ਸੋਨਾ, ਚਾਂਦੀ, ਤੇ ਹੋਰ ਵੀ ਸਮਾਨ ਹੋਇਆ ਬਰਾਮਦ
ਬੀਜਾਪੁਰ: ਕੀ ਤੁਸੀਂ ਕਦੇ ਪਾਈਪ ਰਾਹੀਂ ਪੈਸਾ ਵਹਿੰਦਾ ਦੇਖਿਆ ਹੈ? ਇਹ ਸੁਣਨ ਵਿੱਚ ਬਹੁਤ ਅਜੀਬ ਲੱਗਦਾ ਹੈ। ਪਰ ਅਜਿਹਾ ਹੀ ਇੱਕ ਮਾਮਲਾ ਕਰਨਾਟਕ ਤੋਂ ਸਾਹਮਣੇ ਆਇਆ ਹੈ। ਦਰਅਸਲ, ਕਰਨਾਟਕ ਦੇ ਭ੍ਰਿਸ਼ਟਾਚਾਰ ਵਿਰੋਧੀ ਬਿਊਰੋ (ACB) ਦੀ ਛਾਪੇਮਾਰੀ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
PHOTO
ਏਸੀਬੀ ਨੇ ਲੋਕ ਨਿਰਮਾਣ ਵਿਭਾਗ (ਪੀਡਬਲਯੂਡੀ) ਦੇ ਇੱਕ ਜੂਨੀਅਰ ਇੰਜੀਨੀਅਰ ਦੇ ਘਰ ਛਾਪਾ ਮਾਰਿਆ ਸੀ। ਵੀਡੀਓ ਵਿੱਚ, ਏਸੀਬੀ ਅਧਿਕਾਰੀ ਪੀਵੀਸੀ ਪਾਈਪ ਦੇ ਅੰਦਰੋਂ ਨਕਦੀ ਅਤੇ ਸੋਨੇ ਦੇ ਗਹਿਣੇ ਕੱਢਦੇ ਹੋਏ ਦਿਖਾਈ ਦੇ ਰਹੇ ਹਨ।
Nothing to see here. Just bundles of cash dropping from a drainpipe at a PWD engineer’s house in Kalaburagi, Karnataka during a raid by anti-corruption bureau agents. (Via @nagarjund) pic.twitter.com/Vh51xa2Q1r
— Shiv Aroor (@ShivAroor) November 24, 2021
ਭ੍ਰਿਸ਼ਟਾਚਾਰ ਰੋਕੂ ਏਜੰਸੀ ਦੇ ਅਧਿਕਾਰੀਆਂ ਨੇ ਜੇ.ਈ.ਸ਼ਾਂਤਾਗੌੜਾ ਬਿਰਾਦਰ 'ਤੇ ਆਪਣੇ ਕਾਰਜਕਾਲ ਦੌਰਾਨ ਆਮਦਨ ਤੋਂ ਵੱਧ ਜਾਇਦਾਦ ਹਾਸਲ ਕਰਨ ਦਾ ਸ਼ੱਕ ਜਤਾਇਆ। ਇਸ ਤੋਂ ਬਾਅਦ ਅਧਿਕਾਰੀਆਂ ਨੇ ਕਲਬੁਰਗੀ ਸਥਿਤ ਜੂਨੀਅਰ ਇੰਜੀਨੀਅਰ ਦੇ ਘਰ 'ਤੇ ਛਾਪਾ ਮਾਰਿਆ। ਛਾਪੇਮਾਰੀ ਦੀ ਅਗਵਾਈ ਏਸੀਬੀ ਦੇ ਐਸਪੀ ਮਹੇਸ਼ ਮੇਘਨਵਰ ਨੇ ਕੀਤੀ।
PHOTO
ਕੁਝ ਰਿਪੋਰਟਾਂ ਮੁਤਾਬਕ ਬੁੱਧਵਾਰ ਸਵੇਰੇ ਕਰੀਬ 9 ਵਜੇ ਏਸੀਬੀ ਟੀਮ ਨੇ ਬਿਰਦਾਰ ਦੇ ਘਰ ਦਾ ਦਰਵਾਜ਼ਾ ਖੜਕਾਇਆ। ਜੂਨੀਅਰ ਇੰਜਨੀਅਰ ਨੂੰ ਦਰਵਾਜ਼ਾ ਖੋਲ੍ਹਣ ਵਿੱਚ 10 ਮਿੰਟ ਲੱਗੇ, ਜਿਸ ਨਾਲ ਏਸੀਬੀ ਅਧਿਕਾਰੀਆਂ ਨੂੰ ਸ਼ੱਕ ਹੋਇਆ ਕਿ ਉਸ ਨੇ ਘਰ ਦੇ ਆਸ-ਪਾਸ ਕਿਤੇ ਬੇਹਿਸਾਬ ਨਕਦੀ ਛੁਪਾ ਦਿੱਤੀ ਹੈ।
ਇਸ ਤੋਂ ਬਾਅਦ ਜੂਨੀਅਰ ਇੰਜੀਨੀਅਰ ਦੇ ਘਰ ਅੰਦਰ ਪੀਵੀਸੀ ਪਾਈਪ ਕੱਟਣ ਲਈ ਪਲੰਬਰ ਨੂੰ ਬੁਲਾਇਆ ਗਿਆ।
PHOTO
ਜਦੋਂ ਪਲੰਬਰ ਨੇ ਪਾਈਪ ਕੱਟੀ ਤਾਂ ਅਧਿਕਾਰੀਆਂ ਨੂੰ ਉਸ ਅੰਦਰ ਨਕਦੀ ਅਤੇ ਸੋਨੇ ਦੇ ਗਹਿਣਿਆਂ ਦੇ ਬੰਡਲ ਮਿਲੇ। ਇੰਡੀਅਨ ਐਕਸਪ੍ਰੈਸ ਦੀ ਰਿਪੋਰਟ ਮੁਤਾਬਕ ਜੂਨੀਅਰ ਇੰਜੀਨੀਅਰ ਸ਼ਾਂਤਾਗੌੜਾ ਬਿਰਦਾਰ ਦੇ ਘਰੋਂ ਕੁੱਲ 13.5 ਲੱਖ ਰੁਪਏ ਦੀ ਨਕਦੀ ਬਰਾਮਦ ਹੋਈ ਹੈ। ਰਿਪੋਰਟ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਏਸੀਬੀ ਅਧਿਕਾਰੀਆਂ ਨੇ ਪੀਡਬਲਯੂਡੀ ਦੇ ਜੂਨੀਅਰ ਇੰਜੀਨੀਅਰ ਦੇ ਘਰ ਦੇ ਅੰਦਰ ਛੱਤ ਤੋਂ ਬਾਹਰ ਰੱਖੀ 6 ਲੱਖ ਰੁਪਏ ਦੀ ਨਕਦੀ ਵੀ ਬਰਾਮਦ ਕੀਤੀ ਹੈ।
