ਹਾਲਾਂਕਿ PhonePe ਡਾਊਨ ਹੋਣ ਦੀ ਵਜ੍ਹਾ ਸਾਹਮਣੇ ਨਹੀਂ ਆਈ
PhonePe Down : ਯੂਨੀਫਾਈਡ ਪੇਮੈਂਟ ਇੰਟਰਫੇਸ ਟ੍ਰਾਂਜੈਕਸ਼ਨ (UPI) ਦਾ PhonePe ਐਪ ਡਾਊਨ ਹੋ ਗਿਆ ਹੈ। ਇਸ ਕਾਰਨ ਯੂਜ਼ਰਸ ਨੂੰ ਪੇਮੈਂਟ ਕਰਨ 'ਚ ਦਿੱਕਤ ਆ ਰਹੀ ਹੈ। ਇਸ ਬਾਰੇ 'ਚ ਲੋਕ X 'ਤੇ PhonePe ਨੂੰ ਟੈਗ ਕਰਕੇ ਪੋਸਟ ਕਰ ਰਹੇ ਹਨ। ਲੰਬੇ ਸਮੇਂ ਤੋਂ ਬਾਅਦ ਕੁਝ ਉਪਭੋਗਤਾਵਾਂ ਦੀ ਪੇਮੈਂਟ ਹੋ ਰਹੀ ਹੈ। ਹਾਲਾਂਕਿ PhonePe ਡਾਊਨ ਹੋਣ ਦੀ ਵਜ੍ਹਾ ਸਾਹਮਣੇ ਨਹੀਂ ਆਈ ਹੈ। PhonePe ਦੇ ਕਿਸੇ ਵੀ ਅਧਿਕਾਰੀ ਨੇ ਇਸ ਬਾਰੇ ਕੋਈ ਬਿਆਨ ਜਾਰੀ ਨਹੀਂ ਕੀਤਾ ਹੈ।
ਭਾਰਤ ਵਿੱਚ PhonePe ਦੇ ਉਪਭੋਗਤਾਵਾਂ ਨੂੰ UPI ਰਾਹੀਂ ਭੁਗਤਾਨ ਕਰਨ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਬਾਰੇ 'ਚ ਇਕ ਯੂਜ਼ਰ ਨੇ ਐਕਸ 'ਤੇ ਪੋਸਟ ਕਰਕੇ ਲਿਖਿਆ ਕਿ ਪੇਮੈਂਟ ਫੇਲ ਹੋ ਰਹੀ ਹੈ। ਪੈਸੇ ਤਾਂ ਕੱਟ ਗਏ ਪਰ ਦੁਕਾਨਦਾਰ ਦੇ ਖਾਤੇ ਵਿੱਚ ਨਹੀਂ ਪਹੁੰਚੇ। ਇਕ ਹੋਰ ਯੂਜ਼ਰ ਨੇ ਕਿਹਾ ਕਿ ਉਸ ਨੂੰ ਵੀ ਅਜਿਹੀ ਹੀ ਸਮੱਸਿਆ ਹੋਈ। ਉਸ ਦਾ ਵੀ ਭੁਗਤਾਨ ਅਸਫਲ ਹੋ ਗਿਆ। ਇੱਕ ਹੋਰ ਵਿਅਕਤੀ ਨੇ ਲਿਖਿਆ ਕਿ ਦੋ-ਤਿੰਨ ਦਿਨ ਦੇ ਅੰਦਰ PhonePe ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ।
@PhonePe @PhonePeSupport
— rudra shankar (@shantiom92) July 21, 2024
I have had terrible experience with phonepe.i lost Rs 468 because of your technical problem.i did upi to uber driver two times it kept Processing for more than 4 min and finally I had to pay him in cash as well .no way to create ticket as well pic.twitter.com/YTjSBFMrUh
ਦੱਸਿਆ ਜਾ ਰਿਹਾ ਹੈ ਕਿ ਕੁਝ ਤਕਨੀਕੀ ਖਰਾਬੀ ਕਾਰਨ PhonePe ਨੇ ਅਚਾਨਕ ਕੰਮ ਕਰਨਾ ਬੰਦ ਕਰ ਦਿੱਤਾ। ਇਸ ਦੌਰਾਨ ਕੁਝ ਉਪਭੋਗਤਾ ਦਾ PhonePe ਰਾਹੀਂ ਭੁਗਤਾਨ ਹੋ ਰਿਹਾ ਹੈ। ਹਾਲਾਂਕਿ, ਆਰਬੀਆਈ ਦੇ ਦਿਸ਼ਾ-ਨਿਰਦੇਸ਼ਾਂ ਦੇ ਅਨੁਸਾਰ ਜਿਨ੍ਹਾਂ ਦੇ ਪੈਸੇ ਕੱਟੇ ਗਏ ਸਨ ਅਤੇ ਭੁਗਤਾਨ ਪ੍ਰਾਪਤ ਨਹੀਂ ਹੋਇਆ ਹੈ, ਉਨ੍ਹਾਂ ਦੇ ਪੈਸੇ ਵਾਪਸ ਕਰ ਦਿੱਤੇ ਜਾਣਗੇ।
16 ਜੁਲਾਈ ਨੂੰ ਵੀ ਡਾਊਨ ਹੋਇਆ ਸੀ UPI
ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ 16 ਜੁਲਾਈ ਨੂੰ UPI ਡਾਊਨ ਹੋਇਆ ਸੀ। ਇਸ ਦੇ ਤਹਿਤ ਗੂਗਲ ਪੇ, ਫੋਨ ਪੇ, ਪੇਟੀਐਮ ਨਾਲ ਭੁਗਤਾਨ ਨਹੀਂ ਹੋ ਰਿਹਾ ਸੀ। ਹਾਲਾਂਕਿ ਯੂਜ਼ਰਸ ਨੇ ਸੋਸ਼ਲ ਮੀਡੀਆ ਸਾਈਟਸ 'ਤੇ ਇਸ ਦੀ ਸ਼ਿਕਾਇਤ ਵੀ ਕੀਤੀ ਸੀ।
