ਇਵਿਨ ਦੀ 2021 ਵਿਚ ਬੈਡਮਿੰਟਨ ਖੇਡਦੇ ਸਮੇਂ ਅਚਾਨਕ ਬੇਹੋਸ਼ ਹੋ ਜਾਣ ਤੋਂ ਬਾਅਦ ਸਿਰਫ਼ 26 ਸਾਲ ਦੀ ਉਮਰ ਵਿਚ ਮੌਤ ਹੋ ਗਈ ਸੀ।
ਕੇਰਲ – ਕੇਰਲ ਦੇ ਤ੍ਰਿਸ਼ੂਰ ਵਿਚ ਆਪਣੇ ਡਾਕਟਰ ਬੇਟੇ ਨੂੰ ਗੁਆ ਦੇਣ ਵਾਲੇ ਮਾਪਿਆਂ ਨੇ ਉਸ ਦੀ ਯਾਦ ਨੂੰ ਜ਼ਿੰਦਾ ਰੱਖਣ ਲਈ ਅਨੋਖਾ ਤਰੀਕਾ ਅਪਣਾਇਆ ਹੈ। ਦਰਅਸਲ ਮਾਪਿਆਂ ਨੇ ਉਸ ਦੀ ਕਬਰ ’ਤੇ ਕਿਊ. ਆਰ. ਕੋਡ ਲਾਇਆ ਹੈ। ਪੇਸ਼ੇ ਤੋਂ ਡਾਕਟਰ ਇਵਿਨ ਦੀ 2021 ਵਿਚ ਬੈਡਮਿੰਟਨ ਖੇਡਦੇ ਸਮੇਂ ਅਚਾਨਕ ਬੇਹੋਸ਼ ਹੋ ਜਾਣ ਤੋਂ ਬਾਅਦ ਸਿਰਫ਼ 26 ਸਾਲ ਦੀ ਉਮਰ ਵਿਚ ਮੌਤ ਹੋ ਗਈ ਸੀ।
ਇਵਿਨ ਦੇ ਮਾਤਾ-ਪਿਤਾ ਨੇ ਕੇਰਲ ਵਿਚ ਕੁਰੀਆਚਿਰਾ ਦੇ ਸੇਂਟ ਜੋਸੇਫ ਚਰਚ ਵਿਚ ਆਪਣੇ ਬੇਟੇ ਦੀ ਕਬਰ ’ਤੇ ਇਕ ਕਿਊ. ਆਰ. ਕੋਡ ਲਾਉਣ ਦਾ ਫੈਸਲਾ ਕੀਤਾ, ਜਿਸ ਨੂੰ ਸਕੈਨ ਕਰ ਕੇ ਲੋਕ ਉਸ ਦੇ ਜੀਵਨ ਅਤੇ ਸ਼ਖਸੀਅਤ ਦੀ ਝਲਕ ਦੱਸਣ ਵਾਲੀਆਂ ਵੀਡੀਓਜ਼ ਦੇਖ ਸਕਣਗੇ। ਕੁਰੀਆਚਿਰਾ ਦੇ ਰਹਿਣ ਵਾਲੇ ਪਰਿਵਾਰ ਨੇ ਇਕ ਵੈੱਬ ਪੇਜ ਵੀ ਬਣਾਇਆ ਹੈ, ਜਿਸ ਵਿਚ ਇਵਿਨ ਦੇ ਵੀਡੀਓਜ਼ ਹਨ। ਇਸ ਨੂੰ ਵੀ ਕਿਊ. ਆਰ. ਕੋਡ ਨਾਲ ਜੋੜਿਆ ਗਿਆ ਹੈ।