Harminder Singh
ਕਿਸਾਨੀ ਸੰਘਰਸ਼ ਦੌਰਾਨ ਕਈ ਕਿਸਾਨਾਂ ਨੇ ਗਵਾਈ ਜਾਨ
ਨਵੀਂ ਦਿੱਲ਼ੀ: ਕਿਸਾਨੀ ਸੰਘਰਸ਼ ਦੌਰਾਨ ਅੱਜ ਬਹੁਤ ਹੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਦਿੱਲੀ ਦੇ ਟਿਕਰੀ ਬਾਰਡਰ ‘ਤੇ ਜਾਰੀ ਕਿਸਾਨ ਮੋਰਚੇ ਤੋਂ ਵਾਪਸ ਆ ਰਹੇ ਕਿਸਾਨ ਦੀ ਸੜਕ ਹਾਦਸੇ ਵਿਚ ਮੌਤ ਹੋ ਗਈ।
Harminder SIngh
ਦਰਅਸਲ ਦੇਰ ਰਾਤ 31 ਸਾਲਾ ਕਿਸਾਨ ਹਰਮਿੰਦਰ ਸਿੰਘ ਦਿੱਲੀ ਕਿਸਾਨ ਮੋਰਚਾ ਤੋਂ ਅਪਣੇ ਪਿੰਡ ਜਾਂਗਪੁਰ ਨਜ਼ਦੀਕ ਮੁੱਲਾਪੁਰ ਦਾਖਾਂ ਵਾਪਸ ਆ ਰਿਹਾ ਸੀ। ਇਸ਼ ਦੌਰਾਨ ਧਨੌਲਾ ਨੇੜੇ ਸੜਕ ਹਾਦਸਾ ਹੋਣ ਕਾਰਨ ਉਹਨਾਂ ਦੀ ਮੌਤ ਹੋ ਗਈ। ਮ੍ਰਿਤਕ ਕਿਸਾਨ ਦਾ ਅੰਤਿਮ ਸੰਸਕਾਰ ਉਹਨਾਂ ਦੇ ਜੱਦੀ ਪਿੰਡ ਜਾਂਗਪੁਰ ਵਿਚ ਕੀਤਾ ਜਾਵੇਗਾ।
Farmer protest
ਜ਼ਿਕਰਯੋਗ ਹੈ ਕਿ ਬੀਤੇ 4 ਹਫ਼ਤਿਆਂ ਤੋਂ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਦੇ ਕਿਸਾਨ ਦਿੱਲੀ ਦੀਆਂ ਸਰਹੱਦਾਂ 'ਤੇ ਡਟੇ ਹੋੋਏ ਹਨ। ਇਸ ਦੌਰਾਨ ਠੰਢ ਵਿਚ ਕਾਫੀ ਵਾਧਾ ਹੋ ਰਿਹਾ ਹੈ। ਹੱਡਚੀਰਵੀਂ ਠੰਢ ਦੇ ਚਲਦਿਆਂ ਕਈ ਕਿਸਾਨਾਂ ਦੀ ਮੌਤ ਹੋ ਚੁੱਕੀ ਹੈ।
