ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਚ ਟ੍ਰੈਫਿ਼ਕ ਜਾਮ ਦੀ ਸਮੱਸਿਆ ਦਿਨੋ ਦਿਨ ਗੰਭੀਰ ਹੁੰਦੀ ਜਾ ਰਹੀ ਹੈ। ਮੰਗਲਵਾਰ ਨੂੰ ਕੇਂਦਰੀ ਅਵਾਸ ਅਤੇ ਸ਼ਹਿਰੀ ....
ਨਵੀਂ ਦਿੱਲੀ : ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਚ ਟ੍ਰੈਫਿ਼ਕ ਜਾਮ ਦੀ ਸਮੱਸਿਆ ਦਿਨੋ ਦਿਨ ਗੰਭੀਰ ਹੁੰਦੀ ਜਾ ਰਹੀ ਹੈ। ਮੰਗਲਵਾਰ ਨੂੰ ਕੇਂਦਰੀ ਅਵਾਸ ਅਤੇ ਸ਼ਹਿਰੀ ਵਿਕਾਸ ਮੰਤਰੀ ਹਰਦੀਪ ਸਿੰਘ ਪੁਰੀ ਖ਼ੁਦ ਟ੍ਰੈਫਿ਼ਕ ਜਾਮ ਵਿਚ ਫਸ ਗਏ। ਹਾਲਾਂਕਿ ਲੱਖਾਂ ਦਿੱਲੀ ਵਾਲਿਆਂ ਵਾਂਗ ਪੁਰੀ ਦੇ ਲਈ ਵੀ ਇਸ ਸੰਕਟ ਤੋਂ ਨਿਜ਼ਾਤ ਦਿਵਾਉਣ ਵਿਚ ਮੈਟਰੋ ਰੇਲ ਸਹਾਇਕ ਬਣੀ।
ਹਰਦੀਪ ਪੁਰੀ ਮੰਗਲਵਾਰ ਨੂੰ ਆਈਜੀਆਈ ਏਅਰਪੋਰਟ ਦੇ ਰਸਤੇ 'ਤੇ ਸਨ ਤਾਂ ਉਹ ਧੌਲਾ ਖੂਹ ਦੇ ਕੋਲ ਟ੍ਰੈਫਿ਼ਕ ਜਾਮ ਵਿਚ ਫਸ ਗਏ। ਉਨ੍ਹਾਂ ਟਵੀਟ ਕੀਤਾ ''ਭਾਰੀ ਟ੍ਰੈਫਿ਼ਕ ਜਾਮ ਵਿਚ ਫਸਣ ਤੋਂ ਬਾਅਦ ਮੇਰੇ ਕੋਲ ਫਲਾਈਟ ਛੱਡਣ ਜਾਂ ਮੈਟਰੋ ਦੀ ਸਵਾਰੀ ਕਰਨ ਦਾ ਹੀ ਬਦਲ ਬਚਿਆ ਸੀ ਅਤੇ ਮੈਂ ਦੂਜੇ ਬਦਲ ਨੂੰ ਚੁਣਿਆ।'' ਮੈਟਰੋ ਵਿਚ ਸਫ਼ਰ ਕਰਦੇ ਹੋਏ ਅਪਣੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕਰਦੇ ਹੋਏ ਹਰਦੀਪ ਸਿੰਘ ਪੁਰੀ ਨੇ ਏਅਰਪੋਰਟ ਮੈਟਰੋ ਨੂੰ ਸਭ ਤੋਂ ਸਾਫ਼, ਸੁਰੱਖਿਅਤ ਅਤੇ ਆਵਾਜਾਈ ਦਾ ਵਧੀਆ ਸਾਧਨ ਦਸਿਆ। ਉਨ੍ਹਾਂ ਕਿਹਾ ਕਿ ਸਾਡੇ ਕੋਲ ਸਹੀ ਮਾਇਨੇ ਵਿਚ ਮੈਟਰੋ ਦੇ ਰੂਪ ਵਿਚ ਭਰੋਸੇਯੋਗ ਪੂੰਜੀ ਹੈ।
ਜ਼ਿਕਰਯੋਗ ਹੈ ਕਿ ਹਰਦੀਪ ਪੁਰੀ ਲਗਾਤਾਰ ਇਸ ਗੱਲ ਦੀ ਵਕਾਲਤ ਕਰਦੇ ਰਹੇ ਹਨ ਕਿ ਦਿੱਲੀ ਵਿਚ ਟ੍ਰੈ਼ਫਿ਼ਕ ਜਾਮ ਦੀ ਗੰਭੀਰ ਹੁੰਦੀ ਸਮੱਸਿਆ ਦਾ ਇਕੋ ਇਕ ਹੱਲ ਜਨਤਕ ਵਾਹਨ ਹੈ। ਦਿੱਲੀ ਸਰਕਾਰ ਵਲੋਂ ਲੋੜੀਂਦੀ ਗਿਣਤੀ ਵਿਚ ਬੱਸਾਂ ਦੀ ਖ਼ਰੀਦ ਨਾ ਕਰਨ ਦਾ ਹਵਾਲਾ ਦਿੰਦੇ ਹੋਏ ਉਹ ਦਿੱਲੀ ਮੈਟਰੋ ਨੂੰ ਜਨਤਕ ਆਵਾਜਾਈ ਦਾ ਸਭ ਤੋਂ ਵਧੀਆ ਸਾਧਨ ਮੰਨਦੇ ਹਨ।