ਮਰਸ ਦੇ ਜਜ਼ਬੇ ਨੂੰ ਹਰ ਕੋਈ ਕਰ ਰਿਹਾ ਸਲਾਮ
ਰਾਏਪੁਰ: ਛੱਤੀਸਗੜ੍ਹ ਦੇ ਕਵਰਧ ਬਲਾਕ ਦੇ ਪਿੰਡ ਲਿਮੋ ਵਿਚ ਇਕ ਨਰਸ ਨੇ ਕੋਰੋਨਾ ਯੋਧਾ ਬਣ ਅਜਿਹਾ ਜਜ਼ਬਾ ਦਿਖਾਇਆ ਕਿ ਅੱਜ ਹਰ ਕੋਈ ਉਸ ਨੂੰ ਸਲਾਮ ਕਰ ਰਿਹਾ ਹੈ। ਦਰਅਸਲ, ਇਹ ਨਰਸ ਗਰਭਵਤੀ ਹੋਣ ਦੇ ਬਾਵਜੂਦ ਲੋਕਾਂ ਦੀ ਸੇਵਾ ਕਰਦੀ ਰਹੀ।
ਬੱਚੀ ਨੂੰ ਜਨਮ ਦੇਣ ਤੋਂ ਬਾਅਦ ਮਾਂ ਅਤੇ ਬੱਚਾ ਦੋਵੇਂ ਕੋਰੋਨਾ ਸੰਕਰਮਿਤ ਹੋ ਗਏ। ਡਾਕਟਰਾਂ ਨੇ ਕਿਸੇ ਤਰ੍ਹਾਂ ਬੱਚੀ ਨੂੰ ਬਚਾ ਲਿਆ, ਪਰ ਨਰਸ ਨੇ ਆਪਣਾ ਫਰਜ਼ ਨਿਭਾਉਂਦੇ ਹੋਏ ਇਸ ਸੰਸਾਰ ਨੂੰ ਅਲਵਿਦਾ ਕਹਿ ਦਿੱਤਾ।
ਜਾਣਕਾਰੀ ਅਨੁਸਾਰ ਨਰਸ ਦੇ ਪਤੀ ਭੀਸ਼ ਕੁਮਾਰ ਬਾਂਜਰੇ ਨੇ ਦੱਸਿਆ ਕਿ ਉਸ ਦੀ ਪਤਨੀ ਪ੍ਰਭਾ ਗਰਭਵਤੀ ਹੋਣ ਦੇ ਬਾਵਜੂਦ ਕੋਵਿਡ ਵਾਰਡ ਵਿਚ ਡਿਊਟੀ ਕਰਦੀ ਰਹੀ। ਉਹ ਕਵਰਧ ਬਲਾਕ ਦੇ ਪਿੰਡ ਲਿਮੋ ਵਿਚ ਰਹਿੰਦੀ ਸੀ, ਜਦੋਂ ਕਿ ਉਸਦੀ ਪੋਸਟਿੰਗ ਪ੍ਰਾਇਮਰੀ ਹੈਲਥ ਸੈਂਟਰ ਖੈਰਵਰ ਖੁਰਦ ਲਰਮਮੀ (ਮੁੰਗੇਲੀ) ਵਿਖੇ ਸੀ।
ਗਰਭ ਅਵਸਥਾ ਦੌਰਾਨ ਉਹ ਪਿੰਡ ਕਪਾਦਾਹ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਇਕੱਲੀ ਰਹਿਣ ਲੱਗੀ ਅਤੇ ਉਥੋਂ ਹਸਪਤਾਲ ਆਉਂਦੀ ਰਹਿੰਦੀ ਸੀ। ਭੀਸ਼ ਕੁਮਾਰ ਨੇ ਦੱਸਿਆ ਕਿ ਪ੍ਰਭਾ ਨੂੰ 30 ਅਪ੍ਰੈਲ ਨੂੰ ਜਣੇਪੇ ਵੇਲੇ ਕਵਰਧ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਜਿਥੇ ਉਸ ਨੇ ਇਕ ਬੱਚੀ ਨੂੰ ਜਨਮ ਦਿੱਤਾ। ਬੱਚੀ ਨੂੰ ਜਨਮ ਦੇਣ ਤੋਂ ਬਾਅਦ ਬੱਚਾ ਅਤੇ ਮਾਂ ਦੋਵੇਂ ਕੋਰੋਨਾ ਸੰਕਰਮਿਤ ਹੋ ਗਏ ਤੇ ਉਸਦੀ ਪਤਨੀ ਦੀ ਮੌਤ ਹੋ ਗਈ।