀਰ ਦੀ ਇਹ ਵੀਡੀਉ ਸੋਸ਼ਲ ਮੀਡੀਆ 'ਤੇ ਬਹੁਤ ਜਨਤਕ ਹੋ ਰਹੀ ਹੈ।
मैं गौतम गम्भीर, एक भारतीय।
— Gautam Gambhir (@GautamGambhir) June 17, 2019
ना करूँ मैं चाँद का वादा,
ना बाँटू तुम को आधा-आधा।
ना जादू की छड़ी, ना कोई चिराग़,
है तो बस इरादों की झड़ी और कुछ कर गुज़रने की आग।
गेरुआ भी मेरा, हरा भी मेरा, ना किसी से बैर,
लहू था जो लाल मेरा,अब वो है तिरंगे की लहर।
मैं गौतम गम्भीर, एक भारतीय। pic.twitter.com/vX4QjdNwgc
ਉਹਨਾਂ ਦੁਆਰਾ ਸ਼ੇਅਰ ਕੀਤੀ ਗਈ ਇਸ ਵੀਡੀਉ 'ਤੇ ਲੋਕਾਂ ਦੇ ਰਿਐਕਸ਼ਨ ਵੀ ਆ ਰਹੇ ਹਨ। ਗੌਤਮ ਗੰਭੀਰ ਦੁਆਰਾ ਸ਼ੇਅਰ ਕੀਤੀ ਗਈ ਕਵਿਤਾ ਦਾ ਟਾਈਟਲ ਮੈਂ ਗੌਤਮ ਗੰਭੀਰ ਇਕ ਭਾਰਤੀ ਤੋਂ ਸ਼ੁਰੂ ਹੁੰਦਾ ਹੈ। ਲੋਕ ਉਹਨਾਂ ਦੀ ਇਸ ਵੀਡੀਉ ਨੂੰ ਬਹੁਤ ਪਸੰਦ ਕਰ ਰਹੇ ਹਨ। ਦਸ ਦਈਏ ਕਿ ਸੂਬੇ ਅਨੁਸਾਰ ਸਹੁੰ ਚੁੱਕਣ ਵਿਚ ਦਿੱਲੀ ਤੋਂ ਸੱਭ ਤੋਂ ਪਹਿਲਾਂ ਮਨੋਜ ਤਿਵਾਰੀ ਨੇ ਸਹੁੰ ਚੁੱਕੀ। ਗੌਤਮ ਗੰਭੀਰ ਨੇ ਇਸ ਦੌਰਾਨ ਅੰਗਰੇਜ਼ੀ ਵਿਚ ਸਹੁੰ ਚੁੱਕੀ।
ਦਸਣਯੋਗ ਹੈ ਕਿ ਗੌਤਮ ਗੰਭੀਰ ਨੇ ਪੂਰਬੀ ਦਿੱਲੀ ਲੋਕ ਸਭਾ ਸੀਟ ਤੋਂ ਭਾਜਪਾ ਦੀ ਟਿਕਟ ਤੇ ਚੋਣਾਂ ਜਿੱਤੀਆਂ ਸਨ। ਉਹਨਾਂ ਨੇ 3,91,222 ਵੋਟਾਂ ਦੇ ਵੱਡੇ ਅੰਤਰ ਨਾਲ ਜਿੱਤ ਦਰਜ ਕੀਤੀ ਸੀ। ਗੌਤਮ ਗੰਭੀਰ ਸਮਾਜਿਕ ਮੁੱਦਿਆਂ 'ਤੇ ਖੁਲ ਕੇ ਅਪਣੀ ਰਾਏ ਰੱਖਦੇ ਹਨ। ਉਹ ਵਰਲਡ ਕੱਪ ਵਿਚ ਟਿੱਪਣੀ ਕਰਦੇ ਵੀ ਨਜ਼ਰ ਆ ਰਹੇ ਹਨ। ਦਸ ਦਈਏ ਕਿ ਗੌਤਮ ਗੰਭੀਰ ਦੀ ਬਿਹਤਰੀਨ ਪਾਰੀ ਦੇ ਕਾਰਨ ਹੀ ਭਾਰਤ ਨੇ ਸ਼੍ਰੀਲੰਕਾ ਨੂੰ ਹਰਾ ਕੇ 2011 ਦਾ ਵਿਸ਼ਵ ਕੱਪ ਜਿੱਤਿਆ ਸੀ।
