ਮੰਨਿਆ ਜਾ ਰਿਹਾ ਹੈ ਕਿ ਦਿੱਲੀ ਭਾਜਪਾ ਪ੍ਰਧਾਨ...
ਨਵੀਂ ਦਿੱਲੀ: ਦਿੱਲੀ ਚੋਣਾਂ ਵਿਚ ਸਾਰੀਆਂ ਪਾਰਟੀਆਂ ਅਪਣੇ-ਅਪਣੇ ਤਰੀਕੇ ਨਾਲ ਰਿਝਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। ਹੁਣ ਆਮ ਆਦਮੀ ਪਾਰਟੀ ਨੇ ਦਿੱਲੀ ਚੋਣਾਂ ਲਈ ਇਕ ਗਾਣਾ ਰਿਲੀਜ਼ ਕੀਤਾ ਹੈ। ਇਹ ਗੀਤ ਭੋਜਪੁਰੀ ਭਾਸ਼ਾ ਵਿਚ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਦਿੱਲੀ ਭਾਜਪਾ ਪ੍ਰਧਾਨ ਮਨੋਜ ਤਿਵਾਰੀ ਦਾ ਮਜ਼ਾਕ ਉਡਾਉਣ ਤੋਂ ਬਾਅਦ ਵੋਟਰਾਂ ਨੂੰ ਰਿਝਾਉਣ ਲਈ ਇਹ ਗੀਤ ਰਿਲੀਜ਼ ਕੀਤਾ ਹੈ।
Arvind Kejriwal
ਇਸ ਗੀਤ ਦਾ ਟਾਈਟਲ ਹੈ, ਝਾਂਸੇ ਵਿਚ ਨਹੀਂ ਆਵਾਂਗੇ, ਝਾੜੂ ਤੇ ਬਟਨ ਦਬਾਵਾਂਗੇ, 8 ਫਰਵਰੀ ਨੂੰ ਠੀਕ ਹੈ। ਇਹ ਗਾਣਾ ਹੁਣ ਸੋਸ਼ਲ ਮੀਡੀਆ ਤੇ ਜਮ ਕੇ ਵਾਇਰਲ ਹੋ ਰਿਹਾ ਹੈ। ਭੋਜਪੁਰੀ ਭਾਸ਼ਾ ਦਾ ਇਹ ਗਾਣਾ ਭੋਜਪੁਰੀ ਗਾਇਕਾ ਅੰਤਰਾ ਸਿੰਘ ਪ੍ਰਿਅੰਕਾ ਨੇ ਗਾਇਆ ਹੈ। ਆਮ ਆਦਮੀ ਪਾਰਟੀ ਦੇ ਸੰਸਦ ਮੈਂਬਰ ਸੰਜੈ ਸਿੰਘ ਨੇ ਖੁਦ ਟਵਿਟਰ ਤੇ ਇਸ ਗੀਤ ਨੂੰ ਸਾਂਝਾ ਕੀਤਾ ਹੈ।
Arvind Kejriwal and Manoj Tiwari
ਅਜਿਹਾ ਕਿਹਾ ਜਾ ਰਿਹਾ ਹੈ ਕਿ ਆਮ ਆਦਮੀ ਪਾਰਟੀ ਨੇ ਡੈਮੇਜ ਕੰਟਰੋਲ ਕਰਨ ਲਈ ਭੋਜਪੁਰੀ ਦਾ ਇਹ ਗੀਤ ਚੋਣਾਂ ਵਿਚ ਲਾਂਚ ਕੀਤਾ ਹੈ ਕਿਉਂ ਕਿ ਕੁੱਝ ਦਿਨ ਪਹਿਲਾਂ ਆਮ ਆਦਮੀ ਪਾਰਟੀ ਨੇ ਮਨੋਜ ਤਿਵਾਰੀ ਦੇ ਗਾਣਿਆਂ ਦੇ ਸੀਨ ਚੁੱਕ ਕੇ ਇਕ ਵੀਡੀਉ ਬਣਾ ਕੇ ਮਜ਼ਾਕ ਉਡਾਇਆ ਸੀ।
भोजपुरी की गायिका अंतरा सिंह प्रियंका का शानदार गीत “झाँसे में नही आयेंगे झाड़ू पर बटन दबायेंगे 8 फ़रवरी को ठीक है” pic.twitter.com/OhLJaI7ZZ8
— Sanjay Singh AAP (@SanjayAzadSln) January 22, 2020
APP ਦੀ ਇਸ ਵੀਡੀਉ ਤੋਂ ਬਾਅਦ ਭਾਜਪਾ ਨੇ ਭੋਜਪੁਰੀ ਭਾਸ਼ਾ ਵਿਚ ਵੀਡੀਉ ਬਣਾ ਕੇ ਮਨੋਜ ਤਿਵਾਰੀ ਦਾ ਨਿਰਾਦਰ ਅਤੇ ਲੋਕਾਂ ਤੇ ਭੋਜਪੁਰੀ ਭਾਸ਼ਾ ਦਾ ਨਿਰਾਦਰ ਦਸਿਆ ਸੀ। ਦਿੱਲੀ ਵਿਧਾਨ ਸਭਾ ਚੋਣਾਂ ਵਿਚ ਪੂਰਵੰਚਲ ਦੇ ਨਿਵਾਸੀਆਂ ਦੀ ਭੂਮਿਕਾ ਅਹਿਮ ਹੈ।
Lage Raho Kejriwal...
— AAP (@AamAadmiParty) January 11, 2020
Releasing our campaign song for the upcoming Delhi elections.#LageRahoKejriwal pic.twitter.com/Sm0P21wsDW
ਇੱਥੇ ਲਗਭਗ 32 ਪ੍ਰਤੀਸ਼ਤ ਵੋਟਰ ਅਸਲ ਵਿੱਚ ਪੂਰਵਾਂਚਲ ਦੇ ਹਨ ਅਤੇ ਉਹ 70 ਵਿੱਚੋਂ 30 ਸੀਟਾਂ 'ਤੇ ਪ੍ਰਭਾਵਸ਼ਾਲੀ ਹਨ। 15 ਸੀਟਾਂ ਤੇ ਪੂਰਵੰਚਲ ਦੇ ਵੋਟਰ ਫੈਸਲਾਕੁੰਡ ਭੂਮਿਕਾ ਨਿਭਾਉਂਦੇ ਹਨ। ਆਮ ਆਦਮੀ ਪਾਰਟੀ ਨੇ ਦਿੱਲੀ ਦੀਆਂ 70 ਵਿਚੋਂ 15 ਸੀਟਾਂ ਤੇ ਪੂਰਵੰਚਲ ਤੋਂ ਆਉਣ ਵਾਲੇ ਉਮੀਦਵਾਰਾਂ ਨੂੰ ਉਤਾਰਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
