Lt. Karnal Purohit
ਮਾਲੇਗਾਉਂ 'ਚ 2008 'ਚ ਹੋਏ ਧਮਾਕੇ ਦੇ ਸਿਲਸਿਲੇ 'ਚ 9 ਸਾਲ ਤੋਂ ਜੇਲ ਅੰਦਰ ਬੰਦ ਲੈਫ਼ਟੀਨੈਂਟ ਕਰਨਲ ਸ੍ਰੀਕਾਂਤ ਪ੍ਰਸਾਦ ਪੁਰੋਹਿਤ ਨੂੰ..
ਮੁੰਬਈ, 23 ਅਗੱਸਤ: ਮਾਲੇਗਾਉਂ 'ਚ 2008 'ਚ ਹੋਏ ਧਮਾਕੇ ਦੇ ਸਿਲਸਿਲੇ 'ਚ 9 ਸਾਲ ਤੋਂ ਜੇਲ ਅੰਦਰ ਬੰਦ ਲੈਫ਼ਟੀਨੈਂਟ ਕਰਨਲ ਸ੍ਰੀਕਾਂਤ ਪ੍ਰਸਾਦ ਪੁਰੋਹਿਤ ਨੂੰ ਸੁਪ੍ਰੀਮ ਕੋਰਟ ਨੇ ਜ਼ਮਾਨਤ ਮਿਲਣ ਤੋਂ ਬਾਅਦ ਅੱਜ ਨਵੀਂ ਮੁੰਬਈ ਸਥਿਤ ਤਾਲੋਜਾ ਜੇਲ ਤੋਂ ਰਿਹਾਅ ਕਰ ਦਿਤਾ।
ਸਵੇਰੇ ਲਗਭਗ ਪੌਣੇ ਗਿਆਰਾਂ ਵਜੇ ਜੇਲ ਤੋਂ ਬਾਅਦ ਨਿਕਲਣ ਮਗਰੋਂ ਉਹ ਇਕ ਕਾਰ ਰਾਹੀਂ ਰਵਾਨਾ ਹੋਏ। ਫ਼ੌਜੀ ਪੁਲਿਸ ਅਤੇ ਫ਼ੌਜ ਦੇ ਤੁਰਤ ਪ੍ਰਤੀਕਿਰਿਆ ਬਲ ਦੀ ਇਕ ਟੀਮ ਨੇ ਪੁਰੋਹਿਤ ਨੂੰ ਦਖਣੀ ਮੁੰਬਈ ਦੇ ਕੋਲਾਬਾ ਸਥਿਤ ਫ਼ੌਜੀ ਸਟੇਸ਼ਨ ਉਤੇ ਛਡਿਆ।
ਫ਼ਿਰਕੂ ਰੂਪ ਨਾਲ ਸੰਵੇਦਨਸ਼ੀਲ ਨਾਸਿਕ ਦੇ ਮਾਲੇਗਾਉਂ 'ਚ 2008 'ਚ ਹੋਏ ਬੰਬ ਧਮਾਕੇ ਦੇ ਸਿਲਸਿਲੇ 'ਚ ਪੁਰੋਹਿਤ ਲਗਭਗ 9 ਸਾਲ ਤੋਂ ਜੇਲ 'ਚ ਬੰਦ ਸੀ। ਸੁਪ੍ਰੀਮ ਕੋਰਟ ਨੇ ਇਸ ਮਾਮਲੇ 'ਚ ਸੋਮਵਾਰ, 21 ਅਗੱਸਤ ਨੂੰ ਜ਼ਮਾਨਤ ਦੇ ਦਿਤੀ ਸੀ। ਇਨ੍ਹਾਂ ਧਮਾਕਿਆਂ 'ਚ 6 ਜਣੇ ਮਾਰੇ ਗਏ ਸਨ। (ਪੀਟੀਆਈ)
