ਸਮਾਜ ਸੇਵੀ ਅੰਨਾ ਹਜ਼ਾਰੇ ਦੀ ਭੁੱਖ ਹੜਤਾਲ ਅੱਜ ਤੀਜੇ ਦਿਨ ਵਿਚ ਪਹੁੰਚ ਗਈ ਹੈ। 23 ਮਾਰਚ ਤੋਂ ਆਪਦੀਆਂ ਕੁੱਝ ਮੰਗਾਂ ਨੂੰ ਲੈ ਕੇ ਅੰਨਾ ਨੇ ਸਰਕਾਰ ਵਿਰੁਧ ਮੋਰਚਾ
ਨਵੀਂ ਦਿੱਲੀ : ਸਮਾਜ ਸੇਵੀ ਅੰਨਾ ਹਜ਼ਾਰੇ ਦੀ ਭੁੱਖ ਹੜਤਾਲ ਅੱਜ ਤੀਜੇ ਦਿਨ ਵਿਚ ਪਹੁੰਚ ਗਈ ਹੈ। 23 ਮਾਰਚ ਤੋਂ ਆਪਦੀਆਂ ਕੁੱਝ ਮੰਗਾਂ ਨੂੰ ਲੈ ਕੇ ਅੰਨਾ ਨੇ ਸਰਕਾਰ ਵਿਰੁਧ ਮੋਰਚਾ ਖੋਲ੍ਹਿਆ ਹੈ। ਸਮਾਜ ਸੇਵੀ ਅੰਨਾ ਹਜ਼ਾਰੇ ਬਿਮਾਰ ਹੋਣ ਕਾਰਨ ਸਨਿਚਰਵਾਰ ਨੂੰ ਮੰਚ ਤੋਂ ਹਟ ਗਏ ਸਨ। ਅਜਿਹੀ ਖ਼ਬਰ ਸੀ ਕਿ ਉਨ੍ਹਾਂ ਦੀ ਤਬੀਅਤ ਖ਼ਰਾਬ ਹੋ ਗਈ ਸੀ।
Anna Hazare Third Day of Hunger Strike
ਸਨਿਚਰਵਾਰ ਨੂੰ ਵੀ ਉਹ ਮੰਚ ਤੋਂ ਨਹੀਂ ਬੋਲੇ। ਡਾਕਟਰਾਂ ਦੀ ਟੀਮ ਨੇ ਉਨ੍ਹਾਂ ਦੀ ਚੈਕਅਪ ਕੀਤਾ। ਟੀਮ ਦੇ ਮੈਂਬਰਾਂ ਦਾ ਕਹਿਣਾ ਹੈ ਕਿ 81 ਸਾਲ ਦੇ ਉਮਰ ਵਿਚ ਪਾਣੀ ਨਾ ਪੀਣ ਕਾਰਨ ਉਨ੍ਹਾਂ ਦਾ ਸਰੀਰ ਕਮਜ਼ੋਰ ਹੋ ਗਿਆ ਹੈ। ਉਨ੍ਹਾਂ ਦਾ ਵਜ਼ਨ ਵੀ ਪਹਿਲਾਂ ਨਾਲੋਂ ਕਾਫ਼ੀ ਘਟ ਗਿਆ ਹੈ। ਭੁੱਖ ਹੜਤਾਲ ਦੇ ਤੀਜੇ ਦਿਨ ਮੈਦਾਨ ਵਿਚ ਕਰੀਬ 227 ਲੋਕ ਹੀ ਅੰਨਾ ਹਜ਼ਾਰੇ ਦੇ ਨਾਲ ਭੁੱਖ ਹੜਤਾਲ 'ਤੇ ਬੈਠੇ ਹਨ। ਹਾਲਾਂਕਿ ਤਿੱਖੀ ਧੁੱਪ ਵਿਚ ਅੰਨ ਤਿਆਗ਼ ਕੇ ਅੰਨਾ ਦੀ ਹੜਤਾਲ ਵਿਚ ਸਾਥ ਦੇ ਰਹੇ ਲੋਕਾਂ ਦੀ ਤਬੀਅਤ ਸਾਥ ਨਹੀਂ ਦੇ ਰਹੀ ਹੈ।
Anna Hazare Third Day of Hunger Strike
ਅੰਨਾ ਆਮ ਦਿਨਾਂ ਵਿਚ ਵੀ ਬੇਹੱਦ ਸਾਦੀ ਜੀਵਨਸ਼ੈਲੀ ਜਿਊਂਦੇ ਹਨ, ਇਸ ਲਈ 81 ਸਾਲ ਦੀ ਉਮਰ ਵਿਚ ਵੀ ਉਹ ਤਿੰਨ ਦਿਨ ਤੋਂ ਬਿਨਾ ਲੂਣ, ਚੀਨੀ ਅਤੇ ਅੰਨ ਦੇ ਸਿਰਫ਼ ਪਾਣੀ ਪੀ ਕੇ ਭੁੱਖ ਹੜਤਾਲ ਕਰ ਰਹੇ ਹਨ। ਦਸ ਦਈਏ ਕਿ ਦੂਜੇ ਦਿਨ ਦੀ ਸ਼ੁਰੂਆਤ ਕਾਫ਼ੀ ਫਿੱਕੀ ਰਹੀ ਸੀ, ਫਿਰ ਵੀ ਕਿਸਾਨ ਇਥੇ ਡਟੇ ਹੋਏ ਸਨ। ਦੂਜੇ ਦਿਨ ਪ੍ਰੋਗਰਾਮ ਦੇ ਫਿੱਕੇ ਹੋਣ ਦਾ ਸਭ ਤੋਂ ਵੱਡਾ ਕਾਰਨ ਰਾਮਲੀਲਾ ਮੈਦਾਨ ਵਿਚ ਬਜਰੰਗ ਦਲ ਦੇ ਵੱਡੇ ਪ੍ਰੋਗਰਾਮ ਵੀ ਹਨ। ਇਸੇ ਕਾਰਨ ਵੀ ਅੰਨਾ ਦੇ ਅੰਦੋਲਨ ਵਿਚ ਭੀੜ ਨਜ਼ਰ ਨਹੀਂ ਆ ਰਹੀ ਹੈ। ਅੰਨਾ ਅੰਦੋਲਨ ਦੇ ਦੂਜੇ ਦਿਨ ਵੀ ਕੋਈ ਇਕੱਠ ਨਜ਼ਰ ਨਹੀਂ ਸੀ ਆਇਆ।
Anna Hazare Third Day of Hunger Strike
ਇਥੇ ਰਾਮਲੀਲਾ ਮੈਦਾਨ ਵਿਚ ਹਾਰਦਿਕ ਪਟੇਲ ਦੇ ਆਉਣ ਦੀ ਖ਼ਬਰ ਸੀ ਪਰ ਅਧਿਕਾਰਕ ਲੋਕਾਂ ਨੇ ਕਿਹਾ ਕਿ ਉਨ੍ਹਾਂ ਨਾਲ ਕਿਸੇ ਨੇ ਸੰਪਰਕ ਨਹੀਂ ਕੀਤਾ। ਅਜਿਹਾ ਦਸਿਆ ਜਾ ਰਿਹਾ ਸੀ ਕਿ ਉਹ ਇੱਥੇ ਆ ਸਕਦੇ ਹਨ। ਕੋਈ ਮੰਨਿਆ ਪ੍ਰਮੰਨਿਆ ਰਾਜਨੀਤਕ ਚਿਹਰਾ ਵੀ ਅੰਨਾ ਦੇ ਮੰਚ ਤਕ ਨਹੀਂ ਪਹੁੰਚਿਆ। ਮੰਚ ਤੋਂ ਮਾਹੌਲ ਬਣਾਏ ਰਖਣ ਅਤੇ ਲੋਕਾਂ ਨੂੰ ਜੋੜੇ ਰਖਣ ਦੇ ਲਈ ਦੇਸ਼ਭਗਤੀ ਦੇ ਗੀਤ ਵਜਾਏ ਜਾ ਰਹੇ ਸਨ। ਟੀਮ ਅੰਨਾ ਨਾਲ ਜੁੜੇ ਬੁਲਾਰੇ ਨੇ ਭਾਸ਼ਣ ਵੀ ਦਿਤਾ।
Anna Hazare Third Day of Hunger Strike
ਸੂਤਰਾਂ ਮੁਤਾਬਕ ਹਾਰਦਿਕ ਪਟੇਲ ਦੇ ਜਲਦ ਹੀ ਪ੍ਰੋਗਰਾਮ ਨਾਲ ਜੁੜਨ ਦੀ ਖ਼ਬਰ ਹੈ। ਉਹ ਜਨਤਾ ਦੇ ਵਿਚਕਾਰ ਆ ਕੇ ਬੈਠ ਸਕਦੇ ਹਨ ਪਰ ਉਨ੍ਹਾਂ ਨੂੰ ਮੰਚ 'ਤੇ ਜਗ੍ਹਾ ਨਹੀਂ ਦਿਤੀ ਜਾਵੇਗੀ। ਸੁਸ਼ੀਲ ਭੱਟ, ਟੀਮ ਅੰਨਾ ਦੀ ਰਾਸ਼ਟਰੀ ਕੋਰ ਕਮੇਟੀ ਦੇ ਮੈਂਬਰ ਨੇ ਦਸਿਆ ਕਿ ਹਾਰਦਿਕ ਆਉਣਗੇ ਤਾਂ ਉਨ੍ਹਾਂ ਦਾ ਹਾਰਦਿਕ ਸਵਾਗਤ ਹੈ। ਉਹ ਅੰਨਾ ਦੇ ਨਾਲ ਮੰਚ 'ਤੇ ਬੈਠਣ ਦੀ ਬਜਾਏ ਹੇਠਾਂ ਵਾਲੇ ਮੰਚ 'ਤੇ ਬੈਠ ਸਕਦੇ ਹਨ।
