ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸੋਮਵਾਰ ਨੂੰ ਕਿਹਾ ਕਿ ਅਤਿਵਾਦ ਵਿਸ਼ਵ ਸ਼ਾਂਤੀ ਅਤੇ ਸਥਿਰਤਾ ਲਈ ਬਹੁਤ ਗੰਭੀਰ ਖ਼ਤਰਾ ਹੈ.........
ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸੋਮਵਾਰ ਨੂੰ ਕਿਹਾ ਕਿ ਅਤਿਵਾਦ ਵਿਸ਼ਵ ਸ਼ਾਂਤੀ ਅਤੇ ਸਥਿਰਤਾ ਲਈ ਬਹੁਤ ਗੰਭੀਰ ਖ਼ਤਰਾ ਹੈ ਅਤੇ ਅਤਿਵਾਦੀਆਂ ਅਤੇ ਉਨ੍ਹਾਂ ਦੇ ਮਨੁੱਖ ਵਿਰੋਧੀ ਸਮੱਰਥਕਾਂ ਵਿਰੁਧ ਕਾਰਵਾਈ ਤੋਂ ਹਿਚਕਿਚਾਉਣਾਂ ਵੀ ਅਤਿਵਾਦ ਨੂੰ ਸ਼ੈਅ ਦੇਣਾ ਹੈ। ਭਾਰਤ ਦੀ ਯਾਤਰਾ 'ਤੇ ਆਏ ਅਰਜਨਟੀਨਾ ਦੇ ਰਾਸ਼ਟਰਪਤੀ ਮਾਰੀਸੀਉ ਮੈਕਰੀ ਲਾਲ ਚਰਚਾ ਮਗਰੋਂ ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, ''ਪੁਲਵਾਮਾ ਵਿਚ ਹੋਂਿਲਹ ਕਰੂਰ ਅਤਿਵਾਦੀ ਹਮਲਾ ਇਹ ਦਿਖਾਂਉਦਾ ਹੈ ਕਿ ਹੁਣ ਗੱਲਾਂ ਦਾ ਸਮਾਂ ਨਿਕਲ ਚੁੱਕਾ ਹੈ।
ਹੁਣ ਪੂਰੀ ਦੁਨੀਆਂ ਨੂੰ ਅਤਿਵਾਦ ਅਤੇ ਉਸ ਦੇ ਸਮੱਰਥਕਾਂ ਵਿਰੁਧ ਇਕ ਜੁੱਟ ਹੋ ਕੇ ਠੋਸ ਕਦਮ ਚੁੱਕਣ ਦੀ ਲੋੜ ਹੈ। ਮੋਦੀ ਨੇ ਕਿਹਾ ਕਿ ਉਹ ਅਤੇ ਰਾਸ਼ਟਰਪਤੀ ਮੈਕਰੀ ਇਸ ਗੱਲ 'ਤੇ ਸਹਿਮਤ ਹਨ ਕਿ ਅਤਿਵਾਦ ਵਿਸ਼ਵ ਸ਼ਾਂਤੀ ਅਤੇ ਸਥਿਰਤਾ ਲਈ ਬਹੁਤ ਗੰਭੀਰ ਖ਼ਤਰਾ ਹੈ। ਦੋਹਾਂ ਦੇਸ਼ਾਂ ਨੇ ਸੂਚਨਾ ਤਕਨੀਕ, ਸੰਚਾਰ ਤਕਨੀਕ, ਪਰਮਾਣੂ ਊਰਜਾ ਅਤੇ ਖੇਤੀਬਾੜੀ ਸਣੇ ਕਈ ਹੋਰ ਖੇਤਰਾਂ ਵਿਚ ਸਹਿਯੋਗ ਨੂੰ ਮਜਬੂਤ ਬਣਾਉਣ ਲਈ 10 ਸਹਿਮਤੀ ਪੱਤਰਾਂ ਨੂੰ ਆਖ਼ਰੀ ਰੂਪ ਵੀ ਦਿਤਾ। (ਪੀ.ਟੀ.ਆਈ)