ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਵਲੋਂ ਮ੍ਰਿਤਕਾਂ ਦੇ ਪ੍ਰਵਾਰਾਂ ਨੂੰ 4 ਲੱਖ ਰੁਪਏ ਮੁਆਵਜ਼ਾ ਦੇਣ ਦਾ ਐਲਾਨ
ਪਟਨਾ : ਅਸਮਾਨੀ ਬਿਜਲੀ ਡਿੱਗਣ ਨਾਲ ਬਿਹਾਰ 'ਚ ਵੀਰਵਾਰ ਨੂੰ 23 ਜ਼ਿਲ੍ਹਿਆਂ 'ਚ 83 ਅਤੇ ਯੂ.ਪੀ. ਵਿਚ 27 ਲੋਕਾਂ ਦੀ ਮੌਤ ਦੀ ਖ਼ਬਰ ਹੈ। ਮੌਤਾਂ ਦਾ ਅੰਕੜਾ 110 ਪਹੁੰਚ ਗਿਆ ਹੈ। ਗੋਪਾਲਗੰਜ ਸਿਵਾਨ, ਮਧੁਬਨੀ, ਮੋਤੀਹਾਰੀ, ਦਰਭੰਗਾ ਅਤੇ ਹੋਰ ਜ਼ਿਲ੍ਹਿਆਂ ਵਿਚ ਬਿਜਲੀ ਡਿੱਗਣ ਕਾਰਨ 83 ਲੋਕਾਂ ਦੀ ਮੌਤ ਹੋ ਗਈ ਹੈ।
Lightning claims 110 lives in Bihar and UP
ਇਨ੍ਹਾਂ ਵਿਚੋਂ ਗੋਪਾਲਗੰਜ ਵਿਚ 14, ਸਿਵਾਨ ਵਿਚ ਪੰਜ, ਮਧੂਬਨੀ ਅਤੇ ਨਵਾਦਾ 'ਚ 8-8, ਸੀਵਾਨ-ਭਾਗਲਪੁਰ 'ਚ 6-6, ਮੋਤੀਹਾਰੀ ਵਿਚ ਦੋ ਅਤੇ ਦਰਭੰਗ ਵਿਚ ਇਕ ਦੀ ਮੌਤ ਹੋਈ ਹੈ ਅਤੇ ਬਾਕੀ ਮ੍ਰਿਤਕਾਂ ਬਾਰੇ ਅਜੇ ਜਾਣਕਾਰੀ ਨਹੀਂ ਮਿਲ ਸਕੀ। ਇਸ ਦੇ ਨਾਲ ਹੀ ਸਾਰੇ ਜ਼ਿਲ੍ਹੇ ਵਿਚ 12 ਜ਼ਖ਼ਮੀਆਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਗੋਪਾਲਗੰਜ ਵਿਚ ਮਰਨ ਵਾਲੇ ਸਾਰੇ ਲੋਕ ਬਰੌਲੀ, ਮਾਂਝਾ, ਵਿਜੈਪੁਰਾ, ਉਚਾਗਾਉਂ ਅਤੇ ਕਟੀਆ ਇਲਾਕਿਆਂ ਦੇ ਵਸਨੀਕ ਹਨ।
Lightning claims 110 lives in Bihar and UP
ਦਸਿਆ ਜਾ ਰਿਹਾ ਹੈ ਕਿ ਇਹ ਸਾਰੇ ਕਿਸਾਨ ਹਨ ਅਤੇ ਝੋਨਾ ਲਾਉਣ ਲਈ ਗਏ ਸਨ। ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਮ੍ਰਿਤਕਾਂ ਦੇ ਪ੍ਰਵਾਰਾਂ ਨੂੰ 4 ਲੱਖ ਰੁਪਏ ਮੁਆਵਜ਼ਾ ਦੇਣ ਦਾ ਐਲਾਨ ਕੀਤਾ ਹੈ।
ਗੋਪਾਲਗੰਜ ਸਦਰ ਦੇ ਐਸਡੀਐਮ ਉਪੇਂਦਰ ਪਾਲ ਨੇ ਦਸਿਆ ਕਿ ਸਦਰ ਉਪ ਮੰਡਲ ਵਿਚ ਬਿਜਲੀ ਡਿੱਗਣ ਕਾਰਨ ਹੁਣ ਤਕ 7 ਵਿਅਕਤੀਆਂ ਦੀ ਮੌਤ ਹੋ ਚੁੱਕੀ ਹੈ ਜਦਕਿ ਹਠੂਆ ਉਪ ਮੰਡਲ
ਵਿਚ 6 ਲੋਕਾਂ ਦੀ ਮੌਤ ਹੋ ਗਈ ਹੈ।
Nitish Kumar
ਮਹੱਤਵਪੂਰਨ ਗੱਲ ਇਹ ਹੈ ਕਿ ਤੇਜ਼ ਮੀਂਹ ਦੇ ਨਾਲ ਬਿਜਲੀ ਵੀ ਗਰਜ ਰਹੀ ਸੀ, ਇਥੇ ਜ਼ਿਲ੍ਹੇ ਦੇ ਵੱਖ-ਵੱਖ ਬਲਾਕਾਂ ਵਿਚ ਕਿਸਾਨ ਖੇਤਾਂ ਵਿਚ ਕੰਮ ਕਰ ਰਹੇ ਸਨ। ਉਸੇ ਸਮੇਂ ਬਿਜਲੀ ਡਿੱਗਣ ਨਾਲ ਉਹ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਜਾਣਕਾਰੀ ਅਨੁਸਾਰ ਜ਼ਿਲ੍ਹੇ ਦੇ ਬਰੌਲੀ ਵਿਚ 4, ਮਾਂਝਾਗੜ੍ਹ ਵਿਚ 2, ਬੈਕੁੰਠਪੁਰ ਵਿਚ 1, ਉਚਕਾਗਾਉਂ, ਕਟੇਆ ਅਤੇ ਵਿਜੇਪੁਰਮ ਵਿਚ 1-1 ਦੀ ਮੌਤ ਹੋ ਗਈ ਹੈ ਜਿਸ ਵਿਚ ਬੱਚੇ ਅਤੇ ਔਰਤਾਂ ਵੀ ਸ਼ਾਮਲ ਹਨ।
Lightning claims 110 lives in Bihar and UP
ਇਸ ਦੇ ਨਾਲ ਹੀ ਸੀਵਾਨ 'ਚ 5 ਲੋਕਾਂ ਦੀ ਮੌਤ ਹੋ ਗਈ ਹੈ, ਜਦਕਿ ਤਿੰਨ ਲੋਕ ਜ਼ਖ਼ਮੀ ਹਨ। ਜ਼ਖ਼ਮੀਆਂ ਵਿਚੋਂ ਦੋ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਇਥੇ ਵੀ ਮ੍ਰਿਤਕ ਖੇਤ ਵਿਚ ਝੋਨਾ ਲਾ ਰਹੇ ਸਨ। ਸੀਵਾਨ ਦੇ ਹੁਸੈਨਗੰਜ ਬਲਾਕ ਦੇ ਸੰਨੀ ਕੁਮਾਰ, ਸ਼ੰਭੂ ਰਾਮ, ਬਧਾਰੀਆ ਬਲਾਕ ਦੀ ਪਾਰਵਤੀ ਦੇਵੀ, ਮਾਰਵਾ ਬਲਾਕ ਦੇ ਦੁਰਗੇਸ਼ ਕੁਮਾਰ ਅਤੇ ਹਸਨਪੁਰਾ ਬਲਾਕ ਦੇ ਬਿਪੁਲ ਕੁਮਾਰ ਦੀ ਮੌਤ ਹੋ ਗਈ ਹੈ।
Lightning
ਮਧੂਬਨੀ ਦੇ ਥਾਣਾ ਫੂਲਪਾਰਸ ਦੇ ਬੇਲਾਹਾ ਪਿੰਡ ਵਿਚ ਬਿਜਲੀ ਡਿੱਗਣ ਕਾਰਨ ਪਤੀ ਅਤੇ ਪਤਨੀ ਦੀ ਮੌਤ ਹੋ ਗਈ। ਇਹ ਹਾਦਸਾ ਖੇਤਾਂ ਵਿਚ ਕੰਮ ਕਰਨ ਦੌਰਾਨ ਵਾਪਰਿਆ। ਇਸ ਦੇ ਨਾਲ ਹੀ ਦਰਭੰਗਾ 'ਚ ਇਕ ਔਰਤ ਦੀ ਮੌਤ ਹੋ ਗਈ ਹੈ, ਜਦਕਿ ਦੋ ਬੁਰੀ ਤਰ੍ਹਾਂ ਜ਼ਖ਼ਮੀ ਹਨ।
