ਫੜੇ ਗਏ ਅਫਗਾਨ ਡਰਾਈਵਰ ਨੂੰ ਬਚਾਉਣ ਪਾਕਿਸਤਾਨੀ-ਅਫ਼ਗਾਨਿਸਤਾਨ ਦੇ ਡਰਾਈਵਰਾਂ ਨੇ ਕੀਤੀ ਹੜਤਾਲ

By : GAGANDEEP

Published : Oct 23, 2022, 6:25 am IST
Updated : Oct 23, 2022, 8:39 am IST
SHARE ARTICLE
photo
photo

ਭਾਰਤ ਖਿਲਾਫ ਕੀਤਾ ਜਾ ਰਿਹਾ ਪ੍ਰਦਰਸ਼ਨ

 

ਅੰਮ੍ਰਿਤਸਰ: ਅਫਗਾਨਿਸਤਾਨ ਤੋਂ ਸੁੱਕੇ ਮੇਵੇ ਲੈ ਕੇ ਭਾਰਤ ਆਉਣ ਵਾਲੇ ਟਰੱਕਾਂ ਦੀਆਂ ਲੰਮੀਆਂ ਕਤਾਰਾਂ ਅਟਾਰੀ ਵਿੱਚ ਪਾਕਿਸਤਾਨ ਵੱਲ ਲੱਗੀਆਂ ਹੋਈਆਂ ਹਨ। ਇੱਥੇ ਪਾਕਿਸਤਾਨੀ-ਅਫ਼ਗਾਨਿਸਤਾਨ ਦੇ ਡਰਾਈਵਰਾਂ ਨੇ ਭਾਰਤ ਸਰਕਾਰ ਖ਼ਿਲਾਫ਼ ਨਾਅਰੇਬਾਜ਼ੀ ਕਰਦਿਆਂ ਹੜਤਾਲ ਸ਼ੁਰੂ ਕਰ ਦਿੱਤੀ ਹੈ। ਜਿਸ ਕਾਰਨ ਇਸ ਸਮੇਂ ਅਟਾਰੀ-ਵਾਹਗਾ ਸਰਹੱਦ 'ਤੇ ਭਾਰਤੀ ਵਪਾਰੀਆਂ ਦਾ ਕਰੋੜਾਂ ਰੁਪਏ ਦਾ ਸਾਮਾਨ ਫਸਿਆ ਹੋਇਆ ਹੈ। ਡਰਾਈਵਰਾਂ ਦੀ ਮੰਗ ਹੈ ਕਿ ਪਿਛਲੇ ਦਿਨੀਂ ਫੜੇ ਗਏ ਅਫਗਾਨ ਪਠਾਨ ਡਰਾਈਵਰ ਨੂੰ ਰਿਹਾਅ ਕੀਤਾ ਜਾਵੇ।

ਮਹੱਤਵਪੂਰਨ ਗੱਲ ਇਹ ਹੈ ਕਿ 3 ਅਕਤੂਬਰ 2022 ਨੂੰ, ਟਰੱਕ ਨੰਬਰ TKA 174, ਅਫਗਾਨਿਸਤਾਨ ਤੋਂ ਸਪਲਾਈ ਲੈ ਕੇ, ਪਾਕਿਸਤਾਨ ਦੇ ਰਸਤੇ ਏਕੀਕ੍ਰਿਤ ਚੈੱਕ ਪੋਸਟ (ICP) ਅਟਾਰੀ ਪਹੁੰਚਿਆ। ਜਦੋਂ ਬੀਐਸਐਫ ਨੇ ਟਰੱਕ ਦੀ ਜਾਂਚ ਕੀਤੀ ਤਾਂ ਉਸ ਵਿੱਚ ਚੁੰਬਕ ਦੀ ਮਦਦ ਨਾਲ ਇੱਕ ਪੈਕੇਟ ਚਿਪਕਾਇਆ ਹੋਇਆ ਸੀ। ਜਿਸ ਤੋਂ ਹੈਰੋਇਨ ਬਰਾਮਦ ਹੋਈ। ਜਿਸ ਤੋਂ ਬਾਅਦ ਅਫਗਾਨ ਡਰਾਈਵਰ ਪਠਾਨ ਅਬਦੁਲ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਉਦੋਂ ਤੋਂ ਹੀ ਇਸ ਅਫਗਾਨ ਡਰਾਈਵਰ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ। ਇਸ ਡਰਾਈਵਰ ਦੀ ਰਿਹਾਈ ਦੀ ਮੰਗ ਨੂੰ ਲੈ ਕੇ ਅਫਗਾਨ ਡਰਾਈਵਰਾਂ ਨੇ ਵਾਹਗਾ ਵੱਲ ਹੜਤਾਲ ਸ਼ੁਰੂ ਕਰ ਦਿੱਤੀ ਹੈ।

ਹੜਤਾਲ 'ਤੇ ਬੈਠੇ ਡਰਾਈਵਰਾਂ ਅਤੇ ਫੜੇ ਗਏ ਪਠਾਣ ਦੇ ਪਰਿਵਾਰ ਦਾ ਕਹਿਣਾ ਹੈ ਕਿ ਅਜਿਹਾ ਕੰਮ ਕਰਨਾ ਉਨ੍ਹਾਂ ਲਈ ਨਮਕ ਹਰਾਮ ਹੈ। ਕਿਸੇ ਪਾਕਿਸਤਾਨੀ ਸਮੱਗਲਰ ਨੇ ਇਹ ਖੇਪ ਸੜਕ ਤੋਂ ਲੰਘਦੇ ਸਮੇਂ ਜਾਂ ਕਿਤੇ ਖਾਣਾ ਲੈ ਕੇ ਟਰੱਕ ਨਾਲ ਚਿਪਕਾਇਆ ਹੋਵੇਗਾ। ਇਸ ਵਿੱਚ ਪਠਾਨ ਨੂੰ ਦੋਸ਼ੀ ਮੰਨ ਕੇ ਹਿਰਾਸਤ ਵਿੱਚ ਲੈਣਾ ਠੀਕ ਨਹੀਂ ਹੈ।

ਪਾਕਿਸਤਾਨ 'ਚ ਹੜਤਾਲ 'ਤੇ ਬੈਠੇ ਅਫਗਾਨ ਡਰਾਈਵਰਾਂ ਨੇ ਭਾਰਤ ਸਰਕਾਰ ਨੂੰ ਪਠਾਨ ਅਬਦੁਲ ਨੂੰ ਰਿਹਾਅ ਕਰਨ ਦੀ ਅਪੀਲ ਕੀਤੀ ਹੈ। ਉਹਨਾਂ ਦੱਸਿਆ ਹੈ ਕਿ ਅਫਗਾਨਿਸਤਾਨ 'ਚ ਅਬਦੁਲ ਦੀਆਂ 3 ਬੇਟੀਆਂ ਹਨ। ਉੱਥੇ ਉਸਦਾ ਪਰਿਵਾਰ ਉਸਦਾ ਇੰਤਜ਼ਾਰ ਕਰ ਰਿਹਾ ਹੈ। ਪਠਾਨ ਦੇ ਘਰ ਮੁਸ਼ਕਿਲ ਨਾਲ ਦੋ ਵਕਤ ਦਾ ਖਾਣਾ ਬਣਦਾ ਹੈ, ਉਸ ਤੋਂ ਬਿਨਾਂ ਪਰਿਵਾਰ ਬੇਸਹਾਰਾ ਹੋਵੇਗਾ।

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

ਕੁੜੀਆਂ ਨੂੰ ਛੇੜਨ ਵਾਲੇ ਜ਼ਰੂਰ ਵੇਖ ਲੈਣ ਇਹ ਵੀਡੀਓ ਪੁਲਿਸ ਨੇ ਗੰਜੇ, ਮੂੰਹ ਕਾਲਾ ਕਰ ਕੇ ਸਾਰੇ ਬਜ਼ਾਰ 'ਚ ਘੁਮਾਇਆ

29 Nov 2025 1:13 PM

'ਰਾਜਵੀਰ ਜਵੰਦਾ ਦਾ 'ਮਾਂ' ਗਾਣਾ ਸੁਣ ਕੇ ਇੰਝ ਲੱਗਦਾ ਜਿਵੇਂ ਉਸ ਨੂੰ ਅਣਹੋਣੀ ਦਾ ਪਤਾ ਸੀ'

28 Nov 2025 3:02 PM

ਦਿਲਰੋਜ਼ ਦੇ ਪਾਪਾ ਪਹੁੰਚੇ 13 ਸਾਲਾ ਕੁੜੀ ਦੀ ਅੰਤਮ ਅਰਦਾਸ 'ਚ

28 Nov 2025 3:01 PM

13 ਸਾਲਾ ਬੱਚੀ ਦੇ ਕਤਲ ਮਾਮਲੇ 'ਚ ਬੋਲੇ Jathedar Gargaj | Jalandhar Murder Case

27 Nov 2025 3:11 PM

13 ਸਾਲਾ ਕੁੜੀ ਦੇ ਕਾਤਲ ਕੋਲੋਂ ਹੁਣ ਤੁਰਿਆ ਵੀ ਨਹੀਂ ਜਾਂਦਾ, ਦੇਖੋ...

26 Nov 2025 1:59 PM
Advertisement