ਸਾਲ 1993 'ਚ ਮੁੰਬਈ 'ਚ ਹੋਏ ਲੜੀਵਾਰ ਬੰਬ ਧਮਾਕਿਆਂ ਦੇ ਮਾਮਲੇ 'ਚ ਦੋਸ਼ੀ ਅਤੇ ਭਗੌੜਾ ਦੋਸ਼ੀ ਟਾਈਗਰ ਮੇਮਨ ਦੀ ਮਹਾਰਾਸ਼ਟਰ ਦੇ ਨਾਸਿਕ

ਮੁੰਬਈ, 26 ਜੂਨ : ਸਾਲ 1993 'ਚ ਮੁੰਬਈ 'ਚ ਹੋਏ ਲੜੀਵਾਰ ਬੰਬ ਧਮਾਕਿਆਂ ਦੇ ਮਾਮਲੇ 'ਚ ਦੋਸ਼ੀ ਅਤੇ ਭਗੌੜਾ ਦੋਸ਼ੀ ਟਾਈਗਰ ਮੇਮਨ ਦੀ ਮਹਾਰਾਸ਼ਟਰ ਦੇ ਨਾਸਿਕ ਜ਼ਿਲ੍ਹੇ 'ਚ ਸਥਿਤ ਨਾਸਿਕ ਰੋਡ ਜੇਲ 'ਚ ਸ਼ੁਕਰਵਾਰ ਨੂੰ ਮੌਤ ਹੋ ਗਈ। ਇਕ ਅਧਿਕਾਰੀ ਨੇ ਦਸਿਆ ਕਿ 57 ਸਾਲਾ ਮੇਮਨ ਨੇ ਸ਼ੁਕਰਵਾਰ ਸਵੇਰੇ ਛਾਤੀ 'ਚ ਦਰਦ ਅਤੇ ਸਾਹ ਲੈਣ 'ਚ ਦਿੱਕਤ ਦੀ ਸ਼ਿਕਾਇਤ ਕੀਤੀ ਸੇ। ਉਨ੍ਹਾਂ ਦਸਿਆ ਕਿ ਮੇਮਨ ਨੂੰ ਜ਼ਿਲਾ ਸਦਰ ਹਸਪਤਾਲ ਲਿਜਾਇਆ ਗਿਆ ਜਿਥੇ ਇਲਾਜ ਦੌਰਾਨ ਕਰੀਬ ਪੌਣੇ 11 ਵਜੇ ਉਸ ਦੀ ਮੌਤ ਹੋ ਗਈ। ਨਾਸਿਕ ਦੇ ਪੁਲਿਸ ਕਮਿਸ਼ਨਰ ਵਿਸ਼ਵਾਸ ਨਾਂਗਰੇ ਪਾਟਿਲ ਨੇ ਯੂਸਫ਼ ਮੇਮਨ ਦੀ ਮੌਤ ਦੀ ਪੁਸ਼ਟੀ ਕੀਤੀ।

File

ਟਾਈਗਰ ਮੇਮਨ ਅਤੇ ਭਗੌੜਾ ਗੈਂਗਸਟਰ ਦਾਊਦ ਇਬਰਾਹਿਮ ਨੂੰ ਜਿਥੇ ਮੁੰਬਈ ਧਮਾਕਿਆਂ ਦਾ ਮਾਸਟਰਮਾਈਂਡ ਦਸਿਆ ਜਾਂਦਾ ਹੈ, ਉਥੇ ਹੀ ਯੂਸਫ਼ 'ਤੇ ਮੁੰਬਈ 'ਚ ਅਲ ਹੁਸੈਨੀ ਬਿਲਡਿੰਗ ਸਥਿਤ ਅਪਣੇ ਫ਼ਲੈਟ ਅਤੇ ਗੈਰਾਜ਼ ਨੂੰ ਅਤਿਵਾਦੀ ਗਤੀਵਿਧੀਆਂ ਲਈ ਉਪਲਬਧ ਕਰਵਾਉਣ ਦਾ ਦੋਸ਼ ਸੀ।ਵਿਸ਼ੇਸ਼ ਟਾਡਾ ਕੋਰਟ ਨੇ ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਸੀ। ਮਾਮਲੇ 'ਚ ਗ੍ਰਿਫਤਾਰ ਇਕ ਹੋਰ ਮੇਮਨ ਬੰਧੂ ਯਾਕੂਬ ਮੇਮਨ ਨੂੰ 2015 'ਚ ਫਾਂਸੀ ਦੇ ਦਿਤੀ ਗਈ ਸੀ। ਮੁੰਬਈ 'ਚ 12 ਮਾਰਚ 1993 ਨੂੰ ਹੋਏ ਧਮਾਕਿਆਂ 'ਚ ਘੱਟੋ-ਘੱਟ 250 ਲੋਕ ਮਾਰੇ ਗਏ ਸਨ ਅਤੇ ਸੈਂਕੜੇ ਹੋਰ ਜ਼ਖ਼ਮੀ ਹੋ ਗਏ ਸਨ।  (ਪੀਟੀਆਈ)