ਇਸ ਸਮਾਰੋਹ ਵਿਚ ਸਾਬਕਾ ਕੇਂਦਰੀ ਮੰਤਰੀ ਪੋਨ...
ਨਵੀਂ ਦਿੱਲੀ: ਡਰਾਉਣੇ ਚੰਦਨ ਤਸਕਰ ਵੀਰੱਪਨ ਦੀ ਬੇਟੀ ਵਿਦਿਆਰਾਣੀ ਭਾਜਪਾ ਵਿਚ ਸ਼ਾਮਲ ਹੋ ਗਈ ਹੈ। ਵੀਰੱਪਨ ਦੀਆਂ ਕਹਾਣੀਆਂ ਅੱਜ ਵੀ ਜੀਵਿਤ ਹਨ. ਉਹ ਹਾਥੀ ਨੂੰ ਸਿਰ ਦੇ ਵਿਚਕਾਰ ਗੋਲੀ ਮਾਰ ਕੇ ਉਸ ਨੂੰ ਢੇਰ ਕਰ ਦਿੰਦਾ ਸੀ। ਉਹ ਇੰਨਾ ਡਰਾਉਣਾ ਡਾਕੂ ਸੀ ਕਿ ਲੋਕਾਂ ਦੇ ਸਿਰ ਵੱਢ ਕੇ ਫੁੱਟਬਾਲ ਖੇਡਦਾ ਹੁੰਦਾ ਸੀ। ਇਹ ਕਿਹਾ ਜਾਂਦਾ ਹੈ ਕਿ ਵੀਰੱਪਨ ਨੇ ਪਹਿਲਾਂ ਉਸ ਅਧਿਕਾਰੀ ਦਾ ਸਿਰ ਕਲਮ ਕੀਤਾ, ਫਿਰ ਆਪਣੇ ਸਾਥੀ ਨਾਲ ਮਿਲ ਕੇ ਉਸ ਨਾਲ ਫੁੱਟਬਾਲ ਖੇਡਿਆ।
Photo
ਹਾਲਾਂਕਿ ਵੀਰੱਪਨ ਨੂੰ 18 ਅਕਤੂਬਰ 2004 ਨੂੰ ਮਾਰਿਆ ਗਿਆ ਸੀ ਪਰ ਉਸ ਦੀ ਧੀ ਵਿਦਿਆਰਾਣੀ ਹੁਣ ਪੇਸ਼ੇ ਅਨੁਸਾਰ ਇੱਕ ਵਕੀਲ ਹੈ। ਵਿਦਿਆਰਾਣੀ ਹੁਣ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਕੌਮੀ ਜਨਰਲ ਸਕੱਤਰ ਮੁਰਲੀਧਰ ਰਾਓ ਦੀ ਮੌਜੂਦਗੀ ਵਿਚ ਪਾਰਟੀ ਵਿਚ ਸ਼ਾਮਲ ਹੋ ਗਈ ਹੈ। ਇਸ ਦੌਰਾਨ ਹਜ਼ਾਰਾਂ ਸਮਰਥਕ ਵਿਦਿਆਰਾਣੀ ਦੇ ਨਾਲ ਭਾਜਪਾ ਵਿਚ ਵੀ ਸ਼ਾਮਲ ਹੋਏ।
Vidya rani joins bjp
ਦੱਸ ਦੇਈਏ ਕਿ ਕ੍ਰਿਸ਼ਨਨਗਰ ਵਿਚ ਸ਼ਨੀਵਾਰ ਨੂੰ ਇੱਕ ਭਾਜਪਾ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ ਸੀ। ਇਸ ਸਮਾਰੋਹ ਵਿਚ ਸਾਬਕਾ ਕੇਂਦਰੀ ਮੰਤਰੀ ਪੋਨ ਰਾਧਾਕ੍ਰਿਸ਼ਨਨ ਵੀ ਮੌਜੂਦ ਸਨ। ਰਾਓ ਤੋਂ ਪਾਰਟੀ ਪਛਾਣ ਪੱਤਰ ਮਿਲਣ ਤੋਂ ਬਾਅਦ ਵਿਦਿਆਰਾਣੀ ਨੇ ਕਿਹਾ ਕਿ ਉਹ ਜ਼ਰੂਰਤਮੰਦ ਲੋਕਾਂ ਲਈ ਕੰਮ ਕਰੇਗੀ। ਉਸ ਨੇ ਕਿਹਾ 'ਮੇਰੇ ਪਿਤਾ ਦੇ ਤਰੀਕੇ ਨਿਸ਼ਚਤ ਤੌਰ ਤੇ ਗ਼ਲਤ ਸਨ ਪਰ ਉਹ ਹਮੇਸ਼ਾ ਗਰੀਬਾਂ ਬਾਰੇ ਸੋਚਦਾ ਸੀ।
Kooj Munsiwami Veerappan
ਤਾਮਿਲਨਾਡੂ ਭਾਜਪਾ ਦੇ ਇੰਚਾਰਜ ਰਾਓ ਨੇ ਕਿਹਾ ਕਿ ਉਹ ਰਾਜਨੀਤੀ ਛੱਡ ਦੇਣਗੇ ਜੇ ਡੀਐਮਕੇ ਚੀਫ਼ ਐਮ ਕੇ ਸਟਾਲਿਨ ਸਾਬਤ ਕਰਦੇ ਹਨ ਕਿ ਸਿਟੀਜ਼ਨਸ਼ਿਪ ਸੋਧ ਕਾਨੂੰਨ (ਸੀਏਏ) ਭਾਰਤੀ ਮੁਸਲਮਾਨਾਂ ਦੇ ਵਿਰੁੱਧ ਹੈ।ਉਨ੍ਹਾਂ ਕਿਹਾ ਕਿ ਸਟਾਲਿਨ ਰਾਜ ਵਿਚ ਗਲਤ ਜਾਣਕਾਰੀ ਫੈਲਾ ਕੇ ਆਪਣੀ ਸਸਤੀ ਰਾਜਨੀਤੀ ਨੂੰ ਜਾਰੀ ਨਹੀਂ ਰੱਖ ਸਕਦੇ। ਦਸ ਦਈਏ ਕਿ ਭਾਰਤ ਦੇ ਮਸ਼ਹੂਰ ਡਾਕੂ ਵੀਰੱਪਨ ਦਾ ਪੂਰਾ ਨਾਂ ਕੂਜ ਮੁਨੀਸਵਾਮੀ ਵੀਰੱਪਨ ਸੀ।
Photo
ਚੰਦਨ ਦੀ ਤਸਕਰੀ ਤੋਂ ਇਲਾਵਾ ਉਹ ਹਾਥੀਦੰਦਾਂ ਦੀ ਤਸਕਰੀ, ਹਾਥੀਆਂ ਦੇ ਗੈਰ-ਕਾਨੂੰਨੀ ਸ਼ਿਕਾਰ, ਪੁਲਸ ਅਤੇ ਜੰਗਲਾਤ ਅਧਿਕਾਰੀਆਂ ਦੀ ਹੱਤਿਆ ਅਤੇ ਉਨ੍ਹਾਂ ਨੂੰ ਅਗਵਾ ਕਰਨ ਦੇ ਕਈ ਮਾਮਲਿਆਂ 'ਚ ਸ਼ਾਮਲ ਸੀ। ਕਿਹਾ ਜਾਂਦਾ ਹੈ ਕਿ ਸਰਕਾਰ ਨੇ ਉਸ ਨੂੰ ਫੜਨ ਲਈ ਕੁੱਲ 20 ਕਰੋੜ ਰੁਪਏ ਖਰਚ ਕੀਤੇ ਸਨ। 18 ਜਨਵਰੀ, 1952 ਨੂੰ ਗੋਪੀਨਾਥਮ ਨਾਂ ਦੇ ਪਿੰਡ 'ਚ ਇਕ ਚਰਵਾਹਾ ਪਰਿਵਾਰ 'ਚ ਜੰਮੇ ਵੀਰੱਪਨ ਨੇ ਭਾਰਤ ਸਰਕਾਰ ਦੀਆਂ ਨੀਦਾਂ ਹਰਾਮ ਕਰ ਕੇ ਰੱਖ ਦਿੱਤੀਆਂ ਸਨ।
18 ਸਾਲ ਦੀ ਉਮਰ 'ਚ ਉਹ ਇਕ ਗੈਰ-ਕਾਨੂੰਨੀ ਢੰਗ ਨਾਲ ਸ਼ਿਕਾਰ ਕਰਨ ਵਾਲੇ ਗਿਰੋਹ ਦਾ ਮੈਂਬਰ ਬਣ ਗਿਆ ਸੀ। ਅਗਲੇ ਕੁਝ ਸਾਲਾਂ ਤੱਕ ਉਸ ਨੇ ਆਪਣੇ ਵਿਰੋਧੀ ਗਿਰੋਹ ਦਾ ਖਾਤਮਾ ਕਰ ਕੇ ਪੂਰੇ ਜੰਗਲ ਦੇ ਕਾਰੋਬਾਰ ਨੂੰ ਆਪਣੇ ਹੱਥ 'ਚ ਲੈ ਲਿਆ ਸੀ। ਕਿਹਾ ਜਾਂਦਾ ਹੈ ਕਿ ਉਸ ਨੇ ਕਰੀਬ 2000 ਹਾਥੀਆਂ ਨੂੰ ਮਾਰਿਆ ਸੀ। ਉਸ ਦਾ 40 ਲੋਕਾਂ ਦਾ ਗਿਰੋਹ ਹੱਤਿਆਵਾਂ ਕਰਦਾ ਰਹਿੰਦਾ ਸੀ।
Photo
ਵੀਰੱਪਨ ਨੂੰ ਲੱਗਦਾ ਸੀ ਕਿ ਉਸ ਦੀ ਭੈਣ ਮਰੀ ਅਤੇ ਭਰਾ ਅਰਜੁਨਨ ਦੀ ਹੱਤਿਆ ਲਈ ਪੁਲਸ ਜ਼ਿੰਮੇਵਾਰ ਸੀ। ਇਸ ਲਈ ਉਸ ਦਾ ਗਿਰੋਹ ਆਮ ਤੌਰ 'ਤੇ ਪੁਲਸ ਮੁਲਾਜ਼ਮਾਂ ਅਤੇ ਜੰਗਲਾਤ ਅਧਿਕਾਰੀਆਂ ਨੂੰ ਅਗਵਾ ਕਰ ਕੇ ਉਨ੍ਹਾਂ ਦੀ ਹੱਤਿਆ ਕਰ ਦਿੰਦਾ ਸੀ। ਉਹ ਮਸ਼ਹੂਰ ਵਿਅਕਤੀਆਂ ਨੂੰ ਅਗਵਾ ਕਰ ਕੇ ਸਰਕਾਰ ਤੋਂ ਆਪਣੀਆਂ ਮੰਗਾਂ ਮੰਨਵਾਉਣ ਲਈ ਵੀ ਬਹੁਤ ਮਸ਼ਹੂਰ ਸੀ। 1987 'ਚ ਉਸ ਨੇ ਇਕ ਜੰਗਲਾਤ ਅਧਿਕਾਰੀ ਦੀ ਹੱਤਿਆ ਕਰ ਦਿੱਤੀ ਸੀ।
10 ਨਵੰਬਰ, 1991 ਨੂੰ ਉਸ ਨੇ ਇਕ ਆਈ. ਐੱਫ. ਐੱਸ. ਅਫਸਰ ਪੀ. ਸ਼੍ਰੀਨਿਵਾਸ ਨੂੰ ਆਪਣੇ ਜਾਲ 'ਚ ਫਸਾ ਕੇ ਉਸ ਦੀ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ ਸੀ।ਇਸ ਤੋਂ ਇਲਾਵਾ 14 ਅਗਸਤ,1992 ਨੂੰ ਮਿਨਅਨ ਕੋਲ ਉਸ ਨੇ ਹਰਿਕ੍ਰਿਸ਼ਨ (ਆਈ. ਪੀ. ਐੱਸ.) ਅਤੇ ਸ਼ਕੀਲ ਅਹਿਮਦ ਨਾਂ ਦੇ ਦੋ ਸੀਨੀਅਰ ਪੁਲਸ ਅਧਿਕਾਰੀਆਂ ਸਮੇਤ ਕਈ ਪੁਲਸ ਮੁਲਾਜ਼ਮਾਂ ਦੀ ਹੱਤਿਆ ਉਦੋਂ ਕਰ ਦਿੱਤੀ ਸੀ, ਜਦੋਂ ਉਹ ਛਾਪਾ ਮਾਰਨ ਲਈ ਜਾ ਰਹੇ ਸਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
