Operation Sindhu - 290 more citizens return to India from Iran
ਹੁਣ ਤਕ 1,117 ਭਾਰਤੀ ਪਰਤੇ ਦੇਸ਼
ਈਰਾਨ-ਇਜ਼ਰਾਈਲ ਟਕਰਾਅ ਦੇ ਵਿਚਕਾਰ ਆਪ੍ਰੇਸ਼ਨ ਸਿੰਧੂ ਦੇ ਤਹਿਤ ਕੁੱਲ 1,117 ਭਾਰਤੀਆਂ ਨੂੰ ਕੱਢਿਆ ਗਿਆ ਹੈ। ਮਸ਼ਹਦ ਤੋਂ ਇਕ ਹੋਰ ਜਹਾਜ਼ ਸ਼ਨੀਵਾਰ ਰਾਤ 11:30 ਵਜੇ 290 ਨਾਗਰਿਕਾਂ ਨੂੰ ਲੈ ਕੇ ਨਵੀਂ ਦਿੱਲੀ ਪਹੁੰਚਿਆ। ਇਸ ਤੋਂ ਪਹਿਲਾਂ, 310 ਨਾਗਰਿਕਾਂ ਦਾ ਇਕ ਸਮੂਹ ਸ਼ਾਮ 4.30 ਵਜੇ ਰਾਜਧਾਨੀ ਪਹੁੰਚਿਆ। ਦੂਜੇ ਪਾਸੇ, 20 ਜੂਨ ਨੂੰ ਦੋ ਬੈਚਾਂ ਵਿਚ 407 ਭਾਰਤੀ ਵਾਪਸ ਆਏ। ਰਾਤ 10:30 ਵਜੇ ਦੀ ਉਡਾਣ ਵਿਚ 190 ਕਸ਼ਮੀਰੀ ਵਿਦਿਆਰਥੀਆਂ ਸਮੇਤ 290 ਲੋਕ ਵਾਪਸ ਆਏ।
ਇਨ੍ਹਾਂ ਵਿਚ ਦਿੱਲੀ, ਹਰਿਆਣਾ, ਕਰਨਾਟਕ ਅਤੇ ਪੱਛਮੀ ਬੰਗਾਲ ਦੇ ਲੋਕ ਵੀ ਸ਼ਾਮਲ ਸਨ। ਸਵੇਰੇ 3 ਵਜੇ ਦੀ ਉਡਾਣ ਵਿਚ 117 ਲੋਕ ਸਨ। 19 ਜੂਨ ਨੂੰ, 110 ਵਿਦਿਆਰਥੀ ਅਰਮੇਨੀਆ ਅਤੇ ਦੋਹਾ ਹੁੰਦੇ ਹੋਏ ਭਾਰਤ ਪਹੁੰਚੇ। ਈਰਾਨ ਤੋਂ ਦਿੱਲੀ ਪਹੁੰਚੇ ਇਨ੍ਹਾਂ ਯਾਤਰੀਆਂ ਨੇ ਹਵਾਈ ਅੱਡੇ ’ਤੇ ’ਵੰਦੇ ਮਾਤਰਮ’ ਅਤੇ ‘ਭਾਰਤ ਮਾਤਾ ਕੀ ਜੈ’ ਦੇ ਨਾਹਰੇ ਲਗਾਏ। ਕੁਝ ਲੋਕ ਭਾਵੁਕ ਵੀ ਹੋ ਗਏ। ਅੱਖਾਂ ਵਿਚ ਹੰਝੂ ਆ ਗਏ।
