ਸਰੋਗੇਸੀ ਰਾਹੀਂ ਬੱਚਾ ਪੈਦਾ ਕਰਨ ’ਤੇ  6 ਮਹੀਨੇ ਦੀ ਜਣੇਪਾ ਛੁੱਟੀ ਲੈ ਸਕਣਗੀਆਂ ਸਰਕਾਰੀ ਮੁਲਾਜ਼ਮਾਂ
Published : Jun 24, 2024, 11:00 pm IST
Updated : Jun 24, 2024, 11:00 pm IST
SHARE ARTICLE
Representative Image.
Representative Image.

ਪਰਸੋਨਲ ਮੰਤਰਾਲੇ ਨੇ ਨੋਟੀਫਾਈ ਕੀਤੇ ਸੋਧੇ ਨਿਯਮ

ਨਵੀਂ ਦਿੱਲੀ: ਸਰਕਾਰੀ ਮਹਿਲਾ ਮੁਲਾਜ਼ਮ ਜੇਕਰ ਸਰੋਗੇਸੀ (ਕਿਰਾਏ ਦੀ ਕੁੱਖ) ਰਾਹੀਂ ਬੱਚਾ ਪੈਦਾ ਕਰਦੀਆਂ ਹਨ ਤਾਂ ਉਹ 180 ਦਿਨਾਂ ਲਈ ਜਣੇਪਾ ਛੁੱਟੀ ਲੈ ਸਕਦੀਆਂ ਹਨ। ਕੇਂਦਰ ਸਰਕਾਰ ਨੇ ਇਸ ਸਬੰਧ ’ਚ 50 ਸਾਲ ਪੁਰਾਣੇ ਨਿਯਮ ’ਚ ਸੋਧ ਦਾ ਐਲਾਨ ਕੀਤਾ ਹੈ। 

ਕੇਂਦਰੀ ਸਿਵਲ ਸੇਵਾਵਾਂ (ਛੁੱਟੀ) ਨਿਯਮ, 1972 ’ਚ ਕੀਤੀਆਂ ਗਈਆਂ ਤਬਦੀਲੀਆਂ ਦੇ ਅਨੁਸਾਰ, ‘ਮੂਲ ਮਾਂ’ (ਮਾਂ ਜੋ ਸਰੋਗੇਸੀ ਰਾਹੀਂ ਪੈਦਾ ਹੋਏ ਬੱਚੇ ਨੂੰ ਪਾਲਦੀ ਹੈ) ਬੱਚੇ ਦੀ ਦੇਖਭਾਲ ਕਰਨ ਲਈ ਛੁੱਟੀ ਲੈ ਸਕਦੀ ਹੈ ਅਤੇ ‘ਮੂਲ ਪਿਤਾ’ ਵੀ 15 ਦਿਨਾਂ ਦੀ ਛੁੱਟੀ ਲੈ ਸਕਦਾ ਹੈ। 

ਪਰਸੋਨਲ ਮੰਤਰਾਲੇ ਵਲੋਂ  ਨੋਟੀਫਾਈ ਕੀਤੇ ਸੋਧੇ ਨਿਯਮਾਂ ’ਚ ਕਿਹਾ ਗਿਆ ਹੈ ਕਿ ਸਰੋਗੇਸੀ ਦੇ ਮਾਮਲੇ ’ਚ ਸਰੋਗੇਟ ਅਤੇ ਦੋ ਤੋਂ ਘੱਟ ਬੱਚੇ ਪੈਦਾ ਕਰਨ ਵਾਲੀ ਮਾਂ ਨੂੰ 180 ਦਿਨਾਂ ਦੀ ਜਣੇਪਾ ਛੁੱਟੀ ਦਿਤੀ ਜਾ ਸਕਦੀ ਹੈ, ਜੇਕਰ ਉਨ੍ਹਾਂ ’ਚੋਂ ਇਕ ਜਾਂ ਦੋਵੇਂ ਸਰਕਾਰੀ ਮੁਲਾਜ਼ਮ ਹਨ। ਹੁਣ ਤਕ ਸਰੋਗੇਸੀ ਰਾਹੀਂ ਬੱਚੇ ਦੇ ਜਨਮ ਦੀ ਸੂਰਤ ’ਚ ਮਹਿਲਾ ਸਰਕਾਰੀ ਮੁਲਾਜ਼ਮਾਂ ਨੂੰ ਜਣੇਪਾ ਛੁੱਟੀ ਦੇਣ ਦਾ ਕੋਈ ਨਿਯਮ ਨਹੀਂ ਸੀ। 

ਨਵੇਂ ਨਿਯਮਾਂ ’ਚ ਕਿਹਾ ਗਿਆ ਹੈ ਕਿ ਸਰੋਗੇਸੀ ਰਾਹੀਂ ਬੱਚਾ ਪੈਦਾ ਕਰਨ ਵਾਲੇ ਪਿਤਾ ਨੂੰ ਬੱਚੇ ਦੇ ਜਨਮ ਦੀ ਮਿਤੀ ਤੋਂ ਛੇ ਮਹੀਨਿਆਂ ਦੇ ਅੰਦਰ 15 ਦਿਨਾਂ ਦੀ ਛੁੱਟੀ ਦਿਤੀ  ਜਾਵੇਗੀ। ਨਿਯਮਾਂ ਨੂੰ 18 ਜੂਨ ਨੂੰ ਨੋਟੀਫਾਈ ਕੀਤਾ ਗਿਆ ਸੀ। ਇਸ ਵਿਚ ਕਿਹਾ ਗਿਆ ਹੈ ਕਿ ਸਰੋਗੇਸੀ ਦੇ ਮਾਮਲੇ ਵਿਚ ਉਸ ਪ੍ਰਮੁੱਖ ਮਾਂ ਨੂੰ ਬਾਲ ਸੰਭਾਲ ਛੁੱਟੀ ਦਿਤੀ  ਜਾ ਸਕਦੀ ਹੈ ਜਿਸ ਦੇ ਦੋ ਤੋਂ ਘੱਟ ਬੱਚੇ ਹਨ। 

ਮੌਜੂਦਾ ਨਿਯਮਾਂ ਦੇ ਤਹਿਤ, ‘ਮਹਿਲਾ ਸਰਕਾਰੀ ਕਰਮਚਾਰੀ ਅਤੇ ਇਕੱਲੇ ਪੁਰਸ਼ ਸਰਕਾਰੀ ਕਰਮਚਾਰੀ’  ਨੂੰ ਦੋ ਸੱਭ ਤੋਂ ਵੱਡੇ ਬਚੇ ਬੱਚਿਆਂ ਜਿਵੇਂ ਕਿ ਸਿੱਖਿਆ, ਬਿਮਾਰੀ ਅਤੇ ਇਸ ਤਰ੍ਹਾਂ ਦੇ ਹੋਰ ਬੱਚਿਆਂ ਦੀ ਦੇਖਭਾਲ ਲਈ ਪੂਰੀ ਸੇਵਾ ਮਿਆਦ ਲਈ ਬਾਲ ਸੰਭਾਲ ਛੁੱਟੀ ਦਿਤੀ  ਜਾ ਸਕਦੀ ਹੈ।

SHARE ARTICLE

ਏਜੰਸੀ

Advertisement

Punjab Flood Emotional Video : ਮੀਂਹ ਨਾਲ ਚੋਂਦੀ ਛੱਤ ਥੱਲੇ ਬੈਠੀ ਬਜ਼ੁਰਗ ਮਾਤਾ, ਹਾਲਾਤ ਦੱਸਦਿਆਂ ਰੋ ਪਈ

29 Aug 2025 3:12 PM

Flood News : Madhopur ਹੈੱਡ ਵਰਕਸ ਦੇ ਕਿਉਂ ਟੁੱਟੇ Flood Gate? ਹੁਣ ਕਿੰਝ ਕਾਬੂ ਹੋਵੇਗਾ Ravi River ਦਾ ਪਾਣੀ ?

29 Aug 2025 3:11 PM

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM

Punjab Flood Rescue Operation : ਲੋਕਾਂ ਦੀ ਜਾਨ ਬਚਾਉਣ ਲਈ ਪਾਣੀ 'ਚ ਉਤਰਿਆ ਫੌਜ ਦਾ 'HULK'

28 Aug 2025 2:55 PM

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM
Advertisement