ਉਤਰ ਪ੍ਰਦੇਸ਼ ਦੇ ਏਟਾ ਵਿਚ ਦੇਹਾਤੀ ਕੋਤਵਾਲੀ ਦੇ ਇੰਸਪੈਕਟਰ ਸਮੇਤ 2 ਕਾਂਸਟੇਬਲਾਂ ਨੂੰ ਏਡੀਜੀ...
ਲਖਨਊ: ਉਤਰ ਪ੍ਰਦੇਸ਼ ਦੇ ਏਟਾ ਵਿਚ ਦੇਹਾਤੀ ਕੋਤਵਾਲੀ ਦੇ ਇੰਸਪੈਕਟਰ ਸਮੇਤ 2 ਕਾਂਸਟੇਬਲਾਂ ਨੂੰ ਏਡੀਜੀ ਜੋਨ ਆਗਰਾ ਨੇ ਸਸਪੈਂਡ ਕਰ ਦਿੱਤਾ ਹੈ ਅਤੇ ਉਨ੍ਹਾਂ ਦੇ ਖਿਲਾਫ਼ ਮੁਕੱਦਮਾ ਦਰਜ ਕੀਤਾ ਹੈ। ਪੁਲਿਸ ਕਰਮਚਾਰੀਆਂ ਉਤੇ ਆਰੋਪ ਹੈ ਕਿ ਉਨ੍ਹਾਂਇ ਨੇ 4 ਫਰਵਰੀ ਨੂੰ ਪਹਿਲਾਂ ਢਾਬੇ ਉਤੇ ਖਾਣਾ ਖਾਇਆ ਅਤੇ ਜਦੋਂ ਢਾਬੇ ਵਾਲੇ ਨੇ ਪੈਸਾ ਮੰਗਿਆ ਤਾਂ ਉਨ੍ਹਾਂ ਨੇ ਢਾਬੇ ਦੇ ਕਰਮਚਾਰੀਆਂ ਨਾਲ ਬਦਤਮੀਜੀ ਕਰਦੇ ਹੋਏ ਪੈਸਾ ਦੇਣ ਤੋਂ ਮਨਾਂ ਕਰ ਦਿੱਤਾ।
Up Police
ਪੈਸੇ ਦੇਣ ਤੋਂ ਮਨਾਂ ਕਰਨ ਤੋਂ ਬਾਅਦ ਪੁਲਿਸ ਕਰਮਚਾਰੀਆਂ ਨੇ ਕਥਿਤ ਤੌਰ ‘ਤੇ ਫਰਜੀ ਐਨਕਾਉਂਟਰ ਦੀ ਫਰਜੀ ਕਹਾਣੀ ਬਣਾ ਕੇ ਢਾਬਾ ਮਾਲਕ ਸਮੇਤ 9 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁਲਿਸ ਕਰਮਚਾਰੀਆਂ ਨੇ ਉਨ੍ਹਾਂ ਵਿਅਕਤੀਆਂ ਨੂੰ ਵੀ ਲੁਟੇਰਾ ਦੱਸਦੇ ਹੋਏ ਗ੍ਰਿਫ਼ਤਾਰ ਕਰ ਲਿਆ। ਜਿਹੜੇ ਉਥੇ ਪਹਿਲਾਂ ਹੀ ਖਾਣਾ ਖਾ ਰਹੇ ਸਨ ਅਤੇ ਪੁਲਿਸ ਕਰਮਚਾਰੀਆਂ ਦੀ ਇਸ ਹਰਕਤ ਦਾ ਵਿਰੋਧ ਕੀਤਾ ਸੀ ਅਤੇ ਢਾਬੇ ਮਾਲਕ ਨੂੰ ਪੈਸਾ ਦੇਣ ਦੀ ਗੱਲ ਪੁਲਿਸ ਕਰਮਚਾਰੀਆਂ ਨੂੰ ਕਹਿ ਰਹੇ ਸਨ।
Up Police
ਏਟਾ ਦੇ ਤਿਹਾਤੀ ਕੋਤਵਾਲੀ ਦੇ ਪੁਲਿਸ ਕਰਮਚਾਰੀਆਂ ਨੇ ਇਨ੍ਹਾਂ ਸਾਰੇ ਵਿਅਕਤੀਆਂ ਉਤੇ ਨਾਜਾਇਜ਼ ਦੇਸੀ ਸ਼ਰਾਬ ਅਤੇ ਭੰਗ ਬਰਾਮਦ ਹੋਣ ਦਾ ਆਰੋਪ ਲਗਾ ਕੇ ਜੇਲ ਭੇਜ ਦਿੱਤਾ। ਇਸ ਗ੍ਰਿਫ਼ਤਾਰੀ ਨੂੰ ਲੈ ਕੇ ਇਕ ਪ੍ਰੈਸ ਨੋਟ ਵੀ ਜਾਰੀ ਕੀਤਾ ਗਿਆ ਸੀ, ਜਿਸ ਵਿਚ ਕਿਹਾ ਗਿਆ ਸੀ ਇਹ ਸਾਰੇ ਸ਼ਰਾਬ ਅਤੇ ਡਰੱਗਜ਼ ਦੀ ਤਸਕਰੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ ਅਤੇ ਰਾਤ ਸਮੇਂ ਮੁਠਭੇੜ ਤੋਂ ਬਾਅਦ ਗ੍ਰਿਫ਼ਤਾਰ ਕੀਤੇ ਗਏ। ਪੁਲਿਸ ਪ੍ਰੈਸ ਨੋਟ ਵਿਚ ਕਿਹਾ ਗਿਆ ਕਿ ਇਨ੍ਹਾਂ ਕੋਲੋਂ ਛੇ ਦੇਸੀ ਰਿਵਾਲਵਰ, 12 ਜਿੰਦਾ ਕਾਰਤੂਸ, ਦੋ ਕਿਲੋ ਗਾਂਜਾ ਅਤੇ 80 ਲੀਟਰ ਨਾਜਾਇਜ਼ ਸ਼ਰਾਬ ਬਰਾਮਦ ਕੀਤੀ ਹੈ।
Up Police
ਇਸਤੋਂ ਬਾਅਦ ਢਾਬਾ ਮਾਲਕ ਦੇ ਭਰਾ ਪ੍ਰਵੀਨ ਨੇ ਇਸਦੀ ਸ਼ਿਕਾਇਤ ਪੁਲਿਸ ਦੇ ਉਚ ਅਧਿਕਾਰੀਆਂ ਨੂੰ ਕੀਤੀ ਅਤੇ ਕਿਹਾ ਕਿ 4 ਫਰਵਰੀ ਨੂੰ ਦੁਪਿਹਰ 2 ਵਜੇ, ਕੁਝ ਪੁਲਿਸ ਕਰਮਚਾਰੀ ਮੇਰੇ ਢਾਬੇ ਉਤੇ ਖਾਣਾ ਖਾ ਰਹੇ ਸਨ। ਮੇਰਾ ਭਰਾ ਵੀ ਉਥੇ ਸੀ, ਮੈਂ ਘਰ ਹੀ ਸੀ, ਇਨ੍ਹਾਂ ਪੁਲਿਸ ਵਾਲਿਆਂ ਨੇ ਖਾਣੇ ਦੇ ਪੈਸੇ ਨਾ ਦੇਣ ਨੂੰ ਲੈ ਕੇ ਮੇਰੇ ਭਰਾ ਦੇ ਨਾਲ ਬਹਿਸ ਕੀਤੀ, ਉਹ ਰੋਜਾਨਾ ਆਉਂਦੇ ਸੀ, ਪਰ ਖਾਣੇ ਦੇ ਪੈਸੇ ਨਹੀ ਦੇ ਰਹੇ ਸੀ। ਕਦੇ-ਕਦੇ ਉਹ 100 ਰੁਪਏ ਦੇ ਦਿੰਦੇ ਸੀ, ਜਦਕਿ ਇਸਤੋਂ ਬਾਅਦ ਚਾਰ ਗੁਣਾ ਜ਼ਿਆਦਾ ਕੀਮਤ ਦਾ ਖਾਣਾ ਖਾ ਜਾਂਦੇ ਸੀ।
Arrest
ਜਦੋਂ ਇਸ ਮਾਮਲੇ ਦੀ ਜਾਂਚ ਆਗਰਾ ਜੋਨੇ ਦੇ ਏਡੀਜੀ ਰਾਜੀਵ ਕ੍ਰਿਸ਼ਨ ਨੇ ਕਰਵਾਈ ਤਾਂ ਨੌਜਵਾਨ ਵੱਲੋਂ ਲਗਾਏ ਗਏ ਆਰੋਪਾਂ ਨੂੰ ਸਹੀ ਪਾਇਆ ਗਿਆ। ਜਿਸਤੋਂ ਬਾਅਦ ਏਡੀਜੀ ਨੇ ਸੰਬੰਧਿਤ ਕਰਮਚਾਰੀਆਂ ਨੂੰ ਲਾਈਨ ਹਾਜਰ ਕਰ ਕੀਤੇ ਅਤੇ ਇਸ ਵਿਚ ਸ਼ਾਮਲ ਪੁਲਿਸ ਕਰਮਚਾਰੀਆਂ ਦੇ ਖਿਲਾਫ਼ ਮੁਕੱਦਮਾ ਦਰਜ ਕਰਕੇ ਜਾਂਚ ਨੂੰ ਏਟਾ ਤੋਂ ਅਲੀਗੜ੍ਹ ਟ੍ਰਾਂਸਫਰ ਕਰ ਦਿੱਤਾ।
