ਅਮੌ ਹਾਜੀ ਨੇ ਸਾਬਣ ਤੇ ਪਾਣੀ ਤੋਂ ਬਗੈਰ ਕੱਟੇ ਸਨ 50 ਸਾਲ 

ਲੋਕਾਂ ਦੇ ਦਬਾਅ 'ਚ ਆ ਕੇ ਕੁਝ ਮਹੀਨੇ ਪਹਿਲਾਂ ਨਹਾਉਣ ਮਗਰੋਂ ਹੋਇਆ ਬਿਮਾਰ
ਬਿਮਾਰੀ ਦੇ ਚਲਦੇ ਹੋਈ ਮੌਤ

ਦੁਨੀਆ ਦੇ ਸਭ ਤੋਂ ਗੰਦੇ ਆਦਮੀ ਦੀ 94 ਸਾਲ ਦੀ ਉਮਰ ਵਿੱਚ ਮੌਤ ਹੋ ਗਈ ਹੈ। ਅਸਲ 'ਚ ਅਮੌ ਹਾਜੀ  ਪਾਣੀ ਤੋਂ ਡਰਦਾ ਸੀ ਅਤੇ ਕੁਝ ਦਿਨ ਪਹਿਲਾਂ ਪਿੰਡ ਦੇ ਕੁਝ ਲੋਕਾਂ ਨੇ ਉਸ ਨੂੰ ਫੜ ਕੇ ਨਹਾ ਦਿੱਤਾ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਨਹਾਉਣ ਕਰਨ ਦੇ ਕੁਝ ਦਿਨਾਂ ਬਾਅਦ ਅਮੌ ਹਾਜੀ ਦੀ ਮੌਤ ਹੋ ਗਈ। ਜਾਣਕਾਰੀ ਮੁਤਾਬਕ ਈਰਾਨ ਦੇ ਅਮੋ ਹਾਜੀ ਦਾ ਵਿਆਹ ਨਹੀਂ ਹੋਇਆ ਸੀ ਅਤੇ 50 ਸਾਲ ਤੋਂ ਜ਼ਿਆਦਾ ਸਮੇਂ ਤੋਂ ਉਸ ਨੇ ਇਸ਼ਨਾਨ ਨਹੀਂ ਕੀਤਾ ਸੀ।

ਉਸ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ, ਜਿਸ ਤੋਂ ਬਾਅਦ ਉਸ ਨੂੰ ਦੁਨੀਆ ਦਾ ਸਭ ਤੋਂ ਗੰਦਾ ਵਿਅਕਤੀ ਕਿਹਾ ਗਿਆ। ਦਿ ਗਾਰਡੀਅਨ ਦੀ ਰਿਪੋਰਟ ਮੁਤਾਬਕ ਉਨ੍ਹਾਂ ਨੇ 23 ਅਕਤੂਬਰ (ਐਤਵਾਰ) ਨੂੰ ਈਰਾਨ ਦੇ ਦੱਖਣੀ ਸੂਬੇ ਫਾਰਸ ਦੇ ਪਿੰਡ ਦੇਜਗਾਹ ਵਿੱਚ ਆਖਰੀ ਸਾਹ ਲਿਆ। ਮੀਡੀਆ ਰਿਪੋਰਟਾਂ ਮੁਤਾਬਕ ਹਾਜੀ ਬਿਮਾਰ ਹੋਣ ਦੇ ਡਰੋਂ ਨਹਾਉਣ ਤੋਂ ਪਰਹੇਜ਼ ਕਰਦੇ ਸਨ।

ਹਾਜੀ ਇੱਕ ਝੌਂਪੜੀ ਵਿੱਚ ਰਹਿੰਦਾ ਸੀ। ਤਹਿਰਾਨ ਟਾਈਮਜ਼ ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਹਾਜੀ ਦੀ ਖੁਰਾਕ ਵੀ ਬਹੁਤ ਅਜੀਬੋ-ਗਰੀਬ ਸੀ। ਉਸ ਨੂੰ ਮਰੇ ਹੋਏ ਜਾਨਵਰਾਂ ਦਾ ਸੜਿਆ ਮਾਸ ਖਾਣਾ ਪਸੰਦ ਕਰਦਾ ਸੀ। ਹਾਜੀ ਚਿਲਮ ਵਿੱਚ ਸੁੱਕੇ ਪਸ਼ੂਆਂ ਦੇ ਮਲ ਨੂੰ ਪਾ ਕੇ ਪੀਂਦਾ ਸੀ।

ਅਮੌ ਹਾਜੀ ਦਾ ਮੰਨਣਾ ਸੀ ਕਿ ਸਾਬਣ ਅਤੇ ਪਾਣੀ ਉਸ ਨੂੰ ਬਿਮਾਰ ਕਰ ਦੇਣਗੇ। ਸੋਸ਼ਲ ਮੀਡੀਆ 'ਤੇ ਕੁਝ ਤਸਵੀਰਾਂ 'ਚ ਉਹ ਇਕੱਠੇ ਕਈ ਸਿਗਰੇਟ ਪੀਂਦੇ ਵੀ ਦਿਖਾਈ ਦੇ ਰਹੇ ਹਨ। ਉਨ੍ਹਾਂ ਦੇ ਇਸ ਵਿਵਹਾਰ ਨੂੰ ਲੈ ਕੇ 2013 'ਚ 'ਦਿ ਸਟ੍ਰੇਂਜ ਲਾਈਫ ਆਫ ਅਮੌ ਹਾਜੀ' ਨਾਂ ਦੀ ਛੋਟੀ ਡਾਕੂਮੈਂਟਰੀ ਵੀ ਬਣਾਈ ਗਈ ਸੀ।