ਹਮਲੇ ਦੇ ਸਬੰਧ ਵਿਚ ਪੁਲਿਸ ਨੇ ਤਿੰਨ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ
ਸ੍ਰੀਨਗਰ : ਅਤਿਵਾਦੀਆਂ ਦੇ ਹਮਲੇ ਵਿਚ ਗੋਲੀ ਲੱਗਣ ਨਾਲ ਜ਼ਖ਼ਮੀ ਹੋਏ ਮਸ਼ਹੂਰ ਕਿ੍ਰਸ਼ਨਾ ਢਾਬਾ ਦੇ ਮਾਲਕ ਦੇ ਬੇਟੇ ਦੀ ਐਤਵਾਰ ਨੂੰ ਇਥੇ ਮੌਤ ਹੋ ਗਈ।
ਅਤਿਵਾਦੀਆਂ ਨੇ 17 ਫ਼ਰਵਰੀ ਨੂੰ ਢਾਬਾ ਮਾਲਕ ਦੇ ਬੇਟੇ ਆਕਾਸ਼ ਮਹਿਤਾ ਨੂੰ ਗੋਲੀ ਮਾਰ ਦਿਤੀ ਸੀ। ਅਧਿਕਾਰੀਆਂ ਨੇ ਦਸਿਆ ਕਿ ਮਹਿਤਾ ਦਾ ਪਿਛਲੇ 10 ਦਿਨਾਂ ਤੋਂ ਐਸਐਮਐਚਐਸ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਸੀ ਅਤੇ ਐਤਵਾਰ ਤੜਕੇ ਉਸ ਨੇ ਦਮ ਤੋੜ ਦਿਤਾ।
Terrorist attack
ਪੁਲਿਸ ਨੇ ਕਿਹਾ ਕਿ ਜਦੋਂ ਅਤਿਵਾਦੀਆਂ ਨੇ ਉਸ ਨੂੰ ਨੇੜੇ ਤੋਂ ਗੋਲੀ ਮਾਰੀ ਸੀ ਤਾਂ ਉਹ ਗੰਭੀਰ ਰੂਪ ਵਿਚ ਜ਼ਖ਼ਮੀ ਹੋ ਗਿਆ ਸੀ। ਮੁਸਲਿਮ ਜਾਂਬਾਜ ਫ਼ੋਰਸ ਨੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ। ਇਹ ਅਤਿਵਾਦੀ ਸੰਗਠਨ 1990 ਦੇ ਦਹਾਕੇ ਤੋਂ ਸਰਗਰਮ ਹੈ।
Very sad news about Akash, son of the owner of Krishna Dhaba in Srinagar. After a brave fight he lost the battle to recover from injuries suffered in the earlier attack. May his soul rest in peace & may his family find strength at this difficult time.
— Omar Abdullah (@OmarAbdullah) February 28, 2021
ਕਿ੍ਰਸ਼ਨ ਢਾਬਾ ਸ਼ਾਕਾਹਾਰੀ ਭੋਜਨ ਦੀ ਸੇਵਾ ਕਰਦੇ ਹੋਏ ਖੇਤਰ ਵਿਚ ਕਾਫ਼ੀ ਮਸ਼ਹੂਰ ਹੈ। ਇਹ ਦੁਰਗਨਾਗ ਖੇਤਰ ਵਿਚ ਸਥਿਤ ਹੈ। ਭਾਰਤ ਅਤੇ ਪਾਕਿਸਤਾਨ ਲਈ ਸੰਯੁਕਤ ਰਾਸ਼ਟਰ ਦੇ ਮਿਲਟਰੀ ਅਬਜ਼ਰਵਰ ਗਰੁਪ (ਯੂ.ਐੱਨ.ਐੱਮ.ਓ.ਜੀ.ਪੀ.) ਦੇ ਦਫ਼ਤਰ ਅਤੇ ਜੰਮੂ-ਕਸ਼ਮੀਰ ਦੇ ਚੀਫ਼ ਜਸਟਿਸ ਦਾ ਘਰ ਢਾਬੇ ਤੋਂ 200 ਮੀਟਰ ਦੇ ਘੇਰੇ ਵਿਚ ਸਥਿਤ ਹਨ। ਇਸ ਹਮਲੇ ਦੇ ਸਬੰਧ ਵਿਚ ਪੁਲਿਸ ਨੇ ਤਿੰਨ ਦੋਸ਼ੀਆਂ ਨੂੰ ਗਿ੍ਰਫ਼ਤਾਰ ਕੀਤਾ ਹੈ। ਗਿ੍ਰਫ਼ਤਾਰ ਕੀਤੇ ਮੁਲਜ਼ਮਾਂ ਦੇ ਕਥਿਤ ਸਬੰਧ ਪਾਬੰਦੀਸ਼ੁਦਾ ਅਤਿਵਾਦੀ ਸੰਗਠਨ ਲਸ਼ਕਰ-ਏ-ਤੋਇਬਾ ਨਾਲ ਜੁੜੇ ਇਕ ਸੂਡੋ-ਗਰੁਪ ਦੇ ਦੱਸੇ ਗਏ ਹਨ।
