ਵੱਖ-ਵੱਖ ਭਲਾਈ ਪ੍ਰਾਜੈਕਟਾਂ ਲਈ ਸੌਂਪਿਆ 17.5 ਲੱਖ ਰੁਪਏ ਦਾ ਚੈੱਕ
ਨਵੀਂ ਦਿੱਲੀ: ਮੇਜਰ ਦਵਿੰਦਰ ਪਾਲ ਸਿੰਘ (ਸੇਵਾਮੁਕਤ) ਨੇ ਭਾਰਤੀ ਫ਼ੌਜ ਦੇ ਐਡਜੂਟੈਂਟ ਜਨਰਲ ਨਾਲ ਮੁਲਾਕਾਤ ਕੀਤੀ। ਇਸ ਮੌਕੇ ਉਹਨਾਂ ਨੇ ਭਾਰਤੀ ਫੌਜ ਦੇ ਵੱਖ-ਵੱਖ ਭਲਾਈ ਪ੍ਰਾਜੈਕਟਾਂ ਲਈ 17.5 ਲੱਖ ਰੁਪਏ ਦਾ ਚੈੱਕ ਸੌਂਪਿਆ। ਕਾਰਗਿਲ ਯੁੱਧ ਦੇ ਹੀਰੋ ਅਤੇ ਭਾਰਤ ਦੇ ਪਹਿਲੇ ਬਲੇਡ ਰਨਰ ਨੇ ਇਹ ਰਾਸ਼ੀ ‘ਕੌਣ ਬਣੇਗਾ ਕਰੋੜਪਤੀ’ ਦੇ ਵਿਸ਼ੇਸ਼ ਐਪੀਸੋਡ ਦੌਰਾਨ ਜਿੱਤੀ ਸੀ।
Major D P Singh (Retd) interacted with Adjutant General, #IndianArmy and handed over a Cheque of ₹ 17.5 Lakh for various welfare projects. The amount was received by @MajDPSingh during a special episode of Kaun Banega Crorepati #KBC.#OurVeteransOurPride@DIAV20 pic.twitter.com/An7q88aC4E
ਕੌਣ ਹਨ ਮੇਜਰ ਦਵਿੰਦਰ ਪਾਲ ਸਿੰਘ
ਮੇਜਰ ਦਵਿੰਦਰਪਾਲ ਸਿੰਘ ਉਰਫ ਡੀਪੀ ਸਿੰਘ ਕਾਰਗਿਲ ਜੰਗ ਦੇ ਉਹ ਯੋਧੇ ਹਨ ਜੋ ਮੌਤ ਦੇ ਮੂੰਹ ਵਿਚੋਂ ਵਾਪਸ ਪਰਤ ਆਏ ਸਨ। ਜਿੱਥੇ ਉਹ ਖੜ੍ਹੇ ਸਨ, ਉੱਥੇ ਇੰਨਾ ਜ਼ੋਰਦਾਰ ਧਮਾਕਾ ਹੋਇਆ ਕਿ ਸਭ ਕੁਝ ਤਬਾਹ ਹੋ ਗਿਆ। ਜਦੋਂ ਉਨ੍ਹਾਂ ਨੂੰ ਡਾਕਟਰਾਂ ਕੋਲ ਲਿਜਾਇਆ ਗਿਆ ਤਾਂ ਉਨ੍ਹਾਂ ਦੀ ਲੱਤ ਟੁੱਟ ਚੁੱਕੀ ਸੀ। ਸਾਰਾ ਸਰੀਰ ਜ਼ਖਮਾਂ ਨਾਲ ਭਰਿਆ ਹੋਇਆ ਸੀ। ਡਾਕਟਰਾਂ ਨੇ ਜਵਾਬ ਦੇ ਦਿੱਤਾ ਕਿ ਉਨ੍ਹਾਂ ਨੂੰ ਬਚਾਇਆ ਨਹੀਂ ਜਾ ਸਕਦਾ ਪਰ ਡੀਪੀ ਸਿੰਘ ਨੇ ਹਿੰਮਤ ਨਹੀਂ ਹਾਰੀ।
