ਨਵੀਂ ਦਿੱਲੀ- ਇੱਕ ਬੰਗਲਾਦੇਸ਼ੀ ਵਿਅਕਤੀ, ਜਿਸਨੇ ਇੱਕ ਕਾਰੋਬਾਰੀ ਯਾਤਰਾ ਲਈ ਘਰ ਛੱਡ ਦਿੱਤਾ, ਪਰ ਕਦੇ ਵਾਪਸ ਨਹੀਂ ਆਇਆ, ਆਖਰਕਾਰ ਇੱਕ ਫੇਸਬੁੱਕ ਵੀਡੀਓ ਦੇ ਜ਼ਰੀਏ 48 ਸਾਲਾਂ ਬਾਅਦ ਆਪਣੇ ਪਰਿਵਾਰ ਨੂੰ ਮਿਲ ਹੀ ਗਿਆ। ਇਹ ਜਾਣਕਾਰੀ ਮੀਡੀਆ ਵੱਲੋਂ ਦਿੱਤੀ ਗਈ। ਮੀਡੀਆ ਰਿਪੋਰਟਾਂ ਅਨੁਸਾਰ, ਹਬੀਬੁਰ ਰਹਿਮਾਨ ਆਪਣੇ ਘਰ ਸਿਲੇਟ ਦੇ ਬਾਜਰਾਮ ਵਿਚ ਰਾੱਡ ਅਤੇ ਸੀਮੈਂਟ ਦਾ ਵਪਾਰ ਕਰਦਾ ਸੀ।
File Photo
30 ਸਾਲ ਦੀ ਉਮਰ ਵਿਚ ਘਰ ਛੱਡਣ ਤੋਂ ਬਾਅਦ, ਉਸਦੇ ਪਰਿਵਾਰਕ ਮੈਂਬਰਾਂ ਨੇ ਉਸ ਦੀ ਭਾਲ ਕੀਤੀ ਅਤੇ ਉਸ ਕੋਲ ਪਹੁੰਚਣ ਲਈ ਉਹਨਾਂ ਨੇ ਹਰ ਇਕ ਉਹ ਕੋਸ਼ਿਸ਼ ਕੀਤੀ ਜੋ ਉਹ ਕਰ ਸਕਦੇ ਸਨ ਪਰ ਉਹ ਅਸਫ਼ਲ ਰਹੇ। ਅਮਰੀਕਾ ਵਿਚ ਰਹਿੰਦੇ ਹਬੀਬੁਰ ਦੇ ਵੱਡੇ ਬੇਟੇ ਦੀ ਪਤਨੀ ਨੇ ਸ਼ੁੱਕਰਵਾਰ ਨੂੰ ਇਕ ਮਰੀਜ ਲਈ ਵਿੱਤੀ ਮਦਦ ਮੰਗਣ ਵਾਲੇ ਵਿਅਕਤੀ ਦੀ ਇਕ ਵੀਡੀਓ ਦੇਖੀ, ਪੈਸੇ ਦੀ ਘਾਟ ਕਾਰਨ, ਮਰੀਜ਼ ਦਾ ਇਲਾਜ ਨਹੀਂ ਹੋ ਰਿਹਾ ਸੀ।
File Photo
ਉਸਨੇ ਆਪਣੇ ਸਹੁਰੇ ਦੇ ਲਾਪਤਾ ਹੋਣ ਦੀ ਕਹਾਣੀ ਸੁਣੀ ਸੀ। ਅਜਿਹੀ ਸਥਿਤੀ ਵਿਚ ਉਸ ਨੂੰ ਵੀਡੀਓ ਦੇਖ ਕੇ ਸ਼ੱਕ ਹੋਇਆ ਅਤੇ ਵੀਡੀਓ ਆਪਣੇ ਪਤੀ ਨੂੰ ਭੇਜ ਦਿੱਤੀ। ਹਬੀਬੁਰ ਦੇ ਵੱਡੇ ਬੇਟੇ ਨੇ ਆਪਣੇ ਛੋਟੇ ਭਰਾ ਨੂੰ ਮਰੀਜ਼ ਬਾਰੇ ਪਤਾ ਕਰਨ ਲਈ ਉਨ੍ਹਾਂ ਨੂੰ ਸਿਲੇਟ ਜਾਣ ਲਈ ਕਿਹਾ। ਜਦੋਂ ਉਹ ਸ਼ਨੀਵਾਰ ਸਵੇਰੇ ਹਸਪਤਾਲ ਪਹੁੰਚਿਆ ਤਾਂ ਪਤਾ ਲੱਗਿਆ ਕਿ ਕਿ ਉਹ ਮਰੀਜ਼ ਹੋਰ ਕੋਈ ਨਹੀਂ ਉਸ ਦੇ ਪਿਤਾ ਹੀ ਸਨ।
Google and Facebook
ਇਕ ਰਿਪੋਰਟ ਅਨੁਸਾਰ ਇਕ ਭਰਾ ਦੇ ਬਿਆਨ ਦੇ ਹਵਾਲੇ ਨਾਲ ਕਿਹਾ ਗਿਆ ਕਿ, “ਮੈਨੂੰ ਯਾਦ ਹੈ ਕਿ ਮੇਰੀ ਮਾਂ ਅਤੇ ਮੇਰੇ ਚਾਚੇ ਨੇ ਉਨ੍ਹਾਂ ਨੂੰ ਲੱਭਣ ਲਈ ਸਭ ਕੁਝ ਕੀਤਾ ਜੋ ਉਹ ਕਰ ਸਕਦੇ ਸਨ ਆਖਰਕਾਰ ਉਹਨਾਂ ਨੇ ਹਾਰ ਮੰਨ ਲਈ। ਇਸ ਤੋਂ ਬਾਅਦ ਸਾਲ 2000 ਵਿਚ ਮਾਂ ਦੀ ਮੌਤ ਹੋ ਗਈ। ”ਪਿਛਲੇ 25 ਸਾਲਾਂ ਤੋਂ ਹਬੀਬੁਰ ਮੌਲਵੀਬਾਜ਼ਾਰ ਦੇ ਰਾਇਸਰੀ ਖੇਤਰ ਵਿਚ ਰਹਿ ਰਿਹਾ ਸੀ।
Facebook
ਉਥੇ ਰਜ਼ੀਆ ਬੇਗਮ ਨਾਮ ਦੀ ਔਰਤ ਨੇ ਉਸ ਦੀ ਦੇਖਭਾਲ ਕੀਤੀ। ਰਜ਼ੀਆ ਨੇ ਕਿਹਾ ਕਿ ਉਸਦੇ ਪਰਿਵਾਰਕ ਮੈਂਬਰਾਂ ਨੇ ਹਬੀਬੂਰ ਨੂੰ 1995 ਵਿਚ ਹਜ਼ਰਤ ਸ਼ਹਾਬ ਉਦਦੀਨ ਦਰਗਾਹ ਵਿਖੇ ਖਸਤਾ ਹਾਲਤ ਵਿਚ ਪਾਇਆ। ਰਜ਼ੀਆ ਨੇ ਕਿਹਾ, “ਉਸ ਸਮੇਂ ਹਬੀਬੁਰ ਨੇ ਕਿਹਾ ਸੀ ਕਿ ਉਹ ਬਨਜਾਰਿਆਂ ਦੀ ਤਰ੍ਹਾਂ ਰਹਿੰਦਾ ਸੀ। ਉਹ ਉਦੋਂ ਤੋਂ ਸਾਡੇ ਨਾਲ ਰਿਹਾ ਹੈ।
FaceBook
ਅਸੀਂ ਉਸ ਦਾ ਸਨਮਾਨ ਕਰਦੇ ਹਾਂ ਅਤੇ ਉਸ ਨੂੰ ਪੀਰ ਕਹਿੰਦੇ ਹਾਂ। ”ਘਰ ਦਾ ਮੁਖੀ ਵਾਪਸ ਆਉਣ ਤੋਂ ਬਾਅਦ, ਹਬੀਬੁਰ ਦੇ ਪਰਿਵਾਰ ਨੇ ਉਸ ਨੂੰ ਬਿਹਤਰ ਇਲਾਜ ਲਈ ਇਕ ਨਿੱਜੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਹੈ ਅਤੇ ਉਸ ਦੇ ਪਰਿਵਾਰਕ ਮੈਂਬਰ ਵੀ ਬਹੁਤ ਖੁਸ਼ ਹਨ।
