ਨਿਡਰਤਾ ਤੇ ਦਿੜ੍ਹ ਇਰਾਦੇ ਦੀ ਕਾਇਮ ਕੀਤੀ ਮਿਸਾਲ
ਤਿਰੂਪਤੀ : ਕੋਰੋਨਾ ਵਾਇਰਸ ਨੇ ਇਸ ਸਮੇਂ ਦੁਨੀਆਂ ਦੇ ਬਹੁਤੇ ਹਿੱਸਿਆਂ 'ਚ ਦਹਿਸ਼ਤ ਮਚਾਈ ਹੋਈ ਹੈ। ਆਏ ਦਿਨ ਵੱਡੀ ਗਿਣਤੀ ਲੋਕ ਇਸ ਦੀ ਲਪੇਟ ਵਿਚ ਆ ਰਹੇ ਹਨ। ਲੰਮੇ ਲੌਕਡਾਊਨ ਤੋਂ ਬਾਅਦ ਮੁੜ ਪੈਰਾ ਸਿਰ ਹੋ ਰਹੀ ਜ਼ਿੰਦਗੀ ਨੂੰ ਮੁੜ ਲੌਕਡਾਊਨ ਦਾ ਡਰ ਸਤਾ ਰਿਹਾ ਹੈ।
101 year old woman
ਕਰੋਨਾ ਦਾ ਡਰ ਇਸ ਕਦਰ ਭਾਰੀ ਹੈ ਕਿ ਪਿਛਲੇ ਦਿਨਾਂ ਦੌਰਾਨ ਕਰੋਨਾ ਦੇ ਡਰ ਕਾਰਨ ਕਈ ਲੋਕ ਖੁਦਕੁਸ਼ੀ ਵਰਗਾ ਕਦਮ ਵੀ ਚੁੱਕ ਚੁੱਕੇ ਹਨ। ਭਾਵੇਂ ਸਰਕਾਰਾਂ ਦੇ ਨਾਲ-ਨਾਲ ਡਾਕਟਰਾਂ ਵਲੋਂ ਵੀ ਕਰੋਨਾ ਤੋਂ ਡਰਨ ਦੀ ਬਜਾਏ ਇਸ ਦਾ ਮੁਕਾਬਲਾ ਕਰਨ ਸਬੰਧੀ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾ ਰਿਹਾ ਹੈ। ਇਸ ਦੇ ਬਾਵਜੂਦ ਮੀਡੀਆ ਅਤੇ ਹੋਰ ਸਾਧਨਾਂ ਰਾਹੀਂ ਕਰੋਨਾ ਦੀ ਸਾਹਮਣੇ ਆ ਰਹੀ ਡਰਾਉਣੀ ਤਸਵੀਰ ਲੋਕਾਂ ਨੂੰ ਅੰਦਰੋਂ ਪ੍ਰੇਸ਼ਾਨ ਕਰ ਰਹੀ ਹੈ।
101 year old woman
ਸਮਾਂ ਭਾਵੇਂ ਕਿੰਨਾ ਵੀ ਡਰਾਉਣਾ ਅਤੇ ਦੁਖਦਾਈ ਕਿਉਂ ਨਾ ਹੋਵੇ, ਇਸ ਦੇ ਬਾਵਜੂਦ ਕਿਤੋਂ ਨਾ ਕਿਤੋਂ ਆਸ ਦੀ ਕਿਰਨ ਵਿਖਾਈ ਦੇ ਹੀ ਜਾਂਦੀ ਹੈ। ਪਿਛਲੇ ਦਿਨਾਂ ਦੌਰਾਨ ਅਜਿਹੇ ਕਈ ਮਾਮਲੇ ਸਾਹਮਣੇ ਆਏ ਹਨ ਜਿਨ੍ਹਾਂ 'ਚ ਕਰੋਨਾ ਤੋਂ ਡਰਨ ਦੀ ਬਜਾਏ ਇਸ ਦਾ ਡਟ ਦੇ ਮੁਕਾਬਲੇ ਕਰਨ ਦੀ ਭਾਵਨਾ ਨੂੰ ਬਲ ਮਿਲਦਾ ਹੈ। ਅਜਿਹਾ ਹੀ ਇਕ ਹੋਰ ਮਾਮਲਾ ਤਿਰੂਪਤੀ ਵਿਖੇ ਸਾਹਮਣੇ ਆਇਆ ਹੈ ਜਿੱਥੇ ਇਕ 101 ਸਾਲਾ ਬੇਬੇ ਕਰੋਨਾ ਨੂੰ ਮਾਤ ਦੇਣ 'ਚ ਸਫ਼ਲ ਹੋਈ ਹੈ।
Corona Virus
101 ਸਾਲਾ ਦੀ ਇਹ ਬੇਬੇ ਤਿਰੂਪਤੀ ਦੇ ਸ੍ਰੀ ਵੈਂਕਟੇਸ਼ਵਾਰ ਮੈਡੀਕਲ ਸਾਇੰਸਜ਼ (SV9MS) 'ਚ ਸ੍ਰੀ ਪਦਮਾਵਤੀ ਮਹਿਲਾ ਹਸਪਤਾਲ 'ਚ ਇਲਾਜ ਕਰਵਾ ਰਹੀ ਸੀ। ਇਸ ਬੇਬੇ ਦੀ ਕਰੋਨਾ ਰਿਪੋਰਟ ਪਾਜ਼ੇਟਿਵ ਆਉਣ ਬਾਦ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਸੀ, ਜਿੱਥੇ ਬੇਬੇ ਦੇ ਦ੍ਰਿੜ੍ਹ ਇਰਾਦੇ ਅਤੇ ਹੌਂਸਲੇ ਅੱਗੇ ਕਰੋਨਾ ਵਰਗੀ ਮਹਾਮਾਰੀ ਟਿੱਕ ਨਹੀਂ ਸਕੀ। ਇਹ ਬੇਬੇ ਹੁਣ ਸਿਹਤਯਾਬ ਹੋ ਕੇ ਅਪਣੇ ਘਰ ਪਰਤ ਚੁੱਕੀ ਹੈ।
Corona Virus
ਮੰਨਗਾਮਾ ਨਾਮ ਦੀ ਇਸ ਬੇਬੇ ਸਬੰਧੀ ਜਾਣਕਾਰੀ ਦਿੰਦਿਆਂ ਹਸਪਤਾਲ ਦੇ ਸੂਤਰਾਂ ਨੇ ਦਸਿਆ ਕਿ ਬੀਤੇ ਕੱਲ੍ਹ ਬੇਬੇ ਦੇ ਠੀਕ ਹੋਣ ਬਾਅਦ ਉਸ ਨੂੰ ਛੁੱਟੀ ਦੇ ਦਿਤੀ ਗਈ ਹੈ। ਸੂਤਰਾਂ ਮੁਤਾਬਕ ਮੰਨਗਾਮਾ ਦੀ ਕੁੱਝ ਦਿਨ ਪਹਿਲਾਂ ਕਰੋਨ ਸਬੰਧੀ ਰਿਪੋਰਟ ਪਾਜ਼ੇਟਿਵ ਆਈ ਸੀ। ਇਸ ਤੋਂ ਬਾਅਦ ਉਸ ਨੂੰ SV9MS ਸ੍ਰੀ ਪਦਮਾਵਤੀ ਸਟੇਟ ਕੋਵਿਡ ਹਸਪਤਾਲ ਦੀ ਆਈਸੋਲੇਸ਼ਨ ਵਾਰਡ ਵਿਚ ਭਰਤੀ ਕਰਵਾਇਆ ਗਿਆ ਸੀ। ਉਸ ਦੀ ਉਮਰ ਨੂੰ ਲੈ ਕੇ ਡਾਕਟਰ ਅਤੇ ਹੋਰ ਪਰਵਾਰਕ ਮੈਂਬਰ ਚਿੰਤਤ ਸਨ ਪਰ 101 ਸਾਲਾ ਇਹ ਬੇਬੇ ਅਪਣੀ ਨੀਡਰਤਾ ਅਤੇ ਹਿੰਮਤ ਸਦਕਾ ਕਰੋਨਾ ਨੂੰ ਮਾਤ ਦੇਣ 'ਚ ਸਫ਼ਲ ਰਹੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
