Elanabad
ਸ਼ਹਿਰ ਵਿਚ ਘੁੰਮ ਰਹੇ ਬੇਸਹਾਰਾ ਪਸ਼ੂਆਂ ਤੋਂ ਸ਼ਹਿਰ ਵਾਸੀਆਂ ਨੂੰ ਰਾਹਤ ਮਿਲਣ ਦੀ ਉਮੀਦ ਹੋ ਗਈ ਹੈ। ਸਰਕਾਰ ਅਤੇ ਸਥਾਨਕ ਪ੍ਰਸ਼ਾਸਨ ਵਲੋਂ ਜਲਦੀ ਸ਼ਹਿਰ ਵਿਚ ਫਿਰਦੇ ਬੇਸਹਾਰਾ..
ਏਲਨਾਬਾਦ, 12 ਅਗੱਸਤ (ਪਰਦੀਪ ਧੁੰਨਾ ਚੂਹੜਚੱਕ): ਸ਼ਹਿਰ ਵਿਚ ਘੁੰਮ ਰਹੇ ਬੇਸਹਾਰਾ ਪਸ਼ੂਆਂ ਤੋਂ ਸ਼ਹਿਰ ਵਾਸੀਆਂ ਨੂੰ ਰਾਹਤ ਮਿਲਣ ਦੀ ਉਮੀਦ ਹੋ ਗਈ ਹੈ। ਸਰਕਾਰ ਅਤੇ ਸਥਾਨਕ ਪ੍ਰਸ਼ਾਸਨ ਵਲੋਂ ਜਲਦੀ ਸ਼ਹਿਰ ਵਿਚ ਫਿਰਦੇ ਬੇਸਹਾਰਾ ਪਸ਼ੂਆਂ ਨੂੰ ਫੜ੍ਹ ਕੇ ਨੰਦੀਸ਼ਾਲਾ ਵਿਚ ਰੱਖਿਆ ਜਾਵੇਗਾ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਉਪ ਮੰਡਲ ਅਧਿਕਾਰੀ ਵਜਿੰਦਰ ਸਿੰਘ ਨੇ ਦੱਸਿਆ ਸੜਕਾਂ ਤੇ ਘੁੰਮ ਰਹੇ ਆਵਾਰਾਂ ਪਸ਼ੂਆਂ ਦੇ ਕਾਰਨ ਹੋ ਰਹੀਆਂ ਸੜਕ ਦੁਰਘਟਨਾਵਾਂ ਨੂੰ ਵੇਖਦੇ ਹੋਏ ਪ੍ਰਸ਼ਾਸਨ ਨੇ ਰੇਲਵੇ ਪਾਰ ਹੁੱਡਾ ਵਿਚ ਨੰਦੀਸ਼ਾਲਾ ਬਣਾਕੇ ਬੇਸਹਾਰਾਂ ਪਸ਼ੂਆਂ ਨੂੰ ਉਸ ਨੰਦੀਸ਼ਾਲਾ ਵਿਚ ਰੱਖਿਆ ਜਾਵੇਗਾ ਨੰਦੀਸ਼ਾਲਾਂ ਦਾ ਕੰਮ ਸਹੀ ਢੰਗ ਨਾਲ ਚਲਾਉਣ ਲਈ ਇੱਕ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ।
ਜਿਸ ਦੇ ਸਰਪ੍ਰਸਤ ਭਾਰਤ ਮੁਨੀ ਪ੍ਰਧਾਨ ਰਵਿੰਦਰ ਕੁਮਾਰ ਲੱਢਾ,ਉਪ ਪ੍ਰਧਾਨ ਰੂਪ ਰਾਮ ਜੈਪਾਲ, ਸਕੱਤਰ ਡਾਕਟਰ ਐਨ ਆਰ ਸਿੱਧੂ, ਅਜੇ ਬਾਨਾ, ਭੋਜਾ ਰਾਮ ਮਹਿਤਾ, ਚੰਦਰ ਪ੍ਰਕਾਸ ਸੋਨੀ, ਕਮੇਟੀ ਦੇ ਬੁਲਾਰੇ ਸੁਭਾਸ਼ ਪ੍ਰੇਮੀ ਆਦਿ ਕਮੇਟੀ ਦੇ ਮੈਂਬਰ ਮੌਜੂਦ ਸਨ।
