ਦੇਸ਼ ਦੇ ਸਭ ਤੋਂ ਪ੍ਰਗਤੀਸ਼ੀਲ ਰਾਜਾਂ ਵਿਚ ਸ਼ੁਮਾਰ ਮਹਾਰਾਸ਼ਟਰ ਵਿਚ ਬੇਰੋਜ਼ਗਾਰੀ ਦਾ ਆਲਮ ਇਹ ਹੈ ਕਿ ਗ੍ਰੈਜੁਏਟ ਦੇ ਵਿਦਿਆਰਥੀ ਕੰਟੀਨ ਦੇ ਵੇਟਰ ਬਨਣਾ ਚਾਹੁੰਦੇ ਹਨ...
ਮੁੰਬਈ : ਦੇਸ਼ ਦੇ ਸਭ ਤੋਂ ਪ੍ਰਗਤੀਸ਼ੀਲ ਰਾਜਾਂ ਵਿਚ ਸ਼ੁਮਾਰ ਮਹਾਰਾਸ਼ਟਰ ਵਿਚ ਬੇਰੋਜ਼ਗਾਰੀ ਦਾ ਆਲਮ ਇਹ ਹੈ ਕਿ ਗ੍ਰੈਜੁਏਟ ਦੇ ਵਿਦਿਆਰਥੀ ਕੰਟੀਨ ਦੇ ਵੇਟਰ ਬਨਣਾ ਚਾਹੁੰਦੇ ਹਨ, ਜਦੋਂ ਕਿ ਵੇਟਰ ਅਹੁਦੇ ਲਈ ਸਿੱਖਿਅਕ ਯੋਗਤਾ ਚੌਥੀ ਪਾਸ ਹੈ। ਹਾਲ ਹੀ ਵਿਚ ਮੰਤਰਾਲਾ ( ਰਾਜ ਸਕੱਤਰੇਤ) ਵਿਚ ਕੰਟੀਨ ਵੇਟਰ ਦੇ 13 ਅਹੁਦਿਆਂ ਲਈ ਭਰਤੀ ਕੱਢੀ ਗਈ ਸੀ, ਜਿਸ ਵਿਚ 7000 ਲੋਕਾਂ ਨੇ ਅਰਜ਼ੀ ਦਿਤੀ ਸੀ। ਉਨ੍ਹਾਂ ਵਿਚੋਂ ਜ਼ਿਆਦਾਤਰ ਗ੍ਰੈਜੁਏਟ ਸਨ।
Graduate
ਇਕ ਸਰਕਾਰੀ ਅਧਿਕਾਰੀ ਨੇ ਦੱਸਿਆ ਕਿ ਮੰਤਰਾਲਾ ਕੰਟੀਨ ਵਿਚ ਵੇਟਰ ਅਹੁਦਿਆਂ ਲਈ ਹਾਲ ਹੀ ਵਿਚ 100 ਅੰਕ ਦੀ ਲਿਖਤੀ ਪ੍ਰੀਖਿਆ ਹੋਈ ਸੀ। ਅਧਿਕਾਰੀ ਨੇ ਦੱਸਿਆ ਕਿ ਪ੍ਰੀਖਿਆ ਦੀਆਂ ਸ਼ਰਤਾਂ 31 ਦਸੰਬਰ ਨੂੰ ਪੂਰੀਆਂ ਹੋਈਆਂ ਅਤੇ ਫਿਲਹਾਲ, ਜੁਆਈਨ ਪ੍ਰਕੀਰਿਆ ਚੱਲ ਰਹੀ ਹੈ। ਚੁਣੇ ਗਏ 13 ਉਮੀਦਵਾਰਾਂ ਵਿਚ ਅੱਠ ਮਰਦ ਅਤੇ ਬਾਕੀ ਮਹਿਲਾਂ ਹਨ। ਜਿਨ੍ਹਾਂ ਵਿਚ 12 ਗ੍ਰੈਜੁਏਟ ਅਤੇ ਇਕ ਬਾਰਹਵੀਂ ਪਾਸ ਹੈ।
Exam
ਮੰਤਰਾਲੇ ਦੀ ਕੰਟੀਨ ਵਿਚ ਗ੍ਰੈਜੁਏਟ ਨੂੰ ਵੇਟਰ ਦੇ ਤੌਰ ਉਤੇ ਨਿਯੁਕਤ ਕੀਤੇ ਜਾਣ ਉਤੇ ਰਾਜ ਸਰਕਾਰ ਦੀ ਆਲੋਚਨਾ ਕਰਦੇ ਹੋਏ ਵਿਧਾਨਕ ਕੌਂਸਲ ਵਿਚ ਵਿਰੋਧੀ ਪੱਖ ਦੇ ਨੇਤਾ ਧਨੰਜੈ ਮੁੰਡੇ ਨੇ ਕਿਹਾ ਕਿ ਮੰਤਰੀਆਂ ਅਤੇ ਸਕੱਤਰਾਂ ਨੂੰ ਸਿੱਖਿਅਤ ਆਦਮੀਆਂ ਦੀਆਂ ਸੇਵਾਵਾਂ ਲੈਣ ਉਤੇ ਸ਼ਰਮ ਆਉਣੀ ਚਾਹੀਦੀ ਹੈ। ਐਨਸੀਪੀ ਨੇਤਾ ਨੇ ਕਿਹਾ ਕਿ ਸਿਰਫ਼ 13 ਅਹੁਦਿਆਂ ਲਈ 7000 ਅਰਜ਼ੀਆਂ ਦੇਸ਼ ਅਤੇ ਮਹਾਰਾਸ਼ਟਰ ਵਿਚ ਰੋਜ਼ਗਾਰ ਦੀ ਹਾਲਤ ਦੀ ਸਪੱਸ਼ਟ ਉਦਾਹਰਣ ਹੈ। ਇਹ ਬਹੁਤ ਬਦਕਿਸਮਤੀ ਭੱਰਿਆ ਹੈ ਕਿ ਗ੍ਰੈਜੁਏਟ ਇਸ ਅਹੁਦੇ ਲਈ ਚੁਣੇ ਗਏ, ਜਦੋਂ ਕਿ ਯੋਗਤਾ ਚੌਥੀ ਪਾਸ ਦੀ ਸੀ।
