ਮਹਾਰਾਸ਼ਟਰ ਦੇ ਗੜ੍ਹਚਿਰੌਲੀ ਜ਼ਿਲ੍ਹੇ ਵਿਚ ਇੰਦਰਾਵਤੀ ਨਦੀ ਤੋਂ ਮੰਗਲਵਾਰ ਤੜਕੇ ਸੁਰੱਖਿਆ ਬਲਾਂ ਨੇ 11 ਹੋਰ ਸ਼ੱਕੀ ਨਕਸਲੀਆਂ ਦੀਆਂ ਲਾਸ਼ਾਂ ...
ਮੁੰਬਈ: ਮਹਾਰਾਸ਼ਟਰ ਦੇ ਗੜ੍ਹਚਿਰੌਲੀ ਜ਼ਿਲ੍ਹੇ ਵਿਚ ਇੰਦਰਾਵਤੀ ਨਦੀ ਤੋਂ ਮੰਗਲਵਾਰ ਤੜਕੇ ਸੁਰੱਖਿਆ ਬਲਾਂ ਨੇ 11 ਹੋਰ ਸ਼ੱਕੀ ਨਕਸਲੀਆਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਹਨ। ਮਹਾਰਾਸ਼ਟਰ-ਛੱਤੀਸਗੜ੍ਹ ਦੀ ਹੱਦ 'ਤੇ ਵਹਿਣ ਵਾਲੀ ਨਦੀ ਦੇ ਕੰਢੇ ਤੋਂ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਲਾਸ਼ਾਂ ਪਾਣੀ ਵਿਚ ਫੁੱਲ ਚੁੱਕੀਆਂ ਸਨ ਅਤੇ ਉਨ੍ਹਾਂ ਵਿਚ ਸੜਨ ਸ਼ੁਰੂ ਹੋ ਗਈ ਸੀ।
gadchiroli naxal encounter police identify 11 more bodies
ਇਕ ਅਧਿਕਾਰੀ ਨੇ ਪਛਾਣ ਉਜਾਗਰ ਨਾ ਕਰਨ ਦੀ ਸ਼ਰਤ 'ਤੇ ਦਸਿਆ ਕਿ ਇਹ ਸਾਰੀਆਂ 11 ਲਾਸ਼ਾਂ ਐਤਵਾਰ ਨੂੰ ਸੁਰੱਖਿਆ ਬਲਾਂ ਹੋਈ ਮੁਠਭੇੜ ਦੌਰਾਨ ਭੱਜਣ ਵਾਲੇ ਨਕਸਲੀਆਂ ਦੀਆਂ ਹੋ ਸਕਦੀਆਂ ਹਨ ਜਿਨ੍ਹਾਂ ਦੀ ਸ਼ਾਇਦ ਇਸ ਮੁਠਭੇੜ ਵਿਚ ਜ਼ਖ਼ਮੀ ਹੋਣ ਤੋਂ ਬਾਅਦ ਮੌਤ ਹੋ ਗਈ ਹੋਵੇਗੀ।
gadchiroli naxal encounter police identify 11 more bodies
ਪੂਰੇ ਗੜ੍ਹਚਿਰੌਲੀ ਜ਼ਿਲ੍ਹੇ ਵਿਚ ਖੋਜ ਮੁਹਿੰਮ ਜਾਰੀ ਹੈ। ਇਸ ਖੇਤਰ ਨੂੰ ਸੁਰੱਖਿਆ ਬਲਾਂ ਨੇ ਲਗਭਗ ਚਾਰੇ ਪਾਸੇ ਤੋਂ ਸੀਲ ਕਰ ਦਿਤਾ ਹੈ। ਨਕਸਲੀਆਂ ਨੂੰ ਲੱਭਣ ਲਈ ਜੰਗਲਾਂ, ਪਿੰਡਾਂ, ਪਹਾੜੀਆਂ ਅਤੇ ਘਾਟੀਆਂ ਵਿਚ ਖੋਜ ਮੁਹਿੰਮ ਜਾਰੀ ਹੈ। ਜ਼ਿਲ੍ਹੇ ਵਿਚ ਨਵੀਂ ਮੁਹਿੰਮ ਤਹਿਤ ਘੱਟ ਤੋਂ ਘੱਟ 6 ਨਕਸਲੀ ਢੇਰ ਹੋ ਚੁਕੇ ਹਨ।
gadchiroli naxal encounter police identify 11 more bodies
ਐਤਵਾਰ 36 ਘੰਟੇ ਚਲੀ ਮੁਠਭੇੜ ਵਿਚ 16 ਨਕਸਲੀ ਮਾਰੇ ਗਏ ਸਨ। ਇਹ ਮੁਠਭੇੜ ਸੋਮਵਾਰ ਨੂੰ ਜਿਮਲਾਗੱਟਾ ਦੇ ਰਾਜਾਰਾਮ ਕਨਹਿਲਾ ਪਿੰਡ ਵਿਚ ਹੋਈ ਸੀ। ਮ੍ਰਿਤਕਾਂ ਵਿਚ ਅਹੇਰੀ ਦਲਮ ਦਾ ਕਮਾਂਡਰ ਵੀ ਸ਼ਾਮਲ ਹੈ, ਜਿਸ ਦੀ ਪਛਾਣ ਨੰਦੂ ਦੇ ਰੂਪ ਵਿਚ ਹੋਈ ਹੈ।
