ਸਰਕਾਰ ਦੇ ਪੈਰਾਂ ਹੋਠੋਂ ਜ਼ਮੀਨ ਖੁਸਕ ਜਾਣੀ ਹੈ ਪਰ ਜਿੱਤ ਕਿਸਾਨਾਂ ਦੀ ਹੀ ਹੋਣੀ ਹੈ
ਨਵੀਂ ਦਿੱਲੀ: (ਚਰਨਜੀਤ ਸਿੰਘ ਸੁਰਖਾਬ) ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ।
Babu Singh Maan and Charanjit Singh Surkhab
ਕਿਸਾਨਾਂ ਨੂੰ ਦੇਸ਼ ਦੇ ਹਰ ਕੋਨੇ ਤੋਂ ਹਰ ਕਿੱਤੇ ਨਾਲ ਸਬੰਧਤ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ। ਇਕੱਲੇ ਪੰਜਾਬ ਦੇ ਕਿਸਾਨ ਹੀ ਨਹੀਂ ਬਲਕਿ ਹਰਿਆਣਾ ਦੇ ਕਿਸਾਨ ਵੀ ਦਿੱਲੀ ਮੋਰਚੇ ਵਿਚ ਡਟੇ ਹੋਏ ਹਨ। ਕਲਾਕਾਰਾਂ ਦਾ ਵੀ ਪੂਰਾ ਸਮਰਥਨ ਮਿਲ ਰਿਹਾ ਹੈ।
Babu Singh Maan and Charanjit Singh Surkhab
ਸਪੋਕਸਮੈਨ ਦੇ ਪੱਤਰਕਾਰ ਵੱਲੋਂ ਉੱਘੇ ਗੀਤਕਾਰ ਬਾਬੂ ਸਿੰਘ ਮਾਨ ਨਾਲ ਗੱਲਬਾਤ ਕੀਤੀ। ਬਾਬੂ ਸਿੰਘ ਮਾਨ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਕਿਸਾਨ ਦਾ ਜ਼ਮੀਨ ਨਾਲ ਜਜ਼ਬਾਤੀ ਰਿਸ਼ਤਾ ਹੁੰਦਾ ਹੈ।
Babu Singh Maan and Charanjit Singh Surkhab
ਜ਼ਮੀਨ ਨਾਲ ਪੁੱਤ,ਧੀ ਵਾਲਾ ਰਿਸ਼ਤਾ ਹੁੰਦਾ ਹੈ। ਇਸ ਰਿਸ਼ਤੇ ਨੂੰ ਤੋੜਨ ਦਾ ਕੰਮ ਪੁਰਾਣੀਆਂ ਪੁਸ਼ਤਾਂ ਤੋਂ ਚੱਲਦਾ ਆ ਰਿਹਾ ਹੈ। ਉਹਨਾਂ ਕਿਹਾ ਕਿ ਇਸ ਰਿਸ਼ਤੇ ਨੂੰ ਤੋੜਨਾ ਇੱਕ ਤਰ੍ਹਾਂ ਦਾ ਰੂਹ ਨੂੰ ਚੀਰਨ ਵਾਲਾ ਕੰਮ ਹੈ ਤੇ ਜਦੋਂ ਰੂਹ ਚੀਰੀ ਜਾਵੇ ਉਦੋਂ ਫਿਰ ਦੁੱਖ ਤਾਂ ਹੁੰਦਾ ਹੈ ਤੇ ਉਹ ਦੁੱਖ ਬਹੁਤ ਦੂਰ ਤੱਕ ਜਾਂਦਾ ਹੈ।
Babu Singh Maan and Charanjit Singh Surkhab
ਇਹ ਜਜ਼ਬਾਤੀ ਹੈ, ਜਜ਼ਬਾਤ ਵਿਚੋਂ ਉਠਿਆ ਅੰਦੋਲਨ ਹੈ। ਉਹਨਾਂ ਕਿਹਾ ਕਿ ਸਾਡਾ ਰਿਸ਼ਤਾ ਹੀ ਜ਼ਮੀਨ ਨਾਲ ਹੁੰਦਾ ਹੈ, ਜੇ ਮੁੰਡੇ ਦਾ ਰਿਸ਼ਤਾ ਕਰਵਾਉਣਾ ਹੋਵੇ ਤਾਂ ਕੁੜੀ ਵਾਲੇ ਪਹਿਲਾਂ ਜ਼ਮੀਨ ਬਾਰੇ ਪੁੱਛਦੇ ਹਨ ਵੀ ਕਿੰਨੀ ਜ਼ਮੀਨ ਹੈ ਜੇ ਹੁਣ ਸਾਡੇ ਕੋਲੋਂ ਉਹ ਜ਼ਮੀਨ ਹੀ ਖੋਹ ਲੈਣਗੇ ਫਿਰ ਰਹਿ ਕੀ ਜਾਵੇਗਾ।
Babu Singh Maan and Charanjit Singh Surkhab
ਸਰਕਾਰ ਬੰਦਿਆਂ ਨੂੰ ਜਿਉਂਦਿਆਂ ਨੂੰ ਮਾਰ ਰਹੀ ਹੈ। ਸਰਕਾਰ ਕਹਿ ਰਹੀ ਹੈ ਵੀ ਇਹ ਗੁੰਮਰਾਹ ਹੋਏ ਹਨ ਇੱਕ ਬੰਦਾ ਗੁੰਮਰਾਹ ਹੋਵੇਗਾ, ਦੋ ਬੰਦੇ ਹੋਣਗੇ, ਕਰੋੜਾਂ ਬੰਦੇ ਤਾਂ ਨਹੀਂ ਹੋਣਗੇ ਗੁੰਮਰਾਹ। ਬਾਬੂ ਸਿੰਘ ਨੇ ਕਿਹਾ ਕਿ ਅਸੀਂ ਰੂਹ ਦੀਆਂ ਗੱਲਾਂ ਕਰਦੇ ਹਾਂ ਇਹ ਵੋਟਾਂ ਦੀਆਂ ਗੱਲਾਂ ਕਰਦੇ ਹਨ।
Babu Singh Maan and Charanjit Singh Surkhab
ਇਹ ਸਾਨੂੰ ਵੋਟਾਂ 'ਚ ਗਿਣਦੇ ਹਨ, ਇਹ ਸਾਨੂੰ ਬੰਦੇ ਨਹੀਂ ਗਿਣਦੇ। ਇਹ ਨਹੀਂ ਜਾਣਦੇ ਵੀ ਇਹਨਾਂ ਵਿਚ ਰੂਹ ਵੀ ਹੈ, ਇਹ ਵੀ ਪ੍ਰਮਾਤਮਾ ਦੇ ਜੀਅ ਹਨ। ਉਹਨਾਂ ਕਿਹਾ ਕਿ ਇਸ ਸਰਕਾਰ ਨੇ ਬਹੁਤ ਜਿਆਦਾ ਬਦਲਾਅ ਕਰਨ ਦੀ ਕੋਸ਼ਿਸ ਕੀਤੀ ਹੈ।
Babu Singh Maan and Charanjit Singh Surkhab
ਉਹਨਾਂ ਕਿ ਹੁਣ ਸਾਰੇ ਦੇਸ਼ ਦੇ ਕਿਸਾਨਾਂ ਨੂੰ ਪਤਾ ਲੱਗ ਰਿਹਾ ਹੈ ਕਿ ਐਮਐਸਪੀ ਕੀ ਹੈ, ਪਹਿਲਾਂ ਕਿਸੇ ਨੂੰ ਪਤਾ ਨਹੀਂ ਸੀ ਵੀ ਐਮਐਸਪੀ ਹੁੰਦੀ ਕੀ ਹੈ। ਉਹਨਾਂ ਕਿਹਾ ਸਰਕਾਰ ਦੇ ਪੈਰਾਂ ਹੋਠੋਂ ਜ਼ਮੀਨ ਖੁਸਕ ਜਾਣੀ ਹੈ ਪਰ ਜਿੱਤ ਕਿਸਾਨਾਂ ਦੀ ਹੀ ਹੋਣੀ ਹੈ
