ਨਵਾਂ ਮੋਟਰ ਵਹੀਕਲ ਐਕਟ ਲਾਗੂ ਹੋਣ ਤੋਂ ਬਾਅਦ ਹਰ ਚਾਲਕ ਹੁਣ ਇਹੀ ਸੋਚ ਰਿਹਾ ਹੈ ਕਿ ਕਿਤੇ ਉਸ ਦਾ ਚਲਾਨ ਨਾ ਕੱਟਿਆ ਜਾਵੇ।
ਚੰਡੀਗੜ੍ਹ: ਨਵਾਂ ਮੋਟਰ ਵਹੀਕਲ ਐਕਟ ਲਾਗੂ ਹੋਣ ਤੋਂ ਬਾਅਦ ਹਰ ਚਾਲਕ ਹੁਣ ਇਹੀ ਸੋਚ ਰਿਹਾ ਹੈ ਕਿ ਕਿਤੇ ਉਸ ਦਾ ਚਲਾਨ ਨਾ ਕੱਟਿਆ ਜਾਵੇ। ਇਸ ਦੌਰਾਨ ਹੀ ਚੰਡੀਗੜ੍ਹ ਵਿਚ ਇਕ ਬਹੁਤ ਹੀ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਚੰਡੀਗੜ੍ਹ ਦੇ ਸੈਕਟਰ 39 ਦੇ ਰਹਿਣ ਵਾਲੇ 21 ਸਾਲਾ ਸੰਜੀਵ ਅਪਣਾ ਚਲਾਨ ਕਟਵਾਉਣ ਕੋਰਟ ਪਹੁੰਚੇ। ਬੀਤੀ 26 ਜੁਲਾਈ ਨੂੰ ਉਹਨਾਂ ਦਾ ਯੂ-ਟਰਨ ਦਾ ਚਲਾਨ ਕੱਟਿਆ ਸੀ। ਇਹ ਚਲਾਨ 300 ਰੁਪਏ ਦਾ ਸੀ।
Challans Of Vehicles
ਇਸ ਨੂੰ ਭਰਨ ਜਦੋਂ ਉਹ ਜ਼ਿਲ੍ਹਾ ਅਦਾਲਤ ਗਏ ਤਾਂ ਕਰਮਚਾਰੀਆਂ ਤੋਂ ਪਤਾ ਚੱਲਿਆ ਕਿ ਰਿਕਾਰਡ ਮੁਤਾਬਕ ਉਹਨਾਂ ਦੇ ਪਹਿਲਾਂ ਤੋਂ ਹੀ 189 ਚਲਾਨ ਲੰਬਿਤ ਹਨ। ਇਹ ਸਾਰੇ ਚਵਾਨ ਸਾਲ 2017 ਤੋਂ ਲੈ ਕੇ ਜੁਲਾਈ 2019 ਤੱਕ ਦੇ ਹਨ। ਇਹ ਸਾਰੇ ਚਲਾਨ ਟ੍ਰੈਫਿਕ ਨਿਯਮਾਂ ਦੀ ਵੱਖ-ਵੱਖ ਤਰ੍ਹਾਂ ਦੀ ਕੀਤੀ ਗਈ ਉਲੰਘਣਾ ਲਈ ਸਨ। ਹਰੇਕ ਉਲੰਘਣਾ ਸੜਕਾਂ ‘ਤੇ ਲੱਗੇ ਸੀਸੀਟੀਵੀ ਵਿਚ ਕੈਦ ਹੋ ਗਈ ਅਤੇ ਟ੍ਰੈਫਿਕ ਵਾਇਓਲੇਸ਼ਨ ਇੰਨਫਾਰਮੇਸ਼ਨ ਸਲਿੱਪ (ਟੀਵੀਆਈਐਸ) ਦੇ ਜ਼ਰੀਏ ਇਹ ਚਲਾਨ ਕੱਟਦੇ ਰਹੇ। ਸੰਜੀਵ ਦਾ ਕਹਿਣਾ ਹੈ ਕਿ ਉਹ ਇਕ ਬੀਮਾ ਕੰਪਨੀ ਵਿਚ ਕੰਮ ਕਰਦੇ ਹਨ। ਨਵੇਂ ਨਿਯਮ ਲਾਗੂ ਹੋਣ ਤੋਂ ਬਾਅਦ ਉਹ ਬਹੁਤ ਧਿਆਨ ਨਾਲ ਮੋਟਰ ਸਾਇਕਲ ਚਲਾਉਂਦੇ ਹਨ, ਪਰ ਸਾਰੇ ਇਸ ਗੱਲ ਤੋਂ ਹੈਰਾਨ ਹਰ ਕਿ ਉਹਨਾਂ ਦੇ ਇੰਨੇ ਚਲਾਨ ਲੰਬਿਤ ਹਨ।
Chandigarh biker finds 189 challans pending against him
ਇਸ ਬਾਰੇ ਐਸਐਸਪੀ ਟ੍ਰੈਫਿਕ ਪੁਲਿਸ ਸ਼ਸ਼ਾਂਕ ਅਨੰਦ ਨੇ ਦੱਸਿਆ ਕਿ ਆਨ ਲਾਈਨ ਚਲਾਨ ਕੱਟਣ ਦੀ ਸਹੂਲਤ ਸਾਲ 2018 ਤੋਂ ਲਾਗੂ ਕੀਤੀ ਗਈ ਸੀ ਜਦਕਿ ਸੰਜੀਵ ਦੇ ਚਲਾਨ ਸਾਲ 2017 ਤੋਂ ਲੰਬਿਤ ਦੱਸੇ ਜਾ ਰਹੇ ਹਨ। ਇਹ ਤਕਨੀਕੀ ਖ਼ਰਾਬੀ ਕਾਰਨ ਹੋ ਰਿਹਾ ਹੈ। ਉਹਨਾਂ ਕਿਹਾ ਕਿ ਇਸ ਨੂੰ ਜਲਦ ਹੀ ਠੀਕ ਕਰ ਦਿੱਤਾ ਜਾਵੇਗਾ। ਟੀਵੀਆਈਐਸ ਦੇ ਜ਼ਰੀਏ ਚਲਾਨ ਕੱਟਦਾ ਹੈ ਤਾਂ ਉਸ ਦਾ ਮੈਸਜ ਰਜਿਸਟਰਡ ਮੋਬਾਈਲ ‘ਤੇ ਭੇਜ ਦਿੱਤਾ ਜਾਂਦਾ ਹੈ। ਜੇਕਰ ਫਿਰ ਵੀ ਉਸ ਵਿਅਕਤੀ ਨੂੰ ਪਤਾ ਨਹੀਂ ਚੱਲਦਾ ਤਾਂ ਉਸ ਨੂੰ ਨੋਟਿਸ ਭੇਜ ਦਿੱਤਾ ਜਾਂਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
