ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਸਿੰਗਾਪੁਰ ਦੇ ਦੋ ਉਪਗ੍ਰਹਿਆਂ ਨਾਲ ਹੋਈ ਸਫ਼ਲਤਾਪੂਰਵਕ ਲਾਂਚਿੰਗ
ਅਮਰਾਵਤੀ : ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਸ਼ਨੀਵਾਰ ਦੁਪਹਿਰ PSLV-C55 ਰਾਕੇਟ ਦੁਆਰਾ ਸਿੰਗਾਪੁਰ ਦੇ ਦੋ ਉਪਗ੍ਰਹਿ TeleOS-2 ਅਤੇ LumiLite-4 ਨੂੰ ਸਫਲਤਾਪੂਰਵਕ ਲਾਂਚ ਕੀਤਾ। ਇਨ੍ਹਾਂ ਉਪਗ੍ਰਹਿਆਂ ਨੂੰ ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰੀਕੋਟਾ ਸਥਿਤ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਧਰਤੀ ਦੇ ਹੇਠਲੇ ਪੰਧ ਵਿੱਚ ਰੱਖਿਆ ਗਿਆ ਸੀ।
ਰਾਕੇਟ ਨੂੰ ਨਿਊਸਪੇਸ ਇੰਡੀਆ ਲਿਮਟਿਡ (NSIL) ਜ਼ਰੀਏ ਇਕ ਸਮਰਪਿਤ ਵਪਾਰਕ ਮਿਸ਼ਨ ਦੇ ਤਹਿਤ ਲਾਂਚ ਕੀਤਾ ਗਿਆ ਸੀ। ਰਾਕੇਟ 'TeleOS-2' ਨੂੰ ਪ੍ਰਾਇਮਰੀ ਸੈਟੇਲਾਈਟ ਦੇ ਰੂਪ ਵਿਚ ਅਤੇ 'Lumalite-4' ਨੂੰ ਸਹਿ-ਯਾਤਰੀ ਸੈਟੇਲਾਈਟ ਦੇ ਰੂਪ ਵਿਚ ਲੈ ਕੇ ਰਵਾਨਾ ਹੋਇਆ। ਦੋਹਾਂ ਸੈਟੇਲਾਈਟਾਂ ਨੂੰ ਧਰਤੀ ਦੇ ਹੇਠਲੇ ਪੰਧ 'ਚ ਸਥਾਪਤ ਕਰ ਦਿੱਤਾ ਗਿਆ। POEM ਵੀ ਇਨ੍ਹਾਂ ਦੋਵਾਂ ਸੈਟੇਲਾਈਟਾਂ ਨਾਲ ਉਡਾਣ ਭਰੇਗਾ। POEM ਸਪੇਸ ਦੇ ਖਲਾਅ ਵਿੱਚ ਕੁਝ ਟੈਸਟ ਕਰੇਗਾ। ਪੀਐਸਐਲਵੀ ਦੀ ਇਹ 57ਵੀਂ ਉਡਾਣ ਸੀ।
ਇਹ ਵੀ ਪੜ੍ਹੋ: 'ਆਪ' ਆਗੂ ਯੁਵਰਾਜ ਸਿੰਘ ਜਡੇਜਾ ਨੂੰ ਗੁਜਰਾਤ ਪੁਲਿਸ ਨੇ ਕੀਤਾ ਗ੍ਰਿਫ਼ਤਾਰ
ਤੁਹਾਨੂੰ ਦੱਸ ਦਈਏ, ਇਸ ਮਿਸ਼ਨ ਨੂੰ TeleOS-2 ਮਿਸ਼ਨ ਦਾ ਨਾਮ ਦਿੱਤਾ ਗਿਆ ਹੈ। ਇਸ ਲਾਂਚ ਦੇ ਨਾਲ, ਆਰਬਿਟ ਵਿੱਚ ਭੇਜੇ ਗਏ ਵਿਦੇਸ਼ੀ ਉਪਗ੍ਰਹਿਆਂ ਦੀ ਕੁੱਲ ਗਿਣਤੀ 424 ਹੋ ਗਈ ਹੈ।
POEM ਕੀ ਹੈ?
POEM ਦਾ ਪੂਰਾ ਰੂਪ PSLV ਔਰਬਿਟਲ ਪ੍ਰਯੋਗਾਤਮਕ ਮੋਡੀਊਲ ਹੈ। PSLV ਇੱਕ ਚਾਰ ਪੜਾਅ ਵਾਲਾ ਰਾਕੇਟ ਹੈ। ਇਸ ਦੀਆਂ ਤਿੰਨ ਅਵਸਥਾਵਾਂ ਸਮੁੰਦਰ ਵਿੱਚ ਪੈਂਦੀਆਂ ਹਨ। ਆਖਰੀ ਯਾਨੀ ਚੌਥਾ ਪੜਾਅ, ਜਿਸ ਨੂੰ PS4 ਵੀ ਕਿਹਾ ਜਾਂਦਾ ਹੈ, ਉਪਗ੍ਰਹਿ ਨੂੰ ਇਸ ਦੇ ਆਰਬਿਟ 'ਤੇ ਪਹੁੰਚਾਉਣ ਤੋਂ ਬਾਅਦ, ਪੁਲਾੜ ਦਾ ਕੂੜਾ ਰਹਿ ਜਾਂਦਾ ਹੈ। ਹੁਣ ਇਸ ਦੇ ਸਿਖਰ 'ਤੇ ਪ੍ਰਯੋਗ ਕਰਨ ਲਈ POEM ਦੀ ਵਰਤੋਂ ਕੀਤੀ ਜਾਵੇਗੀ। ਅਜਿਹਾ ਚੌਥੀ ਵਾਰ ਕੀਤਾ ਜਾ ਰਿਹਾ ਹੈ।
Lumilite-4 ਕੀ ਹੈ
ਸਿੰਗਾਪੁਰ ਯੂਨੀਵਰਸਿਟੀ ਦੇ ਸੈਟੇਲਾਈਟ ਤਕਨਾਲੋਜੀ ਅਤੇ ਖੋਜ ਕੇਂਦਰ ਨਾਲ ਸਾਂਝੇਦਾਰੀ ਵਿੱਚ ਬਣਾਇਆ ਗਿਆ। ਇਸ ਦਾ ਉਦੇਸ਼ ਸਿੰਗਾਪੁਰ ਦੀ ਈ-ਨੇਵੀਗੇਸ਼ਨ ਸਮੁੰਦਰੀ ਸੁਰੱਖਿਆ ਨੂੰ ਵਧਾਉਣਾ ਅਤੇ ਗਲੋਬਲ ਸ਼ਿਪਿੰਗ ਭਾਈਚਾਰੇ ਨੂੰ ਲਾਭ ਪਹੁੰਚਾਉਣਾ ਹੈ। ਇਹ 16 ਕਿਲੋਗ੍ਰਾਮ ਦਾ ਹੈ।
TeleOS-2 ਕੀ ਹੈ
ਇਹ ਇੱਕ ਟੈਲੀ ਕਮਿਊਨੀਕੇਸ਼ਨ ਸੈਟੇਲਾਈਟ ਹੈ। ਸਿੰਗਾਪੁਰ ਸਰਕਾਰ ਨੇ ਉੱਥੇ ਇੰਜੀਨੀਅਰਿੰਗ ਦੇ ਵਿਦਿਆਰਥੀਆਂ ਦੀ ਮਦਦ ਨਾਲ ਤਿਆਰ ਕੀਤਾ। ਇਸ ਦਾ ਭਾਰ 741 ਕਿਲੋਗ੍ਰਾਮ ਹੈ। ਦੱਸਣਯੋਗ ਹੈ ਕਿ ਇਹ ਆਪਦਾ ਪ੍ਰਬੰਧਨ ਨਾਲ ਜੁੜੀ ਜਾਣਕਾਰੀ ਦੇਵੇਗਾ।
