Air India Express flight returns to Delhi without landing in Jammu
ਕੁੱਝ ਸਮਾਂ ਜੰਮੂ ਹਵਾਈ ਅੱਡੇ 'ਤੇ ਘੁੰਮਦਾ ਰਿਹਾ ਜਹਾਜ਼
Air India Express flight returns to Delhi without landing in Jammu: ਦਿੱਲੀ ਤੋਂ ਸ਼੍ਰੀਨਗਰ ਜਾ ਰਹੀ ਏਅਰ ਇੰਡੀਆ ਐਕਸਪ੍ਰੈਸ ਦੀ ਇੱਕ ਉਡਾਣ ਸੋਮਵਾਰ ਦੁਪਹਿਰ ਨੂੰ ਜੰਮੂ ਹਵਾਈ ਅੱਡੇ 'ਤੇ ਉਤਰੇ ਬਿਨਾਂ ਦਿੱਲੀ ਵਾਪਸ ਪਰਤ ਆਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ।
ਹਾਲਾਂਕਿ, ਉਨ੍ਹਾਂ ਕਿਹਾ ਕਿ ਉਡਾਣ ਦੇ ਦਿੱਲੀ ਵਾਪਸ ਆਉਣ ਦਾ ਕਾਰਨ ਅਜੇ ਪਤਾ ਨਹੀਂ ਹੈ।
ਅਧਿਕਾਰੀਆਂ ਨੇ ਕਿਹਾ ਕਿ ਉਡਾਣ ਨੰਬਰ IX-2564 ਦੁਪਹਿਰ ਦੇ ਕਰੀਬ ਜੰਮੂ ਹਵਾਈ ਅੱਡੇ 'ਤੇ ਉਤਰਨਾ ਸੀ ਅਤੇ ਫਿਰ ਸ਼੍ਰੀਨਗਰ ਲਈ ਰਵਾਨਾ ਹੋਣਾ ਸੀ। ਪਰ ਜਹਾਜ਼ ਕੁਝ ਸਮੇਂ ਲਈ ਜੰਮੂ ਹਵਾਈ ਅੱਡੇ 'ਤੇ ਘੁੰਮਦਾ ਰਿਹਾ ਜਿਸ ਤੋਂ ਬਾਅਦ ਇਸਦੇ ਪਾਇਲਟ ਨੇ ਬਿਨਾਂ ਉਤਰੇ ਦਿੱਲੀ ਵਾਪਸ ਜਾਣ ਦਾ ਫ਼ੈਸਲਾ ਕੀਤਾ।
ਉਨ੍ਹਾਂ ਕਿਹਾ ਕਿ ਮੌਸਮ ਅਤੇ ਰਨਵੇ ਦੋਵੇਂ ਪੂਰੀ ਤਰ੍ਹਾਂ ਸਾਫ਼ ਸਨ, ਪਰ ਅਜਿਹਾ ਲਗਦਾ ਹੈ ਕਿ ਪਾਇਲਟ ਨੂੰ ਜਹਾਜ਼ ਨੂੰ ਉਤਾਰਨ ਲਈ ਢੁਕਵੀਂ ਜਗ੍ਹਾ ਨਹੀਂ ਮਿਲ ਸਕੀ, ਜਿਸ ਕਾਰਨ ਵਾਪਸ ਜਾਣ ਦਾ ਫ਼ੈਸਲਾ ਲਿਆ ਗਿਆ।
