ਸਰਕਾਰ ਅਤੇ ਏਅਰਫੋਰਸ ਦੇ ਵੱਖ ਵੱਖ ਦਾਅਵੇ
ਨਵੀਂ ਦਿੱਲੀ: ਹਵਾਈ ਫ਼ੌਜ ਬੀਐਸ ਧਨੋਆ ਨੇ ਕਿਹਾ ਹੈ ਕਿ ਬਾਲਾਕੋਟ ਏਅਰ ਸਟ੍ਰਾਈਕ ਤੋਂ ਬਾਅਦ ਪਾਕਿਸਤਾਨੀ ਹਵਾਈ ਫ਼ੌਜ ਭਾਰਤੀ ਏਅਰਸਪੇਸ ਵਿਚ ਨਹੀਂ ਵੜ ਸਕੀ। ਉਹਨਾਂ ਦਾ ਉਦੇਸ਼ ਬਾਲਾਕੋਟ ਵਿਚ ਸਟ੍ਰਾਈਕ ਕਰਨ ਦਾ ਸੀ ਜਿਸ ਨੂੰ ਉਹਨਾਂ ਹਾਸਲ ਕਰ ਲਿਆ ਸੀ। ਉਹਨਾਂ ਦਾ ਉਦੇਸ਼ ਆਰਮੀ ਦੇ ਟਿਕਾਣਿਆਂ 'ਤੇ ਸਟ੍ਰਾਈਕ ਕਰਨ ਦਾ ਸੀ ਜਿਸ ਨੂੰ ਉਹ ਹਾਸਲ ਨਹੀਂ ਕਰ ਸਕੇ। ਉਹਨਾਂ ਵਿਚੋਂ ਕੋਈ ਵੀ ਲਾਈਨ ਆਫ਼ ਕੰਟਰੋਲ ਪਾਰ ਕਰ ਕੇ ਉਹਨਾਂ ਦੀ ਸਰਹੱਦ ਵਿਚ ਨਹੀਂ ਆ ਸਕਿਆ।
Pakistan
ਦਸ ਦਈਏ ਕਿ 26 ਫਰਵਰੀ ਨੂੰ ਹਵਾਈ ਫ਼ੌਜ ਨੇ ਪਾਕਿਸਤਾਨ ਦੇ ਬਾਲਾਕੋਟ ਵਿਚ ਏਅਰ ਸਟ੍ਰਾਈਕ ਕੀਤੀ ਸੀ। ਵਿਦੇਸ਼ ਮੰਤਰਾਲੇ ਨੇ ਦਸਿਆ ਸੀ ਕਿ ਬਾਲਾਕੋਟ ਏਅਰ ਸਟ੍ਰਾਈਕ ਤੋਂ ਬਾਅਦ ਪਾਕਿਸਤਾਨੀ ਹਵਾਈ ਫ਼ੌਜ ਨੇ ਭਾਰਤੀ ਫ਼ੌਜ ਦੇ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਸੀ ਅਤੇ ਭਾਰਤੀ ਹਵਾਈ ਸਰਹੱਦ ਦਾ ਉਲੰਘਣ ਵੀ ਕੀਤਾ ਸੀ। ਭਾਰਤ ਨੇ ਜੰਮੂ ਕਸ਼ਮੀਰ ਦੇ ਪੁਲਵਾਮਾ ਵਿਚ 14 ਫਰਵਰੀ ਨੂੰ ਸੀਆਰਪੀਐਫ ਦੇ ਕਾਫ਼ਲੇ 'ਤੇ ਹੋਏ ਹਮਲੇ ਦੇ ਜਵਾਬ ਵਿਚ ਬਾਲਾਕੋਟ ਏਅਰ ਸਟ੍ਰਾਈਕ ਕੀਤੀ ਸੀ।
Pulwama attack
ਪੁਲਵਾਮਾ ਹਮਲੇ ਵਿਚ ਸੀਆਰਪੀਐਫ ਦੇ 40 ਜਵਾਨ ਸ਼ਹੀਦ ਹੋਏ ਸਨ। ਇਸ ਹਮਲੇ ਦੀ ਜ਼ਿੰਮੇਵਾਰੀ ਜੈਸ਼-ਏ-ਮੁਹੰਮਦ ਨੇ ਲਈ ਸੀ। ਭਾਰਤੀ ਵਿਦੇਸ਼ ਮੰਤਰਾਲੇ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਸੀ। ਤਤਕਾਲੀਨ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਮੁਤਾਬਕ ਬਾਲਾਕੋਟ ਏਅਰ ਸਟ੍ਰਾਈਕ ਵਿਚ ਕੋਈ ਵੀ ਪਾਕਿਸਤਾਨੀ ਫ਼ੌਜ ਜਾਂ ਆਮ ਨਾਗਰਿਕ ਨਹੀਂ ਮਾਰਾ ਗਿਆ ਸੀ।
ਉਹਨਾਂ ਦਸਿਆ ਕਿ ਉਹਨਾਂ ਨੇ ਫ਼ੌਜ ਬਲਾਂ ਨੂੰ ਕਿਹਾ ਗਿਆ ਸੀ ਕਿ ਸਿਰਫ਼ ਜੈਸ਼-ਏ-ਮੁਹੰਮਦ ਨੂੰ ਨਿਸ਼ਾਨਾ ਬਣਾਇਆ ਹੈ ਜੋ ਪੁਲਵਾਮਾ ਹਮਲੇ ਦੇ ਜ਼ਿੰਮੇਵਾਰ ਸਨ। ਫ਼ੌਜ ਬਲਾਂ ਨੇ ਅਜਿਹਾ ਹੀ ਕੀਤਾ ਉਹਨਾਂ ਦੇ ਕੈਂਪ ਤਬਾਹ ਕਰ ਦਿੱਤੇ ਅਤੇ ਵਾਪਸ ਆ ਗਏ।
