ਲਖਨਊ: ਬੀਟੈਕ ਦੀ ਪੜ੍ਹਾਈ ਕਰਨ ਦੇ ਬਾਅਦ ਯੂਪੀ ਦੇ ਬਾਅਦ ਫ਼ਰੂਖਾਬਾਦ ਜ਼ਿਲ੍ਹਾ ਦੇ ਰਹਿਣ ਵਾਲੇ ਕਿਸਾਨ ਹਿਮਾਂਸ਼ੂ ਗੰਗਵਾਰ ਹੁਣ ਕੁਦਰਤੀ ਖੇਤੀ ਦੇ ਦਮ 'ਤੇ ਆਪਣਾ ਸਟਾਰਟ ਅੱਪ ਸ਼ੁਰੂ ਕਰ ਸਾਲਾਨਾ ੧੪ ਤੋਂ ੧੫ ਲੱਖ ਰੁਪਏ ਦਾ ਮੁਨਾਫਾ ਕਮਾ ਰਹੇ ਹਨ। ਉਨ੍ਹਾਂ ਨੇ ੨੫੦੦ ਰੁਪਏ ਦੀ ਨੌਕਰੀ ਛੱਡੀ ਸੀ। ਅੱਜ ਉਨ੍ਹਾਂ ਦੀ ਕੰਪਨੀ ਦਾ ਟਰਨ ਓਵਰ ਲੱਖਾਂ 'ਚ ਹੈ। ਉਹ ੨੦ ਦਸੰਬਰ ਲਖਨਊ 'ਚ ਸ਼ੁਰੂ ਹੋਣ ਜਾ ਰਹੇ ਜ਼ੀਰੋ ਲਾਗਤ ਕੁਦਰਤੀ ਖੇਤੀ ਕੈਂਪ 'ਚ ਵਿਦੇਸ਼ਾਂ ਤੋਂ ਆਉਣ ਵਾਲੇ ਕਿਸਾਨਾਂ ਨੂੰ ਖੇਤੀ ਦੇ ਗੁਣ ਸਿਖਾਉਣਗੇ।
੨੫੦੦ ਰੁਪਏ ਦੀ ਛੱਡੀ ਸੀ ਨੌਕਰੀ
ਹਿਮਾਂਸ਼ੂ ਦੱਸਦੇ ਹਨ ਕਿ- "ਮੈਂ ੧੯੯੩ 'ਚ ਨਾਗਪੁਰ ਦੇ ਆਰਈਸੀ ਕਾਲਜ ਤੋਂ ਮਕੈਨੀਕਲ ਇੰਜੀਨੀਅਰਿੰਗ ਦੀ ਪੜ੍ਹਾਈ ਕੀਤੀ ਹੈ। ਉਸਦੇ ਬਾਅਦ 1994-96 ਤੱਕ ਲਖਨਊ ਦੇ ਸਰਵਜਨਿਕ ਸਨਅੱਤਕਾਰੀ ਵਿਭਾਗ 'ਚ ੨੫੦੦ ਰੁਪਏ ਸੈਲਰੀ 'ਤੇ ੩ ਸਾਲ ਤੱਕ ਅਸਿਸਟੈਂਟ ਕੋਆਰਡੀਨੇਟਰ ਦੀ ਨੌਕਰੀ ਕੀਤੀ।"
"੩ ਸਾਲ ਬਾਅਦ ੧੯੯੬ 'ਚ ਮੈਂ ਉਸ ਨੌਕਰੀ ਨੂੰ ਛੱਡ ਦਿੱਤਾ ਅਤੇ ਸਾਹਿਬਾਬਾਦ ਦੇ ਪੇਂਟਾਗਨ ਸਕਰੂ ਐਂਡ ਫਾਸਟਰ ਲਿਮਟਿਡ ਕੰਪਨੀ 'ਚ ਜੁਆਇਨ ਕਰ ਲਿਆ। ਉਸ ਸਮੇਂ ਸੈਲਰੀ ਘੱਟ ਸੀ। ਮੈਂ ਆਪਣੀ ਨੌਕਰੀ ਤੋਂ ਸੰਤੁਸ਼ਟ ਨਹੀਂ ਸੀ। ੧੯੯੮ 'ਚ ਨੌਕਰੀ ਛੱਡਕੇ ਆਪਣੇ ਪਿੰਡ ਚਲਾ ਆਇਆ ਅਤੇ ਖੇਤੀ ਕਰਨ ਦਾ ਫੈਸਲਾ ਲਿਆ।"
ਬੀਟੈਕ ਕਰਨ ਦੇ ਬਾਅਦ ਖੇਤੀ ਕਰਨ 'ਤੇ ਘਰਵਾਲੇ ਹੋਏ ਸੀ ਨਾਰਾਜ਼
ਮੈਂ ਜਦੋਂ ਨੌਕਰੀ ਛੱਡਕੇ ਪਿੰਡ 'ਚ ਖੇਤੀ ਕਰਨ ਦੇ ਲਈ ਆਇਆ, ਤੱਦ ਮੇਰੀ ਮਾਂ ਮੇਰੇ ਫੈਸਲੇ ਤੋਂ ਬਿਲਕੁਲ ਵੀ ਖੁਸ਼ ਨਹੀਂ ਸੀ। ੳੇੁਨ੍ਹਾਂ ਨੂੰ ਲੱਗਦਾ ਸੀ ਮੇਰੇ ਲਈ ਖੇਤੀ ਕਰਨ ਦੀ ਜਗ੍ਹਾਂ ਨੌਕਰੀ ਜਿਆਦਾ ਵਧੀਆ ਰਹੇਗੀ।"
"ਮੈਂ ਆਪਣੀ ਮਾਂ ਦੀ ਵੀ ਨਹੀਂ ਸੁਣੀ ਅਤੇ ਇੱਕ ਵਿਦੇਸ਼ੀ ਲੇਖਕ ਦੀ ਕਿਤਾਬ ਪੜ੍ਹਕੇ ਖੇਤੀ ਕਰਨਾ ਸ਼ੁਰੂ ਕਰ ਦਿੱਤਾ। ਪਹਿਲੀ ਕੋਸ਼ਿਸ਼ 'ਚ ਕਾਫੀ ਨੁਕਸਾਨ ਹੋਇਆ। ਪਰ ਮੈਂ ਹਾਰ ਨਹੀਂ ਮੰਨੀ ਅਤੇ ਆਪਣੀ ਕੋਸ਼ਿਸ਼ ਜਾਰੀ ਰੱਖੀ।"
"ਮੇਰੇ ਫੈਸਲੇ ਤੋਂ ਭਰਾ ਤੇ ਪਿਤਾ ਖੁਸ਼ ਸਨ। ਉਨ੍ਹਾਂ ਨੇ ਮੈਂਨੂੰ ਹਿੰਮਤ ਦਿੱਤੀ ਤੇ ਖੇਤੀ ਕਰਨ ਦੇ ਲਈ ਪ੍ਰੇਰਿਤ ਕੀਤਾ।"
"ਸ਼ੁਰੂਆਤੀ ਦੌਰ 'ਚ ਮੈਨੂੰ ਲਗਾਤਾਰ ਕਈ ਬਾਰ ਅਸਫਲਤਾ ਮਿਲੀ। ਪਰ ਮੈਂ ਖੇਤੀ ਕਰਨਾ ਨਹੀਂ ਛੱਡਿਆ। ਮੈਨੂੰ ਕਈ ਬਾਰ ਖੇਤੀ ਕਰਨ ਦੇ ਲਈ ਸ਼ਰਮਿੰਦਗੀ ਮਹਿਸੂਸ ਕਰਾਉਣ ਦੀ ਵੀ ਕੋਸ਼ਿਸ਼ ਕੀਤੀ ਗਈ ਪਰ ਮੈਂ ਸ਼ਰਮਿੰਦਾ ਨਹੀਂ ਹੋਇਆ।
ਖੇਤੀ ਨਾਲ ਮੁਨਾਫਾ ਲੱਖਾਂ 'ਚ ਪਹੁੰਚ ਗਿਅ। ਹੁਣ ੨੦ ਏਕੜ 'ਚ ਕਰੀਬ ੧੨ ਲੱਖ ਰੁਪਏ ਸਾਲਾਨਾ ਤੱਕ ਕਮਾਈ ਪਹੁੰਚ ਗਈ ਹੈ। ਮੇਰਾ ਪਰਿਵਾਰ ਅਤੇ ਪਿੰਡ ਦੇ ਲੋਕ ਵੀ ਮੇਰੀ ਦੇਖਾ-ਦੇਖੀ ਖੇਤੀ ਕਰਨ ਲੱਗੇ ਹਨ।
ਵਿਆਹ ਲਈ ਨਹੀਂ ਸੀ ਕੋਈ ਤਿਆਰ
ਮੈਂ ਬੀਟੈਕ ਕਰਨ ਦੇ ਬਾਅਦ ਇੰਜੀਨੀਅਰਿੰਗ ਦੀ ਨੌਕਰੀ ਕੀਤੀ ਅਤੇ ਉਸਦੇ ਬਾਅਦ ਖੇਤੀ ਦਾ ਕੰਮ ਸ਼ੁਰੂ ਕੀਤਾ, ਤੱਦ ਲੜਕੀ ਵਾਲੇ ਵਿਆਹ ਕਰਨ ਨੂੰ ਤਿਆਰ ਨਹੀਨ ਸਨ।
ਉਨ੍ਹਾਂ ਨੂੰ ਲੱਗਦਾ ਸੀ ਕਿ ਜੇਕਰ ਕਿਸਾਨ ਲੜਕੇ ਨਾਲ ਉਹ ਆਪਣੀ ਧੀ ਦਾ ਵਿਆਹ ਕਰਨਗੇ, ਤਾਂ ਧੀ ਖੁਸ਼ ਨਹੀਂ ਰਹਿ ਪਾਵੇਗੀ। ਇਸ ਚੱਕਰ 'ਚ ਮੇਰੇ ਕਈ ਰਿਸ਼ਤੇ ਟੱਟ ਗਏ। ਪਰ ਮੈਂ ਨਰਾਸ਼ ਨਹੀਂ ਹੋਇਆ ਅਤੇ ਆਪਣੇ ਕੰਮ 'ਚ ਲੱਗ ਗਿਆ।
ਜ਼ੀਰੋ ਲਾਗਤ ਕੁਦਰਤੀ ਖੇਤੀ ਕਰਕੇ ਮੈਂ ਹਰ ਸਾਲ ੧੪ ਤੋਂ ੧੫ ਲੱਖ ਸ਼ੁਰੂ ਮੁਨਾਫਾ ਕਮਾ ਲੈਂਦਾ ਹਾਂ। ਮੇਰਾ ਪੂਰਾ ਪਰਿਵਾਰ ਦੁਸ਼ ਦੇ ਸਫਲ ਕਿਸਾਨਾਂ ਦੀ ਪੰਕਤੀ 'ਚ ਖੜਾ ਹੈ। ਸਾਨੂੰ ਆਪਣੇ ਇਸ ਸਟਾਰਟ ਅੱਪ 'ਤੇ ਮਾਣ ਹੈ।
