ਟੀਬੀ-ਲਕਵੇ ਨੇ ਖ਼ਰਾਬ ਕੀਤੀ ਜ਼ਿੰਦਗੀ, ਮੰਗ ਰਿਹੈ ਚੰਦਾ
Published : Mar 20, 2018, 3:25 pm IST
Updated : Mar 20, 2018, 3:28 pm IST
SHARE ARTICLE
Shiv Kumar
Shiv Kumar

ਦਿੱਲੀ 'ਚ 43 ਸਾਲ ਦਾ ਸ਼ਖ਼ਸ ਪਤਨੀ ਦੇ ਅਤਿਆਚਾਰਾਂ ਤੋਂ ਮੁਕਤੀ ਚਾਹੁੰਦਾ ਹੈ। ਇਸ ਦੇ ਲਈ ਉਹ ਪਤਨੀ ਦੇ ਪਾਲਣ ਪੋਸ਼ਣ ਲਈ 5 ਲੱਖ ਰੁਪਏ ਚੰਦਾ ਮੰਗ ਕੇ ਇਕੱਠਾ ਕਰ ਰਿਹਾ ਹੈ।

ਦਿੱਲੀ 'ਚ 43 ਸਾਲ ਦਾ ਸ਼ਖ਼ਸ ਪਤਨੀ ਦੇ ਅਤਿਆਚਾਰਾਂ ਤੋਂ ਮੁਕਤੀ ਚਾਹੁੰਦਾ ਹੈ। ਇਸ ਦੇ ਲਈ ਉਹ ਪਤਨੀ ਦੇ  ਪਾਲਣ ਪੋਸ਼ਣ ਲਈ 5 ਲੱਖ ਰੁਪਏ ਚੰਦਾ ਮੰਗ ਕੇ ਇਕੱਠਾ ਕਰ ਰਿਹਾ ਹੈ। ਸ਼ਿਵ ਕੁਮਾਰ ਨਾਂ ਦਾ ਸ਼ਖ਼ਸ ਇਕ ਅਖ਼ਬਾਰ ਵੰਡਣ ਵਾਲਾ ਹੈ ਪਰ ਇਕ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਹਾਦਸੇ 'ਚ ਉਸ ਨੂੰ ਸਿਰ 'ਚ ਗੰਭੀਰ ਸੱਟ ਲੱਗੀ ਅਤੇ ਕਰੀਬ ਇਕ ਸਾਲ ਤੱਕ ਮੰਜੇ 'ਤੇ ਪਿਆ ਰਿਹਾ। ਸ਼ਿਵ ਕੁਮਾਰ ਨੇ ਇਲਜ਼ਾਮ ਲਗਾਇਆ ਹੈ ਕਿ ਹਾਦਸੇ ਦੇ ਤੁਰਤ ਬਾਅਦ ਪਤਨੀ ਉਸ ਨੂੰ ਛੱਡ ਕੇ ਚਲੀ ਗਈ ਸੀ।

Shiv KumarShiv Kumar

ਸ਼ਿਵ ਕੁਮਾਰ ਨੂੰ ਤਲਾਕ ਦਾ ਕੇਸ ਖ਼ਤਮ ਕਰਨ ਲਈ ਪਤਨੀ ਨੂੰ ਹੁਣ 5 ਲੱਖ ਇਕ ਸਾਲ ਗੁਜ਼ਾਰਾ ਭੱਤਾ ਦੇਣਾ ਹੈ ਪਰ ਹਾਦਸੇ ਤੋਂ ਬਾਅਦ ਉਸ ਕੋਲ ਕੋਈ ਨੌਕਰੀ ਨਹੀਂ ਹੈ ਅਤੇ ਉਸ ਦੀ ਸਾਰੀ ਬਚਤ ਵੀ ਇਲਾਜ 'ਤੇ ਖ਼ਰਚ ਹੋ ਗਈ। ਅਜਿਹੇ 'ਚ ਸ਼ਿਵ ਕੁਮਾਰ ਨੇ ਲੋਕਾਂ ਤੋਂ ਚੰੰਦਾ ਮੰਗ ਕੇ ਪਤਨੀ ਤੋਂ ਮੁਕਤੀ ਚਾਹੁੰਦਾ ਹੈ । 

ਸ਼ਿਵ ਕੁਮਾਰ ਨੇ ਇਲਜ਼ਾਮ ਲਗਾਇਆ ਕਿ ਵਿਆਹ ਦੇ ਤੁਰਤ ਬਾਅਦ ਹੀ ਉਸ ਦੀ ਪਤਨੀ ਨਾਲ ਸਬੰਧ ਬੇਹੱਦ ਖ਼ਰਾਬ ਸਨ। ਇਸ ਤੋਂ ਇਲਾਵਾ ਪਤਨੀ ਨੇ ਉਸ ਦੇ ਅਤੇ ਪਰਵਾਰ ਵਿਰੁਧ ਘਰੇਲੂ ਹਿੰਸਾ ਦਾ ਕੇਸ ਵੀ ਕਰ ਦਿਤਾ। ਸ਼ਖ਼ਸ ਨੇ ਦਸਿਆ ਕਿ ਉਸ ਦੀ ਪਤਨੀ ਉਸ ਨੂੰ ਹਾਦਸੇ ਵਾਲੇ ਦਿਨ ਹੀ ਛੱਡ ਕੇ ਚਲੀ ਗਈ ਸੀ। ਜਦੋਂ ਕਿ ਡਾਕਟਰਾਂ ਨੇ ਮੇਰੀ ਹਾਲਤ ਗੰਭੀਰ ਦਸੀ ਸੀ। ਸ਼ਖ਼ਸ ਦਾ ਇਲਜ਼ਾਮ ਹੈ ਕਿ ਉਸ ਦੀ ਪਤਨੀ ਉਸ ਦੇ ਪਰਵਾਰ ਨਾਲ ਨਹੀਂ ਰਹਿਣਾ ਚਾਹੁੰਦੀ ਸੀ। ਉਸ ਨੂੰ ਲਗਾ ਕਿ ਉਹ ਜ਼ਿੰਦਾ ਨਹੀਂ ਬਚੇਗਾ ਤਾਂ ਉਸ ਨੂੰ ਛੱਡ ਦਿਤਾ।  

Shiv KumarShiv Kumar

ਘਰੇਲੂ ਹਿੰਸਾ ਦਾ ਕੇਸ ਲੱਗਣ ਤੋਂ ਬਾਅਦ ਜਾਂਚ ਲਈ ਆਈ ਪੁਲਿਸ ਦੀ ਟੀਮ ਨੂੰ ਸ਼ਖ਼ਸ ਦੀ ਹਾਲਤ 'ਤੇ ਤਰਸ ਆ ਗਿਆ। ਉਨ੍ਹਾਂ ਨੇ ਪਤਨੀ ਨੂੰ ਉਸ ਦੀ ਦੇਖਭਾਲ ਕਰਨ ਅਤੇ ਝਗੜੇ ਸੁਲਝਾਉਣ ਦੀ ਸਲਾਹ ਦਿਤੀ। ਸ਼ਿਵ ਮੁਤਾਬਕ, ਜਦੋਂ ਉਹ ਹਾਦਸੇ ਤੋਂ ਠੀਕ ਹੋ ਗਿਆ ਅਤੇ ਜ਼ਿੰਮੇਦਾਰੀ ਚੁਕਣ ਲਈ ਤਿਆਰ ਹੋਇਆ ਤਾਂ 2013 'ਚ ਡਾਕਟਰਾਂ ਨੇ ਉਸ ਨੂੰ ਕੈਂਸਰ ਦਸਿਆ।
  
ਸ਼ਿਵ ਕੁਮਾਰ ਨੇ ਇਸ ਦਾ ਇਲਾਜ ਸ਼ੁਰੂ ਕੀਤਾ ਅਤੇ ਪੰਜ ਵਾਰ ਕੀਮੋਥੈਰੇਪੀ ਅਤੇ ਬਾਉਪਸੀ ਕਰਵਾਈ ਪਰ ਉਹ ਟੀਬੀ ਨਿਕਲੀ, ਜੋ ਪੂਰੇ ਸਰੀਰ 'ਚ ਫ਼ੈਲ ਗਈ ਸੀ। ਇਸ ਤੋਂ ਉਸ ਦੇ ਸਰੀਰ ਦਾ ਸੱਜੇ ਹਿੱਸੇ ਨੂੰ ਲਕਵਾ ਮਾਰ ਗਿਆ। ਇਲਾਜ ਦੌਰਾਨ ਉਸ ਨੂੰ ਕਈ ਵਾਰ ਅਧਰੰਗ ਦੇ ਦੌਰੇ ਵੀ ਪਏ। ਉਸ ਦੇ ਸਰੀਰ ਦਾ ਸੱਜਾ ਹਿੱਸਾ ਕਾਫ਼ੀ ਕਮਜ਼ੋਰ ਹੋ ਚੁਕਿਆ ਸੀ। ਜ਼ਿਆਦਾਤਰ ਸਮੇਂ ਉਹ ਵਹੀਲਚੇਅਰ 'ਤੇ ਹੀ ਰਹਿੰਦਾ ਸੀ।

Shiv KumarShiv Kumar

ਸ਼ਖ਼ਸ ਨੇ ਇਲਜ਼ਾਮ ਲਗਾਇਆ ਕਿ ਉਸ ਦੀ ਪਤਨੀ ਉਸ ਨੂੰ ਪਰੇਸ਼ਾਨ ਕਰਦੀ ਰਹੀ। ਉਸ 'ਤੇ ਇਕ ਵਾਰ ਫ਼ਿਰ ਤੋਂ ਘਰੇਲੂ ਹਿੰਸਾ ਦਾ ਕੇਸ ਦਰਜ ਕਰ ਦਿਤਾ। ਕੋਰਟ ਨੇ ਹਰ ਮਹੀਨੇ ਸ਼ਿਵ ਕੁਮਾਰ ਨੂੰ ਪਤਨੀ ਨੂੰ 4000 ਰੁ ਦੇਣ ਦਾ ਆਦੇਸ਼ ਦਿਤਾ ਪਰ ਬਾਅਦ 'ਚ ਉਸ ਨੂੰ ਸਾਲਾਨਾ 5 ਲੱਖ ਰੁਪਏ ਦੇਣ ਦਾ ਆਦੇਸ਼ ਦਿਤਾ। ਇਹ ਉਸ ਸਮੇਂ ਦੀ ਗੱਲ ਸੀ,  ਜਦੋਂ ਉਸ ਦੇ ਕੋਲ ਕੋਈ ਕਮਾਈ ਦਾ ਸਾਧਨ ਨਹੀਂ ਸੀ। ਕੋਰਟ ਦੀ ਨਾਫ਼ੁਰਮਾਨੀ ਕਰਨ ਦੇ ਜੁਰਮ 'ਚ ਤਿੰਨ ਵਾਰ ਤਿਹਾੜ ਜੇਲ ਜਾ ਚੁਕਿਆ ਹੈ। 
ਸ਼ਿਵ ਕੁਮਾਰ ਦੀ ਕਹਾਣੀ ਸੁਣ ਕੇ ਮਰਦਾਂ ਦੇ ਹੱਕ ਦੀ ਲੜਾਈ ਲੜਨ ਵਾਲੀ ਅਤੇ ਫਿਲਮਮੇਕਰ ਦੀਪਿਕਾ ਭਾਰਦਵਾਜ ਸਾਹਮਣੇ ਆਈ ਹੈ। ਉਨ੍ਹਾਂ ਨੇ ਸ਼ਖ਼ਸ ਲਈ ਕਰਾਊਡ ਫ਼ੰਡਿੰਗ ਦੇ ਜ਼ਰੀਏ 5 ਲੱਖ ਰੁਪਏ ਇਕੱਠਾ ਕਰਨ ਦਾ ਬੀੜਾ ਚੁਕਿਆ ਹੈ।

Location: India, Delhi, Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM
Advertisement