Advertisement
  ਖ਼ਬਰਾਂ   ਰਾਸ਼ਟਰੀ  23 Mar 2019  ਅੱਗ ਲੱਗਣ ਕਾਰਨ 25 ਏਕੜ ਕਮਾਦ ਸੁਆਹ

ਅੱਗ ਲੱਗਣ ਕਾਰਨ 25 ਏਕੜ ਕਮਾਦ ਸੁਆਹ

ਸਪੋਕਸਮੈਨ ਸਮਾਚਾਰ ਸੇਵਾ
Published Mar 23, 2019, 4:44 pm IST
Updated Mar 23, 2019, 4:44 pm IST
ਕਿਸਾਨਾਂ ਨੇ ਦੱਸਿਆ ਕਿ ਇਸ ਖੇਤਰ ਵਿਚ ਕਰੀਬ 100 ਏਕੜ ਤੋਂ ਵੱਧ ਦਾ ਗੰਨਾ ਖੜ੍ਹਾ ਸੀ।
25 acres sugarcane crop burnt
 25 acres sugarcane crop burnt

ਜਲੰਧਰ: ਪਿੰਡ ਡੱਲਾ ਗੋਰੀਆਂ ਦੇ ਰਕਬੇ ਵਿਚ ਅੱਜ ਸਵੇਰੇ ਗੰਨੇ ਦੇ ਖੇਤਾਂ ਨੂੰ ਅੱਗ ਲੱਗਣ ਕਾਰਨ ਕਿਸਾਨਾਂ ਦਾ ਭਾਰੀ ਨੁਕਸਾਨ ਹੋ ਗਿਆ। ਅੱਗ ਭਿਆਨਕ ਸੀ ਕਿ ਦੇਖਦੇ ਹੀ ਦੇਖਦੇ 25 ਏਕੜ ਗੰਨੇ ਦੀ ਖੜੀ ਫ਼ਸਲ ਸੜ ਕੇ ਸੁਆਹ ਹੋ ਗਈ। ਇਸ ਮੌਕੇ ਅੱਗ ਬੁਝਾਊ ਗੱਡੀਆਂ ਦੀ ਮਦਦ ਨਾਲ ਥਾਣਾ ਕਾਹਨੂੰਵਾਨ ਦੀ ਪੁਲਿਸ ਨੇ ਥਾਣਾ ਮੁਖੀ ਅਮਰਜੀਤ ਸਿੰਘ ਦੀ ਅਗਵਾਈ ਵਿਚ ਅੱਗ ਉੱਤੇ ਕਾਬੂ ਪਾਇਆ ਗਿਆ।

SSugar

ਪੀੜਤ ਕਿਸਾਨ ਰਾਮ ਕ੍ਰਿਸ਼ਨ ਵਾਸੀ ਸਿੰਬਲੀ ਵਾਸੀ ਨੇ ਦੱਸਿਆ ਕਿ ਅੱਜ ਕਰੀਬ 9 ਵਜੇ ਦੇ ਕਰੀਬ ਪਿੰਡ ਡੱਲਾ ਗੋਰੀਆਂ ਦੇ ਛੰਭ ਖੇਤਰ ਵਿਚ ਗੰਨੇ ਵਾਲੇ ਰਕਬੇ ਨੂੰ ਅੱਗ ਲਾਣ ਦੀ ਸੂਚਨਾ ਮਿਲੀ। ਜਦੋਂ ਉਹ ਮੌਕੇ ਉੱਤੇ ਪਹੁੰਚੇ ਤਾਂ 15 ਏਕੜ ਦੇ ਕਰੀਬ ਗੰਨਾ ਅੱਗ ਦੀ ਲਪੇਟ ਵਿਚ ਆ ਚੁੱਕਾ ਸੀ। ਕਰੀਬ 2 ਘੰਟੇ ਦੀ ਉਡੀਕ ਤੋਂ ਬਾਅਦ ਅੱਗ ਬੁਝਾਊ ਦਸਤੇ ਦੀਆਂ ਦੋ ਗੱਡੀਆਂ ਮੌਕੇ ਉੱਤੇ ਪਹੁੰਚੀਆਂ।

cSugar

ਇਸ ਦੌਰਾਨ ਥਾਣਾ ਕਾਹਨੂੰਵਾਨ ਦੇ ਮੁਖੀ ਅਮਰਜੀਤ ਸਿੰਘ ਦੀ ਅਗਵਾਈ ਵਿਚ ਅੱਗ ਉੱਤੇ ਕਾਬੂ ਪਾਉਣਾ ਸ਼ੁਰੂ ਕੀਤਾ ਗਿਆ। ਕਿਸਾਨਾਂ ਨੇ ਦੱਸਿਆ ਕਿ ਇਸ ਅੱਗ ਉੱਤੇ ਕਾਬੂ ਪਾਉਣ ਲਈ ਇਲਾਕੇ ਦੇ ਕਿਸਾਨਾਂ ਨੇ ਭਾਰੀ ਮੁਸ਼ੱਕਤ ਕੀਤੀ। ਕਿਸਾਨਾਂ ਨੇ ਦੱਸਿਆ ਕਿ ਇਸ ਖੇਤਰ ਵਿਚ ਕਰੀਬ 100 ਏਕੜ ਤੋਂ ਵੱਧ ਦਾ ਗੰਨਾ ਖੜ੍ਹਾ ਸੀ। ਪਰ ਕਿਸਾਨਾਂ ਨੇ ਪ੍ਰਸ਼ਾਸਨ ਨਾਲ ਮਿਲ ਕੇ ਕੀਤੀ ਭਾਰੀ ਜੱਦੋ ਜਹਿਦ ਅਤੇ ਹਵਾ ਦੇ ਬਦਲੇ ਰੁਖ ਕਾਰਨ ਗੰਨੇ ਦੀ ਫ਼ਸਲਾਂ ਦਾ ਨੁਕਸਾਨ 25 ਏਕੜ ਦੇ ਕਰੀਬ ਹੋਇਆ ਹੈ।

ਨੁਕਸਾਨੇ ਗਏ ਰਕਬੇ ਵਿਚ ਰਾਮ ਕ੍ਰਿਸ਼ਨ ਸਿੰਬਲੀ ਦਾ 6 ਏਕੜ, ਰਾਜ ਕੁਮਾਰ ਕਾਹਨੂੰਵਾਨ ਦਾ 2 ਏਕੜ, ਕਰਮ ਚੰਦ ਦਾ 2 ਏਕੜ, ਸੁਰਿੰਦਰਪਾਲ ਡੱਲਾ ਗੋਰੀਆ ਦਾ 2 ਏਕੜ, ਵਰਿੰਦਰ ਵਾਸੀ ਕਾਹਨੂੰਵਾਨ ਦਾ 4 ਏਕੜ ਤੋਂ ਇਲਾਵਾ ਕਈ ਹੋਰ ਅੱਧੀ ਦਰਜਨ ਦੇ ਕਰੀਬ ਕਿਸਾਨਾਂ ਦਾ ਰਕਬਾ ਸ਼ਾਮਲ ਸੀ।
ਇਸ ਮੌਕੇ ਕਿਸਾਨਾਂ ਨੇ ਮੰਗ ਕੀਤੀ ਕਿ ਉਨ੍ਹਾਂ ਦੇ ਨੁਕਸਾਨੇ ਗਏ ਗੰਨੇ ਲਈ ਤੁਰੰਤ ਡਿਮਾਂਡ ਪਰਚੀਆਂ ਜਾਰੀ ਕੀਤੀਆਂ ਜਾਣ ਤਾਂ ਜੋ ਗੰਨੇ ਦੇ ਹੋਏ ਨੁਕਸਾਨ ਦੀ ਭਰਪਾਈ ਕੁਝ ਹੱਦ ਤੱਕ ਹੋ ਸਕੇ। ਕਿਸਾਨਾਂ ਨੇ ਮੰਗ ਕੀਤੀ ਕਿ ਅੱਗ ਲਗਾਉਣ ਦੇ ਜ਼ਿੰਮੇਵਾਰ ਵਿਅਕਤੀਆਂ ਦੀ ਭਾਲ ਕਰ ਕੇ ਉਨ੍ਹਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ।

Advertisement
Advertisement

 

Advertisement
Advertisement