Delhi News : ‘ਓਡੀਸ਼ਾ ਪਰਵ’ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਕਲਿੰਗਾ ਜੰਗ ਸਾਨੂੰ ਸਿਖਾਉਂਦਾ ਹੈ ਕਿ ਤਰੱਕੀ ਲਈ ਸ਼ਾਂਤੀ ਜ਼ਰੂਰੀ ਹੈ
Delhi News : ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਨੇ ਕਿਹਾ ਹੈ ਕਿ ਕਲਿੰਗਾ ਜੰਗ ਦਾ ਇਤਿਹਾਸ ਦੁਨੀਆਂ ਨੂੰ ਸ਼ਾਂਤੀ ਦਾ ਰਸਤਾ ਵਿਖਾ ਸਕਦਾ ਹੈ ਕਿਉਂਕਿ ਦੁਨੀਆਂ ਦੇ ਕੁੱਝ ਹਿੱਸੇ ਸੰਘਰਸ਼ ਦਾ ਸਾਹਮਣਾ ਕਰ ਰਹੇ ਹਨ। ‘ਓਡੀਸ਼ਾ ਪਰਵ’ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਕਲਿੰਗਾ ਜੰਗ ਸਾਨੂੰ ਸਿਖਾਉਂਦਾ ਹੈ ਕਿ ਤਰੱਕੀ ਲਈ ਸ਼ਾਂਤੀ ਜ਼ਰੂਰੀ ਹੈ।
ਰਾਸ਼ਟਰਪਤੀ ਭਵਨ ਵਲੋਂ ਜਾਰੀ ਬਿਆਨ ਮੁਤਾਬਕ ਮੁਰਮੂ ਨੇ ਕਿਹਾ, ‘‘ਕਲਿੰਗ ਜੰਗ ਨੇ ਚੰਡਾਸ਼ੋਕ ਨੂੰ ਧਰਮਸ਼ੋਕ ਬਣਾ ਦਿਤਾ ਸੀ। ਇਹ ਜੰਗ ਸਾਨੂੰ ਸਿਖਾਉਂਦਾ ਹੈ ਕਿ ਤਰੱਕੀ ਲਈ ਸ਼ਾਂਤੀ ਜ਼ਰੂਰੀ ਹੈ। ਅੱਜ ਦੁਨੀਆਂ ਦੇ ਕੁੱਝ ਹਿੱਸਿਆਂ ਨੂੰ ਟਕਰਾਅ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਓਡੀਸ਼ਾ ਦੇ ਇਤਿਹਾਸ ਦਾ ਕਲਿੰਗਾ ਜੰਗ ਅਧਿਆਇ ਦੁਨੀਆਂ ਨੂੰ ਸ਼ਾਂਤੀ ਦਾ ਰਸਤਾ ਵਿਖਾ ਸਕਦਾ ਹੈ।’’
ਕਲਿੰਗਾ ਜੰਗ ਪ੍ਰਾਚੀਨ ਭਾਰਤ ’ਚ ਮੌਰੀਆ ਸਾਮਰਾਜ ਦੇ ਸਮਰਾਟ ਅਸ਼ੋਕ ਅਤੇ ਕਲਿੰਗਾ ਸਾਮਰਾਜ ਦੇ ਸ਼ਾਸਕ ਵਿਚਕਾਰ ਲੜੀ ਗਈ ਸੀ। ਇਤਿਹਾਸਕਾਰਾਂ ਦੇ ਅਨੁਸਾਰ, ਭਿਆਨਕ ਜੰਗ ’ਚ ਘੱਟੋ-ਘੱਟ 100,000 ਲੋਕ ਮਾਰੇ ਗਏ ਸਨ ਅਤੇ 150,000 ਕੈਦੀ ਬਣ ਗਏ ਸਨ। ਸਮਰਾਟ ਅਸ਼ੋਕ ਇਸ ਜੰਗ ਦੇ ਭਿਆਨਕ ਖੂਨ-ਖਰਾਬੇ ਤੋਂ ਬਹੁਤ ਦੁਖੀ ਹੋਇਆ ਅਤੇ ਬੁੱਧ ਧਰਮ ਅਪਣਾ ਲਿਆ। ਇਤਿਹਾਸਕਾਰਾਂ ਨੇ ਚੰਦਸ਼ੋਕ ਨੂੰ ‘ਜ਼ਾਲਮ ਅਸ਼ੋਕ’ ਕਿਹਾ ਹੈ, ਜਦਕਿ ‘ਧਰਮਸ਼ੋਕ’ ਨੂੰ ‘ਨਿਆਂ ਦਾ ਅਸ਼ੋਕ’ ਵੀ ਕਿਹਾ ਗਿਆ ਹੈ। (ਪੀਟੀਆਈ)
(For more news apart from history of the Kalinga war can show way of peace world struggling with conflicts : President Murmu News in Punjabi, stay tuned to Rozana Spokesman)
