ਉਹ ਜਾਣ ਚੁੱਕੇ ਹਨ ਕਿ ਦੇਸ਼ ਦੇ ਕਿਸਾਨ, ਮਜ਼ਦੂਰ ਅਤੇ ਨੌਜਵਾਨ ਅਤੇ ਨਿੱਜੀਕਰਨ ਤੋਂ ਪਰੇਸ਼ਾਨ ਬੈਂਕ ਕਰਮੀਆਂ ਵਾਂਗ ਕੰਟਰੈਕਟ ਕਰਮੀ ਵੀ ਬਹੁਤ ਦੁੱਖ ਵਿਚ ਹਨ।
ਪੀਲੀਭੀਤ - ਵੱਖ-ਵੱਖ ਵਿਭਾਗਾਂ 'ਚ ਠੇਕੇ 'ਤੇ ਕੰਮ ਕਰ ਰਹੇ ਕਰਮਚਾਰੀਆਂ 'ਚ ਪਹੁੰਚੇ ਸੰਸਦ ਮੈਂਬਰ ਵਰੁਣ ਗਾਂਧੀ ਨੇ ਕਿਹਾ- ਭੀਖ ਮੰਗਣਾ ਕਦੇ ਵੀ ਹੱਕ ਨਹੀਂ ਦਿੰਦਾ। ਇਸ ਲਈ ਆਪਣੀ ਸ਼ਕਤੀ ਦਿਖਾਓ। ਤਾਂ ਜੋ ਕਿਸੇ ਨੂੰ ਅਧਿਕਾਰ ਲਈ ਕਿਸੇ ਦੇ ਸਾਹਮਣੇ ਹੱਥ ਨਾ ਫੈਲਾਉਣੇ ਪੈਣ। ਵਰੁਣ ਗਾਂਧੀ ਨੇ ਕਿਸਾਨ, ਮਜ਼ਦੂਰ ਅਤੇ ਨੌਜਵਾਨਾਂ ਦੀਆਂ ਪਰੇਸ਼ਾਨੀਆਂ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਇਨ੍ਹਾਂ ਦੀ ਤਰਜ਼ ’ਤੇ ਨਿੱਜੀਕਰਨ ਤੋਂ ਬੈਂਕ ਕਰਮੀ ਅਤੇ ਕੰਟਰੈਕਟ ਕਾਮੇ ਵੀ ਬਹੁਤ ਦੁਖੀ ਹਨ। ਵਰੁਣ ਗਾਂਧੀ ਨੇ ਸੰਸਦੀ ਖੇਤਰ ਪੀਲੀਭੀਤ ਦੇ ਦੋ ਦਿਨਾਂ ਦੌਰੇ ’ਤੇ ਐਤਵਾਰ ਨੂੰ ਕਿਹਾ ਕਿ ਉਹ ਜਾਣ ਚੁੱਕੇ ਹਨ ਕਿ ਦੇਸ਼ ਦੇ ਕਿਸਾਨ, ਮਜ਼ਦੂਰ ਅਤੇ ਨੌਜਵਾਨ ਅਤੇ ਨਿੱਜੀਕਰਨ ਤੋਂ ਪਰੇਸ਼ਾਨ ਬੈਂਕ ਕਰਮੀਆਂ ਵਾਂਗ ਕੰਟਰੈਕਟ ਕਰਮੀ ਵੀ ਬਹੁਤ ਦੁੱਖ ਵਿਚ ਹਨ।
ਇਸ ਦੌਰਾਨ ਉਨ੍ਹਾਂ ਨੇ ਕੇਂਦਰ ਅਤੇ ਪ੍ਰਦੇਸ਼ ਵਿਚ ਆਪਣੀ ਹੀ ਪਾਰਟੀ ਭਾਜਪਾ ਨੂੰ ਨਿਸ਼ਾਨੇ ’ਤੇ ਲਿਆ। ਵਰੁਣ ਗਾਂਧੀ ਨੇ ਕੰਟਰੈਕਟ ਕਾਮਿਆਂ ਨਾਲ ਜ਼ਮੀਨ ’ਤੇ ਬੈਠ ਕੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਸੁਣੀਆ। ਕਾਮਿਆਂ ਨੂੰ ਸੰਬੋਧਿਤ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਭੀਖ ਮੰਗਣ ਨਾਲ ਕਦੇ ਸਨਮਾਨ ਅਤੇ ਅਧਿਕਾਰ ਨਹੀਂ ਮਿਲਦਾ, ਆਪਣੀ ਤਾਕਤ ਨੂੰ ਪਹਿਚਾਣੋ। ਖ਼ੁਦ ਨੂੰ ਸੰਗਠਿਤ ਕਰ ਕੇ ਇਸ ਕਦਰ ਆਪਣੀ ਸ਼ਕਤੀ ਵਿਖਾਓ ਕਿ ਉਸ ਤੋਂ ਬਾਅਦ ਅਧਿਕਾਰਾਂ ਲਈ ਕਿਸੇ ਅੱਗੇ ਹੱਥ ਨਾਲ ਫੈਲਾਉਣੇ ਪੈਣ।
ਉਨ੍ਹਾਂ ਨੇ ਕੰਟਰੈਕਟ ਕਾਮਿਆਂ ਜਿਨ੍ਹਾਂ ਵਿਚ ਮਨਰੇਗਾ, ਸਿਹਤ, ਆਂਗਨਵਾੜੀ, ਆਸ਼ਾ ਵਰਕਰ, ਸਿੱਖਿਆ ਮਿੱਤਰਾਂ ਅਤੇ ਹੋਰਨਾਂ ਦੇ ਦੁੱਖ ਨੂੰ ਜਾਣਿਆ। ਵਰੁਣ ਨੇ ਕਿਸਾਨ ਅੰਦੋਲਨ ਦਾ ਉਦਾਹਰਣ ਦਿੰਦੇ ਹੋਏ ਕਿਹਾ ਕਿ ਪਿਛਲੇ ਇਕ ਸਾਲ ਤੋਂ ਵੱਡੀ ਬਹਾਦਰੀ ਨਾਲ ਆਪਣੇ ਹੱਕ ਦੀ ਲੜਾਈ ਲੜ ਰਹੇ ਦੇਸ਼ ਦੇ ਕਿਸਾਨਾਂ ਦਾ ਜਦੋਂ ਉਨ੍ਹਾਂ ਨੇ ਸਾਥ ਦਿੱਤਾ ਤਾਂ ਕੁਝ ਲੋਕ ਮੈਨੂੰ ਕਹਿਣ ਲੱਗੇ ਕਿ ਉਨ੍ਹਾਂ ਦੀ ਪਾਰਟੀ ਕੀ ਸੋਚੇਗੀ। ਵਰੁਣ ਨੇ ਕਿਹਾ ਕਿ ਅਜਿਹੇ ਲੋਕਾਂ ਨੂੰ ਮੈਂ ਜਵਾਬ ਵਿਚ ਇਹ ਹੀ ਕਿਹਾ ਕਿ ਪਾਰਟੀ ਨੂੰ ਤਾਂ ਸਮਝਾ ਲਵਾਂਗੇ, ਇਸ ਤੋਂ ਪਹਿਲਾਂ ਸਾਨੂੰ ਸੋਚਣਾ ਹੋਵੇਗਾ ਕਿ ਦੇਸ਼ ਕੀ ਸੋਚੇਗਾ। ਜੇਕਰ ਅਸੀਂ ਇਸ ਤਰ੍ਹਾਂ ਧੋਖਾ ਦਿੰਦੇ ਰਹੇ ਤਾਂ ਹਿੰਦੋਸਤਾਨ ਨੂੰ ਕਮਜ਼ੋਰ ਕਰ ਰਹੇ ਹਾਂ, ਜਿਸ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾ ਸਕਦਾ।
