ਏਮਜ਼ ਭਰਤੀ ਨੋਟੀਫਿਕੇਸ਼ਨ ਅਨੁਸਾਰ ਅਪਲਾਈ ਦੀ ਪ੍ਰਕਿਰਿਆ ਭਲਕੇ 21 ਅਕਤੂਬਰ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ, ਜੋ 19 ਨਵੰਬਰ ਤਕ ਚੱਲੇਗੀ।
ਨਵੀਂ ਦਿੱਲੀ - ਆਲ ਇੰਡੀਆ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਜ਼ (ਏਮਜ਼), ਨਵੀਂ ਦਿੱਲੀ ਨੇ ਗਰੁੱਪ-ਏ (ਨਾਨ ਫੈਕਲਟੀ), ਬੀ ਤੇ ਸੀ ’ਚ ਕੁੱਲ 214 ਅਹੁਦਿਆਂ ’ਤੇ ਭਰਤੀ ਲਈ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਏਮਜ਼ ਭਰਤੀ ਨੋਟੀਫਿਕੇਸ਼ਨ ਅਨੁਸਾਰ ਅਪਲਾਈ ਦੀ ਪ੍ਰਕਿਰਿਆ ਭਲਕੇ 21 ਅਕਤੂਬਰ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ, ਜੋ 19 ਨਵੰਬਰ ਤਕ ਚੱਲੇਗੀ। ਜੋ ਚਾਹਵਾਨ ਉਮੀਦਵਾਰ ਇਸ ਭਰਤੀ ਲਈ ਫਾਰਮ ਭਰਨਾ ਚਾਹੁੰਦੇ ਹਨ ਉਹ ਵਿਭਾਗ ਦੀ ਵੈਬਸਾਈਟ ਤੇ ਜਾ ਕੇ ਅਪਲਾਈ ਕਰ ਸਕਦੇ ਹਨ।
ਏਮਜ਼ ਨੇ ਗਰੁੱਪ ਏ, ਬੀ ਤੇ ਸੀ ’ਚ ਸਾਰੇ ਅਹੁਦਿਆਂ ਲਈ ਇੱਕੋ ਜਿਹੀ ਅਰਜ਼ੀ ਫ਼ੀਸ ਨਿਰਧਾਰਤ ਕੀਤੀ ਹੈ ਤੇ ਬਿਨੈਕਾਰਾਂ ਨੂੰ ਅਪਲਾਈ ਲਈ 1500 ਰੁਪਏ ਦਾ ਭੁਗਤਾਨ ਐਪਲੀਕੇਸ਼ਨ ਫ਼ੀਸ ਦੇ ਤੌਰ ’ਤੇ ਅਪਲਾਈ ਕਰਨ ਦੌਰਾਨ ਦੇਣਾ ਹੋਵੇਗਾ।
ਅਹੁਦਿਆਂ ਦਾ ਵੇਰਵਾ
ਵੈਟਰਨਰੀ - 1
- ਕੈਮਿਸਟ - 2
- ਸਾਇਓਕੋਲੋਜਿਸਟ- 1
- ਜਨਰਲ ਡਿਊਟੀ ਮੈਡੀਕਲ ਅਫ਼ਸਰ - 4
- ਸਾਇੰਟਿਸਟ - 16
- ਸੀਨੀਅਰ ਕੈਮਿਸਟ- 1
- ਸੀਨੀਅਰ ਟੈਕਨੀਕਲ ਐਡੀਟਰ - 1
- ਵੈੱਲਫੇਅਰ ਆਫ਼ੀਸਰ - 1
- ਅਸਿਸਟੈਂਟ ਡਾਇਟੀਸ਼ੀਅਨ - 10
ਇੰਝ ਕਰੋ ਅਪਲਾਈ
ਏਮਜ਼ ਨੇ ਗਰੁੱਪ ਏ, ਬੀ ਤੇ ਸੀ ’ਚ ਸਾਰੇ ਅਹੁਦਿਆਂ ਲਈ ਅਪਲਾਈ ਕਰਨ ਦੇ ਚਾਹਵਾਨ ਉਮੀਦਵਾਰਾਂ ਨੂੰ ਏਮਜ਼ ਭਰਤੀ ਪੋਰਟਲ aiimsexams.org ’ਤੇ ਵਿਜ਼ਿਟ ਕਰਨ ਤੋਂ ਬਾਅਦ ਹੋਮ ਪੇਜ ’ਤੇ ਹੀ ‘Important Anoucement’ ਸੈਕਸ਼ਨ ’ਚ ਮੁਹੱਈਆ ਕੀਤੇ ਜਾਣ ਵਾਲੇ ਸਬੰਧਤ ਲਿੰਕ ’ਤੇ ਕਲਿੱਕ ਕਰਨਾ ਹੋਵੇਗਾ।